JOSHUA 8:33 - Sumi Naga CL (Re-edited) Bible (BSI)

³³ Israelmi kachenami eno aghakütsami kümtsü, sakiphemi, hiyampemi ngo xaküthami panongu kümtsü puthughope, Levi chinemi Ampeuw Puloshoqhi bohu peche keqo zülo hula hila ngoe. Timi tüxa no Gerizim naghuto zülo eno tüxa no Ebal naghuto zülo ngo; ti ye Ampeu qeu Moses no abothu lono Israelmi kümgha tsüniye azah tsükeu kiqi lonoke.

BAIBEL (BSI)

³³ Israilmino pano sakiphemiqo, kijemi atsa kukughami eno shonami gholono ajo kini shi puzu AMPEU wu Puloshoqhi Bohu hula hila puthughono Levi lagha achinemi Puloshoqhi Bohu pe akemiqo kudau jua. Timi tuxano panongu zupo pe Ebal naghuto tsu eno tuxano panongu zupo Gerizim naghuto tsuno puthughoa. AMPEU qeu Muse no panongu kukumgha ithulu nike kupunuve kehu tishilepi ahza tsuve.

JOSHUA 8:33 Iomraidhean Croise

IPEKULU 12:49

Aghakütsami ngo inaghami nongu gholo acheuve kemi kümtsü ghenguno ayezah hipau ye aphiphi shini.”

ACHINE 24:22

Pimheye hi ye kachenami eno aghakütsami Israelmi kümtsü lau aphiphishi pimhe nani, kughengu niye Ampeu nongu Lhou ke.”

AKIKIHI 15:15

Tiqheli kümtsü lo nongu eno inaghami nongu gholo akemi kümtsü ghenguno akhuaye lakhishi pechelo. Ampeu zülo nongu eno inaghami kümtsü aphiphie.

AKIKIHI 15:16

Nongu eno no gholo inaghami akemi ghenguno ayezah ngo pimheye aphiphi shini.”

AKIKIHI 15:29

Israelmi na, inaghami no gholo akemi namu hipa vehu loye ayezah aphiphi shini.

John 4:20

Ni puasüqo ye naghuto hipau lono Alhou mllache, ikemu nongu no Jerusalem lono mlla kepue picheni.”

ZAKINIU 11:29

Kughou nongu no ilo niye akeu yeghi lo Ampeu no nongu sailoghi keno, nongu ye Gerizim Toghi lono kükümgha sheshu eno Ebal Toghi lono angusü sheshu lo.

ZAKINIU 31:12

Kiptimi, totimi, atianuli, eno no aphughi lo kachenami kümtsü kukumqo no ti chilupe, eno Ampeu nongu Lhou sümsani keu ithi no Ayezah hipau pape pelo.

ZAKINIU 31:25

pa no Levimi, Ampeuw Puloshoqhi bohu kipemi vilo pi,

ZAKINIU 31:9

Tithiu Moses no Ayezah hipau yepe Ampeuw Puloshoqhi bohu kipemi Levimi ngo Israel sakiphemi tsüve.

JOSHUA 23:2

Ikehu pa no Israelmi sakiphemi, kichimi eno akütsüqo, atsa küküghami eno hiyampemi kümtsü kusü no pi, “Itehi ni ye ighono kitemi shivae.

JOSHUA 24:1

Joshua no Israel shiaye eno sakiphemi, kichimi ngo ali lo akütsü, atsa küküghami eno hiyampemi kümtsü Shechem lo kukütsü. Panongu no Alhou zülo ighi.

JOSHUA 3:14

Ikehu kughou timiqo no apushoqo qhive no Jordan putha nike wu keno, achinemi no panongu züu Puloshoqhi Bohu pesü che

JOSHUA 3:3

timiqo azah tsü, “Kughou achinemi no Ampeu nongu Lhouw Puloshoqhi Bohu pechekeu nongu no ithuluni keno, nongu ye apusho qhive no ti papesü wuni.

JOSHUA 3:6

Tithiu Joshua no achinemi vilo pi, “Puloshoqhi Bohu pesü timiqo züu wulo.” Ikehu panongu no ti pesü timiqo züuno chewu.

JOSHUA 4:10

Ampeu no Joshua vecheo timiqo vilo shilopi keqo kuchopu shikha mphilo achinemi ye Jordan mta lo puthughope ngo eno ti ye Moses no Joshua vilo pikeu kiqi lono ke. Timiqo no akimighi shi katha ikuve.

JOSHUA 4:18

Kughou Puloshoqhi Bohu kipemi achinemi no Jordan mta lono ipeghi no panongu pukhu no amkü tove keno, aghoki no thosülo toi qowuve, eno ghulo kütau toi amkü kuchopu qochilive.

JOSHUA 6:6

Ikehu Nun nu Joshua no achinemi kuno pi, “Puloshoqhi bohu peluve lo, eno achinemi tsüni no Ampeuw Puloshoqhi bohu züu ambetsü kibo no mlakeu fuko pesü chewulo.”