JOYIL 2:11 - Sumi Naga CL (Re-edited) Bible (BSI)

¹¹ Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

BAIBEL (BSI)

¹¹ AMPEU no pawu ghushimi vilo tsutsusu keshi ahza tsuke. Aghushimi pa gholukemi kumzapu eno akuka kughushuke. AMPEU tsala kiutoi akuighupu kela! khuuno tipaulo xu kulupu kya?

JOYIL 2:11 Iomraidhean Croise

LESHELE 18:14

Pa no Pa piji kapuwu no panoqo hapupove; Pa no tsütsüpha kulo no panoqo haleve.

LESHELE 46:6

Shiyeqo no aloghu ide ani, kükaqhaqo ikiqivae; Pa no Pa sütsa sheshu, ayeghi no mlaghubeive.

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

ISAIAH 13:4

Aqokitikhi ghügha toi naghuto lo mbumghu ani! Shiye kükaqhaqo no kumqope iqhaighu akeu ghüghae! Aqokitikhi MPEU no aghükishi ghenguno ghüshimi hekütsü ani.

ISAIAH 42:13

Ampeu no aghütomi lakhi toi chewu; Pa no aghütomi toi khekulhoshi kutope ngoke; Pa no aghüle ku, eno aghüshi ghügha ighae; eno Pa ghümi shou Pa kükakumto pephe.

ISAIAH 7:18

Tipani Ampeu no Egypt ghokiqo shekhau amthu toi ghüshimi akeqo eno Assyria yeghi lo akhi toi ghüshimi akeqo kütüghü ghi miji ku nani.

JEREMIYA 25:30

“Tighenguno no ye atsa hipaqo pesü panongu lau tungkuptsa pi masae, panongu vilo pilo: “‘Ampeu no ato lono igha nani, Pa kimthe-a lono mqhu ani; Pa no Pa lojimi shou mghachhoi mqhu nani, eno atsaizü kütsüghümi no ighamku ake toi, ayeghi lo xüküami shou mqhu nani.

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

JEREMIYA 50:34

Ikemu pano Xachilekuluu ye akumtoe; Pa je ye Aqokitikhi MPEU. Mtsüqheino Pa no pano ghenguno pitsü nani; tishikeu lono Pa no ayeghi lo akulhokiqhi süghi nani, ikemu Babylon lau ye aküpüna süghi nani.

EZEKEL 22:14

I no nongu peithani ke tsalani nongu ye amlo mtolu nani keshea momu nongu u ye mtolu nani keshea? Ni Ampeu no piqhivae, eno I no tishi nani.

JOYIL 1:15

Tipa tsala ghenguno ahae! Kughengu Ampeu tsala ye kupunuvae, ti ye Akughushuu launo kütsakungo ighi ketoi nani.

JOYIL 1:6

Kughengu shiye kumto lakhi eno kihikümla no I yeghi leniye ighivae paw ahu ye abongshuu hu, eno abongshuu aqu hu kütsüghae.

JOYIL 2:1

Zion lo afuko küighalo; I kimthe toghi lo kütüghülo! Aghakhu lo küami kümtsü no khokhoshi pelo, kughengu Ampeu tsala chenie, ti ye kupunuvae,

JOYIL 2:2

aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

JOYIL 2:25

Tülhaqu no chuve tsüke mpe lo sala I no athoputho tsü nani, Iw ghüshimi tütüghü, ningami, amthsü, I no nongu lau puwuke.

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

JOYIL 3:14

Aqokitikhi, aqokitikhi no küghakütha khila lo anie! Kughengu küghakütha khila lo Ampeu tsala ye kupunuvae.

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

AMUS 5:18

Khunono Ampeu tsala laju cheni keno ahasapue! Kushiye ti kheni kea? Ti ye aküzü thono aküvü kumoe,

AMUS 5:20

Ampeu tsala ye aküzü thono aküvü kumo eno vüqai mono züchiyi kekumo?

Obadiah 1:15

Kughengu Ampeu tsala ye shiye kümtsü kupunuvae. Nono mlake toi o lau mla nani; o kümla ye o kütsü lo ideikughi nani.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

MALAKI 3:2

Ikemu khuu no pa ikighi tsala lo kutuu luni, eno khuu no pa no ipeghi kelo puthugho luni kea? Kughengu pa ye ghukimthe chekeu mi toi eno aphi kighishimiw asalu toi ke.

AKIKIHI 24:23

Pa no paw tungkuptsa highi pitsü, “Oishe, Alhou no hi shikelo khuu no xülu nani kea?

1 Thes. 4:16

Kughengu Ampeu ampi no kungugha lono iqighi nani, tile azakütsü ghügha anani, kungumi atou sütsa chilu nani, Alhou fuko igha nani, eno Khristo laumi shi thive kemi paghino ithughi nani.

Piyeküsü 18:8

Hi ghenguno li tsüni keu püsa akithi, akumlo eno püqümiye, kümtsü ghulo lakhi lono ighive nani, eno li ye ami pesü pitiqhive nani; kughengu Ampeu Alhou Khuu li shou küghathabeve akeno, Pa ye Akughushu ke.”

Piyeküsü 6:17

kughengu panongu loghu tsala huye ighivae eno khuu no tipau lo puthugho luni kea?”