JOYIL 2:28 - Sumi Naga CL (Re-edited) Bible (BSI)

²⁸ “Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

BAIBEL (BSI)

²⁸ ‘Hithiu timi kumtsu shou ino ighungu lepukutsu nani Nongu nu-noqo eno angano-qono itsape pesu asheshu nani; Nowu muchomiqono asamo pumo nani, eno nowu lhothemino kungunhetsu qo ithulu nani.

JOYIL 2:28 Iomraidhean Croise

AHOLE 1:23

I no sakiyi kelo nongu no tsüghü ighilu aye, julo, I no nongu shou I ghungu lepuku tsünani; nongu pelo I tsa ithilupe nani.

ISAIAH 32:15

Ni shou Aghungu lepuku tsümoke kutolo eno asayeqha no aghüma luza ilhouve no aghasü kimihi shimoke kutolo titoi anani.

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

ISAIAH 49:26

I no nongu qoda kemi pelo pano phiashi chupe nani; eno aji sho akeshi pano jih shope nani. Tileno timi kümtsü no Ni ye nongu Xakuluu Ampeu, nongu Xachilekuluu, Jacobw Akumtou kepi ithi nani.”

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

JEREMIYA 23:25

Tungkupmi no I je lono akimki tungkuptsa ishi pikeu I no chiluvae, ‘I no asamo pumova, I no asamo pumova!’

JEREMIYA 23:28

Tungkupu khuu no asamo pumo ani keno pa samo pipelo, ikemu khuu no I tsa piani keno pa ye pükhükulupu shi pilo. Aghijini ye kiu lono athi sasü aqü shini kea? ipi Ampeu no sheshu.

EZEKEL 36:27

Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

EZEKEL 37:14

Eno I no I Ghungu nongu shou lepuku nani, nongu ye xüluve nani, eno I no nongu yeghi lo nongu qhinani. Tileno nongu no Ni ye Ampeu kepi ithi nani; I no piqhivae, eno I no tipau shi nani ipi Ampeu no asheshu.”

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

DANIEL 7:1

Babylon kükau Belshazzar yepe mpe atüghüu lo, Daniel no pa lüpa lo ihozü akelo asamo eno kungunhetsü ithulu. Tithiu pa no asamo yepe qhive eno asamo akhoto vehu huye pivetsü.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

AKIKIHI 11:17

I no iqighi no tileno o sasü küptsani, eno o tsüpüakeu nguagha hami pesü panoqo shou puku tsüni, tishianguno o likhino kumono panongu ghi o gholono timiqo makho pupeni.

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

Luke 1:67

John papu Zechariah ye Aghungu Kimthe no chhitoive no tungkuptsa pithuve,

Luke 3:6

eno timi kümtsü no Alhouw xakulu ithulu nani.’”

John 7:39

Pa no hi pikeu ye pa pülü kemi no Aghungu ithuluni ye akeu ghili piae, kughengu ti kutolo Jisü pesü ajuküvüpu shitsü mphi kehu Aghungu tsümono ake.

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

Apostolmi 21:9

Pa nga ilimi bidi akeqo no tungkuptsa piche.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

IBRIMI 1:1

Khaghi ghuloki lo Alhou no tungkupmi vecheo ala jeli kütüta lono ghuthu kutomo ni puasüqo pütsache,

SAMUEL ATUGHIU 19:20

Ikehu Saul no David saghi peniye aghinimi puwu. Ikemu kughou panongu no tungkupmi loji tungkuptsa pi eno Samuel no panoqo mpeu shi aghi keu ithulu keno, Alhou Ghungu no Saul ghinimi shou ikughive, eno panongu ghi tungkuptsa piuve.

SAMUEL ATUGHIU 19:21

Kughou hipau ghili Saul vilo pi keno, pa no aghinimi kütami puwu, eno panoqo ghi tungkuptsa piuve.

SAMUEL ATUGHIU 28:6

Kughou Saul no Ampeu lau ighiju keno, Ampeu ye asamou nomu, Urim momu tungkupu vecheo nomu pa khochile move.