JOYIL 2:17 - Sumi Naga CL (Re-edited) Bible (BSI)

¹⁷ Ahukikha ngo akiptia dolono achinemi, Ampeu qemi no qa ghi pilo, “O Ampeu, Ow timi kipimi qhitsü lo, eno O mheghi pesü shiyeqo zülo atichepu shivepe kevilo. Kushiye ashiaye zülono pano pelo ishi pi apeni kea, ‘Pano Lhou ye khile ani kea?’”

BAIBEL (BSI)

¹⁷ Achinemi, akumlla kiptia ngo Achineki hukikha dolo AMPEU qe achekemino qanimlo ishi inikhu masake, “AMPEU, owu timiqo shou amlo ighiqhiyikeu atsulo. Ashiayeh kutami pelo nijukunatha eno nithaigha pekevilo. Eno nivilo, ‘no-Lhou khile ani kya?’ ipi pekevilo.”

JOYIL 2:17 Iomraidhean Croise

KUKAMI ATUGHIU 6:3

Akulaghi lo achebo ye akushulau aunhekipshe 30, ti ye aki akijelau pahi, eno agizüu aunhekipshe 15.

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

YEKIKITHI AKINIU 7:20

I no I yeghi o tsü püakeu lono o hapheve nani eno aki khikhi I no I je ghenguno shikimthepe püani keno, ti ghi I zülono ikhive nani. Eno hipau pesü küghakiche tsa eno thoküghapu shivetsü nani.

YEKIKITHI AKINIU 8:12

Tishino Solomon no akümlla-khache pa no mlakeu lono akipti kümllagho Ampeu lau mlla,

NEHEMIA 9:36

Julo, ishi ningu ye aqüaxemi shi ani; Nono ni puasüqo tsükeu yeghi hipau lo küghüna no ni pelo tipau xathi ngo agho kivi jeli xochu peniye shikemu julo, ningu ye aqüaxemi shi anie.

LESHELE 115:2

Kushiye shiyeqo pelo ishi pi apeni kea, “Pano Lhou ye khile ania?”

LESHELE 42:10

Akithipu ghüzaku no I ghi lo akeshi I ghümi no I thogha ani, atsala kupuju panongu no I vilo pi, “O Lhou ye khile ani kea?”

LESHELE 42:11

O I ngulho, kushiye aghüthisü eno I lolo pütaqhi ani kea? Alhou lau pükhülo; kughengu ni ye itaghi Pa sheqhe nani, I xakuluu eno I Lhou.

LESHELE 42:3

Putho pucho kupuju I nhezü no I khuna shie, atsala kupuju panongu no I vilo pi, “O Lhou ye khile ani kea?”

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

LESHELE 74:10

O Alhou, aghümi ye khitohi jukünatha anani kea? Aghümi no alholo O je pipütha apeni keshea?

LESHELE 79:10

Kushiye shiyeqo pelo, “Pano Lhou khile ani kea?” ipi apeni kea? O qemiqo ji pele keu mkhükulu ye ningu nhethe lono shiye kümtsü pelo ithi pelo!

LESHELE 79:4

Ningu ye ni cheaxümi zülo atichepu shivae, ni sümxape akeqo no junu eno pipütha anie.

LESHELE 89:41

Pa katha chekemi kümtsü no pa pükaqhi; pa ye pa kisüghümi zülo atichepu shivae.

LESHELE 89:51

tipa pesü O ghümi no junuqhi ke, O Ampeu, panongu no Ow nukikishe pukhune sükiqhe junuqhi ke.

IPEKULU 34:9

Pa no pi, “Itehi O nhethe lo I kimiyeqhiyi ithulu aghi aye, O Ampeu, kimiyeno Ampeu no ningu gholo wu tsülo, kughengu hipaqo ye kuthovi kemie, ningu hekibide eno axine qhitsülo, eno O mheghi shi ningu ikhilu tsülo.”

ISAIAH 22:12

Ampeu aqokitikhi Lhou no tipa tsala pesü mloqa keu, asa miyepe yeqhiyephi pepu kepu shive tsüae.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

EZEKEL 20:9

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno Egypt yeghi lono panoqo saipeghi keu vecheo panoqo pelo Ni ithipe ke.

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

JOYIL 1:9

Athi eno atsaizü kümllagho ye Ampeu ki lono süwuvae. Ampeu chinemi eno hukuthumi no mloqa anie.

AMUS 7:2

Kughou tipaqo no ayeghi lo atsüni chukhave tsü keno, I no pi, “O Ampeu Alhou, kimiyeno akipimi qhitsülo! Jacob ye ighono aghuloke kishi puthugho luni kea?”

AMUS 7:5

Ikehu I no pi, “O Ampeu Alhou, kimiyeno tavelo! Jacob ye ighono aghuloke kishi puthugho luni kea?”

MICAH 7:10

Tileno I ghümi no ithulu nani, eno khuu no I vilo “Ampeu o Lhou ye khile ania?” ipi keno li ye akukujo no küzüluve nani; I nhethi no li shou jupuku nani; tishino li ye alaghila lo aniba toi nedaqoda nani.

MALAKI 1:9

Eno itehi ye Alhouw kimiyekini qhüiniju lo, tishi aye Pa no ningu küpüqhiyi luvike. Agho titoi keu lakhi vecheo Pa ye ningu lau küpüqhiyi keu piyeni keshea? ipi aqokitikhi Mpeu no pi.

AKIKIHI 25:6

Ikelo Moses ngo aqoaho no kuposhukulu phiki kulaghi lo mloqa akelono Israelmi lakhi no Midianmi totimi lakhi sasü panongu nhethe lono pa phiki lo sailove.

MATTHEW 23:35

tishikeu lono ayeghi lo amikuchomi ji pele püakeu kümtsü nongu shou ikughi nani, ti ye amikuchou Abel ji lono huthu no wo Barakhiah nu Zechariah, khuu nongu no achineki khala alou ngo akiptia dolono ghiqhive keno, pa kutolo ke.

MATTHEW 27:43

Pa no Alhou shou pükhübe chenike Alhou ye pa xapheni shinani mala junie. Kughengu pa no, ‘Ni ye Alhou Nu,’ ipi chenie.”

ZAKINIU 28:37

Ampeu no khile nongu puwuveni keno, ashiaye tipaqo gholo nongu ghili akümsapu, ahole, eno atichepu shi kügha nani.

ZAKINIU 32:27

ikemu tino pano ghümi tsabo shiveni keu ighüve ke, tikumo aye pano ghümi no vetha pimive no ishi piuve nosae, “Hi ye nino tolu kethono Ampeu no kumoe.”’

JOSHUA 7:9

Kughengu Canaanmi eno hipa qhalo küami no ti chilunia eno panongu no ni botha luve no ningu je ayeghi hipau lono pühave tsüniae. O je kije ghenguno kiu shini akea?”