JOSHUA 8:31 - Sumi Naga CL (Re-edited) Bible (BSI)

³¹ Ampeu qeu Moses no Israelmi azah tsükeu Moses Yezah Kaku lo yepüake toi, “Akiptia tipau ye ayi nhemgha no hetha pukumo keu tu no mlalo.” Tishino panongu no tipau shouno Ampeu lau akipti kümllagho ngo külakishi kümllagho pesü mllae.

BAIBEL (BSI)

³¹ AMPEU qeu Muse no Israilmi vilo shilo pi Ayezah lo ishi yepuakeu toi Joshua no shike: “Akiptia tipauye ayi nhemghano hethamo keu tuno mla.” Tipau shouno panonguno AMPEU lau piti kumllache eno kuposhukulu gho pe tsuche.

JOSHUA 8:31 Iomraidhean Croise

KUKAMI AKINIU 14:6

Ikemu pa no ghikiqhimi tianuli pithi move, ti ye Moses Yezah kaku lo Ampeu no azah ishi tsükeu kiqi lono ke, “Anuli kipimi ghenguno apuaza pithimla, eno apuaza kipimi ghenguno anuliqo pithimlae; ikemu timi kümtsü pütüta xine ghenguno thimasae.”

KUKAMI AKINIU 22:8

Achinetou Hilkiah no akiyeu Shaphan vilo pi, “I no Ampeu ki lono Ayezah kaku ithulue.” Tishino Hilkiah no kaku hu pesü Shaphan tsüno pa no phiju.

YEKIKITHI AKINIU 25:4

Ikemu pa no ti ghikiqhimi tianuli pithi move, ti ye Moses Yezah Kaku lo Ampeu no ishi azah tsükeu kiqi lono ke, “Anuli kipimi ghenguno apuaza pithimla, eno apuaza kipimi ghenguno anuli pithimlae; ikemu kümtsü pütüta xine ghenguno thimasae.”

YEKIKITHI AKINIU 35:12

Tithiu panongu no Moses Kaku lo yepüake toi achinemi kumomi pelo Ampeu mlla penike akipti kümllagho kothape ali kiqi lono amqo kije püakeqo kijetsü. Panongu no amshitsüqo ghi tishive.

EZRA 6:18

Eno Moses Kaku lo yepüake toi, panongu no Jerusalem lo Alhou kümlapu ghenguno achinemi ngo Levimi pesü panoqo lapha lo kijesüve tsü.

NEHEMIA 13:1

Tipani panongu no Moses kaku lono timi kümtsü zülo phisü. Tile Ammonmi ngo Moabmi ye khilemu Alhouw kuküsü hoho lo iloghi pemo nike yepüaghi keu ithulue.

IPEKULU 18:12

Moses pangu Jethro no akipti kümllagho lakhi peighi no Alhou lau aghashi; eno Aaron no Israelmi layemi kümtsü saighi no Moses pangu sasü Alhou zülono chushoe.

IPEKULU 24:5

Eno pa no Israelmi lhothemi puwu no panoqo pelo Ampeu lau akipti kümllagho ngo amshitsü pesü külakishi kümllagho ghakishi shipe.

MATTHEW 12:26

Satan no Satan haphe aye, pa likhi pa kijetha ani. Tishiaye kishino pa kükaqha ye puthugho luni kea?

ZAKINIU 27:2

Nongu no Jordan katha iku Ampeu nongu Lhou no ayeghi tsü akeu lo iloluke tsalani no nongu ye atupha kije ghope qhino aghani pesü nudape qhilo.

ZAKINIU 27:8

Atuqo lo Ayezah tsa lothi kümtsü mtsümishei yepuku lo.”

JOSHUA 1:8

Ayezah kaku hipau ye o kichi lono ikhive kevilo ikemu no ye tile yepüa keqo pekupu lunike ghenguno, putho pucho tipau shou kümsüputho alo.