JOSHUA 8:2 - Sumi Naga CL (Re-edited) Bible (BSI)

² Nongu no Jericho eno tile akükau lau kiu shi keno, Ai lau ghi tishilo, ikemu ishi ye nongu no tile anhemgha eno lhoxüqo lulu nani. Ai phughi züleno azübou no lenike kutolo.”

BAIBEL (BSI)

² Nonguye Jerikho lau kiu toi shikeno Ai lau shinani, ikemu ishiye nonguno tile anhemgha eno lhoxuqo lulu nani. Ai phughi tipau zuleno azupouno lenike kutolo.”

JOSHUA 8:2 Iomraidhean Croise

YEKIKITHI AKINIU 13:13

Jeroboam no pa nongu zübou no panongu le penike ghüshimi puwu. Ikehu pa gholo ghüshimi no Judahmi zülo ngokhe eno amqo lakhi no pano zübou ngoluve.

YEKIKITHI AKINIU 20:22

Kughou panongu no akishe le phethu keno, Ampeu no Ammonmi, Moabmi eno Seir Toghi lo küami, khunoqo Judah leniye ighi keno, panoqo kheluve no theqhive.

LESHELE 39:6

Mtsüqheino timi ye yekükhü toi wove cheni! Mtsüqheino ala küha keu lono panongu ye ime acheni; timi no akini pekütsü anamu khuu no luve nani keno mthae!

AHOLE 13:22

Timi kivimi ye pa tianuli tianuli kutolo amheghi qhitsü cheni, ikemu axinemi küakini ye amikuchomi sala qhivetsü cheni.

AHOLE 28:20

Pükhükulumi ye kükümgha no pofushi nani, ikemu chokilhe shi kinimi shinishi kemi ye aghimepu shinani.

JEREMIYA 17:11

Timi no kuchokumo lono akini shilu keu ye akhi no yikhu qhimo keu khopheke toike, pa küxü mta lono akini hauve nani, eno ashekha lo anikha shive nani.

JEREMIYA 51:12

“Babylon liwo shou michiphi süqhelo, aghukhe alau iqhikumto lo; aghukhemi süsülo; aghüthepe khe lo; kughengu Ampeu no Babylon ghenguno pi püakeu shi anie.

ZAKINIU 2:35

Pichepighi likhi aghüshi lono hakholu keqo gholono luvetsü.

ZAKINIU 20:14

Ikemu nongu sala hakhokulu totimi ngo atianuli, atsüaqu eno aphughi lo thime kümtsü luvelo. Ampeu no nongu tsükeu hakhokulu thimeqo peitha lo.

ZAKINIU 3:2

Ikemu Ampeu no I vilo pi, ‘Pa msa kevilo kughengu I no pa eno paw timi ngo ayeghi kümtsü o tsüvae. Nono Amorimi Heshbon kükau Sihon lau shike toi, pa lau ghi shinani.’

JOSHUA 10:1

Jerusalem kükau Adoni-zedek no Joshua no Ai phughi leluve no kütsavetsü eno Jericho ngo tile akükau lau shi ketoi, Ai kükau shou mla keu chiluve eno Gibeonmi no Israelmi sasü visho shive no pano gholo xüuve keu chilu kemtsa,

JOSHUA 10:28

Joshua no tipani Makkedah leluve eno akükau küghaluve. Pa no azütakikihi no timi kümtsü ghiqhive; tile mi lakhimu püxü move. Eno pa no Jericho kükau lau shi ketoi, tile akükau lau ghi tishive.

JOSHUA 11:14

Israelmi no amekusho nhemgha ngo lhoxüqo aphughi tipaqo lono süwuve eno panow shive. Ikemu panongu no azütakikihi pesü timi kümtsü ghiqhive eno lakhimu atuthu she ghi qhimove.

JOSHUA 6:21

Panongu zütakikihi pe aphughi lo kiptimi, totimi, kichimi, itimi, amshitsü, ambe eno khurhaqo kümtsü ghiqhive.

JOSHUA 8:12

Pa no timi 5,000 sawo Ai ngo Bethel küma dolo aphughi kulola küdau küghütshüpe qhive.

JOSHUA 8:14

Ai kükau no ti ithive kemtsa pa eno aphughi lo paw timiqo kümtsü akimighi shi Arabah küdau a-a kuto püakeu lono Israelmi sasü aghü shiniye wue. Ikemu pa ye aphughi zübou, ghüshimi itshüpe ngokhe akeu mthae.

JOSHUA 8:19

Pa no pa u peqhe kemtsa timi itshü akemi kümtsü no ilhethu aphughi lo poilo no botha luve. Panongu no mtazü aphughi lo ami süvetsü.

JOSHUA 8:24

Israelmi no yenguyi ke-a khile panongu no haighi keno, tile no panongu no Aimi kümtsü azütakikihi pesü ghiqhi khave eno lakhimu püxümo, tishino idewo Ai phughi lo ilo no kümtsü ghiqhi pithi khave.

JOSHUA 8:3

Ikehu Joshua ngo ghüshimi kümtsü Ai lenike kutove. Eno pa no paw ghüshimi dolo 30,000 kishephe no putho lono puwuve.

JOSHUA 8:7

Tishi kemtsa nongu no aküghütshü-a lono ipeghi no aphughi botha luvelo kughengu Ampeu nongu Lhou no nongu tsü nani.

JOSHUA 8:8

Nongu no aphughi leluve kemtsa Ampeu no Azah tsüke toi ami süvelo. I no azah nongu tsüvae.”

JOSHUA 8:9

Tishino Joshua no panongu puwuve eno panongu no Ai kulolau, Ai ngo Bethel küma dolo itshüve. Joshua ye tipaji apusho lo timiqo gholo ngove.

JOSHUA 9:3

Ikemu Gibeon lo xüküami no Joshua no Ai eno Jericho lo kiu shikeno chilu kelo