JOYIL 2:14 - Sumi Naga CL (Re-edited) Bible (BSI)

¹⁴ Khuu no ithi ani kea Pa mlo kilive no kükümgha süghi tsüluvi, eno Ampeu nongu Lhou mllalu pe kepushi athi ngo atsaizü kümllagho tsüluvi ke.

BAIBEL (BSI)

¹⁴ Khuno ithiani kya? noLhou AMPEU ye pa kukumsu kilive nanimu mthake, eno nibonileshi axa jeli nongu kumghape qhitsu luvike. Tileno nonguno athi eno atsayiji pe pa mllalu nanike.

JOYIL 2:14 Iomraidhean Croise

SAMUEL AKINIU 12:22

Pa no pi, “Kughou anu no xü akeno, I no kümvü eno qa ae, kughengu I no pi, ‘Ampeu no küpükini I piye no anu püxü tsünike khuu no ithi ani kea?’

SAMUEL AKINIU 16:12

I lau akumou shive keu Ampeu no ithulu tsüno ishi paw ghukusho theli lo akivi pesü I tsüchile penie.”

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

IPEKULU 32:30

Thoghiu Moses no timiqo vilo pi, “Nongu ye axine kije shivae. Itehi I no Ampeu lau iqhoni; ishiake I no nongu xine pevetsü luvike.”

ISAIAH 65:8

Ampeu no hitoi pi ani: “Atsaizü kithe no abohu lo akeloye, timiqo no picheni, ‘Hipau kütsa kevilo, kughengu tile kükümgha anike,’ tihutoi, I qemi ghengu likhino Ni ghi kümtsü kütsavemo nani.

JEREMIYA 18:8

I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

JEREMIYA 26:13

Tighenguno itehi nongu laghi shikithe lulo, eno nongu Lhou Ampeu tsa lulo, tishiaye Ampeu no nongu ghenguno amhekiqi pi püakeu xachileve nani.

JEREMIYA 26:3

Ishiake panongu no ini luvi, eno lakhikhi no pano laghi lono xaide ighi luvie, eno pano kümla lhoksa ghenguno I no ahaküsapu kughu akeu süchile luvike.

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

JOYIL 1:16

Ningu nhethe lono achuqupu süwuve, eno Ampeu ki lono alokivi ngo amloqi qhiyi keu ikhipe wuve tsüake kumo?

JOYIL 1:9

Athi eno atsaizü kümllagho ye Ampeu ki lono süwuvae. Ampeu chinemi eno hukuthumi no mloqa anie.

AMUS 5:15

Alhoksa mithi eno akivi kimiyelo, khagho lo achipiu xakütha puthuphelo; tishi aye Ampeu, aqokitikhi Lhou no Joseph lagha lo ghükulumi kimiyeqhiyi lunani.

JONAH 1:6

Ikehu zükilu kepten no ighi no pa vilo pi, “No ye kushiye zü ani kea? Ithulo, o lhou kulo! Ishiake alhou no ningu kümsülu no ningu püha tsümo luvike.”

JONAH 3:9

Khuu no ithi ani kea? Alhou ye xaide luvi eno Pa yiküsa mlokighide süchile luvi, tishi keu lono ningu ye pühamo luvike.”

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

HAGAYI 2:19

Ale lo itaghi athi aphi keshea? Mtsüqheino atsaibo, mububo, khaghatubo eno olivebo ye kiumu pithi move ke. Ikemu atsala hipau lono huthu no I no nongu kümghatsü nani.”

2 Tim. 2:25

eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,

JOSHUA 14:12

Tishiaye itehi, tipa tsalani Ampeu no piqhikeu yeghi hu I tsülo, kughengu Anakimi no kishi aliwo kumto no mishighüna bothasü keu lo ache keno, tipa tsalani no ghi chilue. Ikemu Ampeu no I gholo ngono I no hupaqo haphe luve nanie pike.”

SAMUEL ATUGHIU 6:5

Tighenguno nongu ye no yeghi kütsave tsükeu, amishe eno aji julhoqo mla masae, eno Israel Lhou jepipi tsülo. Tishiaye Pa no nongu eno no lhouqo ngo no yeghi lono Pa u süchileve nani.