JOYIL 1:2 - Sumi Naga CL (Re-edited) Bible (BSI)

² Hi inilo, nongu layemiqo; akini xükholo, küxümi kümtsü! Nongu momu no puasüqo ghuloki lo hitoi keu shipüani kema?

BAIBEL (BSI)

² Hipau inilo, nongu muchomiqo; Juda lo akemiqo kumtsuno inilo. Nongu ghulokilo momu no puasu qo ghulokilo hikithipu shi puani ma?

JOYIL 1:2 Iomraidhean Croise

JOB 12:12

Alokütsü ye layemi gholo ani, eno vethakulu kighithi no axükushumi lolo achenie.

JOB 15:10

O pu nguno akichiu layemi eno asa kümpami ni gholo anie.

JOB 21:7

Kushiye kixikilami no ateasü kutolo xüno mtokithe cheni kea?

JOB 8:8

“Wovekeu tiqheli ghili kimiyeno kighinikile julo, eno apuasüqo no kiu phulu keno kümsükuto julo.

LESHELE 49:1

Timi kümtsü no hi inilo! Akini xükholo, ayeghiqha lo küghüna akeqo kümtsü,

ISAIAH 34:1

O shiyeqo, ini kepushi amlo tsüqhiyi kupunu ighilo! Ayeghi eno tile aküxü küa thaqhü; ayeghiqha eno tipau lono ipeghi kemi kümtsü no ini pelo.

ISAIAH 7:17

Ephraim no Judah launo kütüta shive kethiu khilemu sholu mphi keu tüqhüdo lakhi Ampeu no no eno ow timi ngo o laghami shou süghitsü nani, ti ye Assyria kükau ke!”

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

JEREMIYA 5:21

“Hi inilo, O mbomzü eno akükümsü küha kemi, anhethi animu ithumla kemi, akini animu chimla kemi.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

HOSIYA 5:1

Hi inilo, O achinemiqo! Amlo tsüqhiyilo, O Israelmi! Akini xükholo, O akükau limi! Kughengu küghakütha ye nongu ghenguno ke; kughengu Mizpah lo nongu no alichhe ilhouve ke, eno Tabor shou akhame sükhope qhike.

JOYIL 1:14

Kümvü kepu do kophelo; akimchi hoho kusülo. Layemi eno aghakhu lo küxümi kümtsü Ampeu nongu Lhou kilo hekütsüpe Pa lau ighamku lo.

JOYIL 2:2

aküzü eno züchiyi keu tsala, akimhi eno aküzü kutho tsala! Akumtomi kütsasa no aküzü kutho toi naghutoqo nhakhape ani, titoi keu ye khilemu shiju mphi, itaghi panoqo thiumu tiqheli kupuju lo khilemu ithulumo nani.

AMUS 3:1

O Israelmi, Ampeu no nongu shou pipuku akeu, Egypt yeghi lono I no saipeghi keu shiaye kümtsü shou pipuku akeu tsa hi inilo:

AMUS 4:1

“Nongu Bashan mishiqo, khunono Samaria naghuto lo ani keno, kumlhomi qhasü, aveküsami chunudaqhi, nongu kimiqo vilo, ‘Nino aji shonike süghilo,’ ipiche keqo, atsa hipau inilo!

AMUS 5:1

I no nongu shou akumlo tsa hipau pipuku akeu inilo, O Israel lo küami:

MICAH 1:2

Inilo, nongu ashiaye kümtsü; amlo tsüqhiyilo, O ayeghi, eno tile akeqo kümtsü, Ampeu Alhou pelo Pa kimthe chineki lono nongu shou thopi shipelo.

MICAH 3:1

I no pi: inilo, Jacob lagha lo sakiphemi eno Israel yepemi! Nongu ye kuchou xakütha ithi masake kumo?

MICAH 3:9

Hi inilo, nongu Jacob lagha lo sakiphemi eno Israel lagha lo yepemiqo, nongu no kuchou xakütha mithi eno müzüchoi keqo kümtsü tuchighive tsüke,

MATTHEW 13:9

Khuu no akini ani keno pa no chilu pelo.”

MATTHEW 24:21

Kughengu ayeghiqha hukuthu lono ishi kutolo shimphi keu eno khilemu shimoni keu aghime kitikhi ighi nani.

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’