JOYIL 2:2 - Sumi Naga CL (Re-edited) Bible (BSI)

² aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

BAIBEL (BSI)

² Tiye zumoyikeu eno zuchiyikeu tsala lakhike, khumuyikeu eno kimhi kughu tsalake. Tulhaqu no ghushimi loji kije toi hakutsutsu cheni, akuzuno naghuto nhakhaluve keu toike. Khilemu hikithipu toikeu shi ighijumphike, khilemu itaghi tikithipu shimo nani.

JOYIL 2:2 Iomraidhean Croise

LESHELE 10:6

Pa mlo lono picheni, “Ni ye ithamo nani; tiqheli kupuju lo ni ye aveküsa do sholumo nani.”

LESHELE 97:2

Khüngküsü eno aküzü kutho no Pa vehomxape ani; amikucho eno kuchou xakütha no Pa yekipe boqhae.

IPEKULU 10:14

Tülhaqu no Egypt yeghi kümtsü shou ighive eno Egypt ghakhu kümtsü lo ngove, titoi keu tülhaqu loji ye khilemu ighi mphi eno khilemu ighi kithemo nani.

IPEKULU 10:6

eno tipaqo no o ki, o qemi ki eno Egyptmi kümtsü ki nhachhive nani, ti ye o puasü noqo no ayeghi lo ighike lono ishi kutolo khilemu ithumla aphi keu ke.’” Tishino pa ye Pharaoh launo tsüghüsü ipeve.

IPEKULU 20:21

Timiqo no putou puthugho ae, eno Moses no aküzü kutho küdau Alhou no akeu lo kupunu wue.

ISAIAH 5:30

Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

ISAIAH 8:22

no ayeghi lo juqhi nani kemu aveküsa ngo aküzü, eno ime kelauno khümüi keu likhive nani; eno panongu ye aküzü kutho lo vesüve nani.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

JEREMIYA 13:6

Atsala kutomo thiu Ampeu no I vilo pi, “Ithulo, Euphrates lo wulo, eno I no azah tsüno chighichephi tile küsü püakeu ikhilulo.”

AKUMLO 1:12

“Nongu itsüche keqo müzülo hi ye kiumu kumo keshea? Julo, I mloghime khikhi Ampeu no Pa loghu tsala lono I shou pukutsü keno titoi keu mloghime ani kemo keno kümsüju lo.

EZEKEL 32:7

Kughou I no no ikhiveni keno, I no atsütsü küzüve nani, eno ayepuqo zümoive tsü nani, I no khüngküsü pesü khetsünhe nhave tsü nani eno aqhi no aküvü tsümove nani.

EZEKEL 34:12

Ambekheu no ambe hami pa gholo akelono apanaghave keqo phuwu ketoi, I no I mbeqo phuwu nani, eno khüngküsü ngo aküzü kutho tsala lo panongu no khile apanaghave keno tilau no I no panoqo xaphelu nani.

EZEKEL 38:9

Pasapagha cheke toi nongu no azüu wunani. No eno ow aqokitikhi eno ashiaye kutomo o gholo akeqo no khüngküsü toi ayeghiqha küzüluve nani.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

DANIEL 9:12

Pa no amhekiqi kije ningu shou süghi keu vecheo Pa tsa khikhi ningu eno niw yepemi shou pipuku keno ti shikupuvae.

JOYIL 1:6

Kughengu shiye kumto lakhi eno kihikümla no I yeghi leniye ighivae paw ahu ye abongshuu hu, eno abongshuu aqu hu kütsüghae.

JOYIL 2:25

Tülhaqu no chuve tsüke mpe lo sala I no athoputho tsü nani, Iw ghüshimi tütüghü, ningami, amthsü, I no nongu lau puwuke.

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

JOYIL 2:5

Khurkuluqo no kokoshi ketoi panoqo no naghuto shou ikawu, ami mili no pepeshi atsüni pitive ketoie, akumtomi ghüshimi no aghüshiqa lo ilo niye kutope aketoi ke.

JOYIL 3:4

“I zülo nongu ye kiu kea, O Tyre ngo Sidon, eno Philistia tokukujo lo akeqo? Nongu ye kiuala ghenguno I lochile ani keo? Tsala nongu no I lochile aghi aye, I no mtazü eno papashi nongu lochileve nani.

AMUS 4:13

Kughengu julo, naghuto ngo amülhü lhophe keu, Pa kükümsü timi lau lheqhi keu, inaqhe pesü aküzü kughulhove, eno ayeghi kuchuqu lono chewu chekeu, Pa je ye Ampeu, aqokitikhi Lhou ke!

ZEFANIA 1:7

Ampeu Alhou zülo iqüghai lo! Kughengu Ampeu tsala ye kupunuvae; Ampeu ye aghakishi kutovae eno kuküsümi kishekimthevae.

ZEKHARIA 14:6

Tipa tsalani aküvü, akumko, momu avü küha nani.

MATTHEW 24:21

Kughengu ayeghiqha hukuthu lono ishi kutolo shimphi keu eno khilemu shimoni keu aghime kitikhi ighi nani.

Mark 13:19

Kughengu tipa ghuloki lo kijiküpsa ye inahuu Alhou no pulhosü kelono itehi kutolo khilemu shiju mphi eno hithiu mu khilemu shimo nani.

ZAKINIU 32:7

Khaghi ghili kümsü lulo; khaghi lomi ghili kümsü julo; o pu vilo iniju lo, pa no piye nani, layemi vilo inijulo, pano no pi nani,

IBRIMI 12:18

Nongu ye Sinai tolo amiküqü, aküzü, züchiyi keu ngo pasapagha akeu lo ighi mphi

Jude 1:13

azüghi zü fukukucho no pano kukujopu fukighide aketoi; itsükiche yepuqo toi, pano ghenguno aküzü kutho lo alhokupuju ghenguno a-a kutope qhipüani.

Piyeküsü 9:2

Ayepu huno akuthoku lashe khaqhi kelo amiphoki kuloghi lono amchhi pho akeshi alashe lono ipeghi no tipau no phoiku khetsünhe ngo amülhü küzüphope zümoive.