JOSHUA 7:6 - Sumi Naga CL (Re-edited) Bible (BSI)

⁶ Tileno Joshua ngo Israelmi sakiphemi no amlo küsashi pano kuuphi süxüve no Ampeuw Puloshoqhi bohu zülo ikiqi avela kutolo ihi auve. Panongu no ayeghimkhu pesü pano kütsü lo lepuku.

BAIBEL (BSI)

⁶ Joshua ngo Israilmi sakiphemi no amlo sashe veno panongu kuuphi suxu eno AMPEU wu Puloshoqhi Bohu zulo ikiqi avela kutolo ihi auve, panongu mlo ghime piye keu mchi ayeghi mkhuno akutsu chhitoive.

JOSHUA 7:6 Iomraidhean Croise

BOTHUBO 37:29

Kughou Reuben no aqokutho lo ideighi no Joseph kühave aghi keu ithi keno, pa no pa kuuphi süxüve,

BOTHUBO 37:34

Tileno Jacob no pa kuuphi süxüve no yeqhiyephi pa chita lo khapuve eno pa nu ghenguno atsala kutomo mloqae.

SAMUEL AKINIU 1:11

Tithiu David no pa phimini tsüqü luve no süxüve, eno pa gholo timi akeqo kümtsü no tihutoi shie.

SAMUEL AKINIU 1:12

Panongu no Saul, pa nu Jonathan, Ampeu timi eno Israel lagha ghenguno avela kutolo mloqa, anhezü piji kümvü kughengu panongu ye ghüyi lono wove ke.

SAMUEL AKINIU 1:2

Atsala aküthüni, julo timi lakhi aphimini süxüve no ayeghi pa kütsü shou epuku no Saul ghazü lono ighi. Kughou pa no David lau ighi keno, pa no ayeghi lo qhoqhü luve no agigihu tsü.

SAMUEL AKINIU 12:16

Tighenguno David no anu züqhushi Alhou phuwu. David no pa chebo lo ilove no kümvü eno puthotsü ayeghi lo ihozü.

SAMUEL AKINIU 13:19

Tamar no li kütsü lo ayevu epuku no chijeboike phi kushuo pepu akeu süxüve. Eno li no au pesü akütsü nhave no igha qasü wuve.

SAMUEL AKINIU 13:31

Tile akükau no puthughove eno pa phimini süxüve no ayeghi lo ikiqive. Pa qemi pa gholo akemi kümtsü no panongu phimini süxüve.

KUKAMI AKINIU 22:11

Kughou Akükau no Ayezah kaku lo atsaqo hu chilu keno, pa no pa phi süxüve.

YEKIKITHI AKINIU 34:19

Kughou akükau no Ayezah tsa chilu keno, pa phi süxüve.

EZRA 10:1

Kughou Ezra no Alhou kilo qhoqhünhepe inikhu qa eno akipimi piphe keno, Israel lo kiptimi, totimi eno itimiqo kutomo no pa gholo kumqo luve, kughengu timiqo no kukhukimji shi qa ake.

NEHEMIA 9:1

Atsala muku abidini Israelmi no yeqhiyephi pepusü ayeghimkhu epe akütsü lo puku no kümvü ae.

ESTHER 4:1

Kughou Mordecai no hi kümtsü ithive keno, pa no aphimini süxüve no yeqhiyephi eno ayevu kuchhu, eno mishighüna mta lo wuno ighamku kukhukimji shi qae.

ESTHER 4:3

Eno aphughi khile akükauw xaküthaza ighi keno, tile Jewmi lau akumlo kije, kümvü keu, aküqa eno amloghuju ighive, eno kutomo no yeqhiyephi ngo ayevu lo ihozü luve.

JOB 1:20

Ikelo Job no puthughove no pa phiküzü süxüve, eno pa kütsü miyeve no sükümsa shi ayeghi lo iqi pishiqhove.

JOB 2:12

Panongu no putou no Job ithulu kelo pa ju michi mlave. Tileno panongu no asütsa süqhe no qauve, eno panongu phimini süxüve no ayeghimkhu epe kunguu vepuku püzü panongu kütsü shou ikughipe.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

AKUMLO 2:10

Zion ngaw layemiqo ye inaqhoi ayeghi lo iqa anie; panoqo ye akütsü lo ayeghimkhu epuku no yeqhiyephi xapuvae; Jerusalem limiqo no pano kütsü pesü ayeghi lo shosüvae.

AKIKIHI 14:6

Eno ayeghi pujuwu kemi gholo Nun nu Joshua ngo Jephunneh nu Caleb pama no pama phimini süxüve

AKIKIHI 16:22

Ikemu pama no ayeghi lo pishiqho ghi itsaqi no pi, “O Alhou, timi ghungu kümtsü shou Alhou, timi lakhi xine ghenguno no ye ahohomi kuchopu shou agha ideni keshea?”

AKIKIHI 16:45

“Timi hipaqo launo putosü luvelo tishianguno I no paikhavi panoqo kütsaveni!” Ikemu Pama no ayeghi lo agi pishiqhope itsaqive,

Apostolmi 14:14

Ikemu kughou apostolmi Barnabas ngo Paul pama no ti chilu keno, pama no aphimini süxü ghi posü aqokitikhi gholo ilo no ighamku,

JOSHUA 7:7

Tishino Joshua no pi, “Aha, O Ampeu Alhou, No ye kushiye Amorimi u lono timi hipaqo kütsaveni keghi sasü Jordan katha ighipe kea? Ningu ye Jordan kukuu mu küghüna aniche keghi lae.

Piyeküsü 18:19

Panongu no mloqa keu michishi ayeghimkhu pesü pano kütsü lo vepuku no ighamku, “Oishe, akiqheu mishighüna ghenguno ahaküsapu ghi lae! Li küakini pesü zükilu pighimi no kinimi shilu khaveno li ye asüchedo lakhi lono pükhülevae.

XAKUTHAMI 11:35

Pa no li ithulu kemtsa pa phi süxüve no pi, “Oishe, I nga! Nono I mlo hephove tsüae, nono I mlo ghimepu shive tsüae. Kughengu ni ye Ampeu lau I kichi xükhovae, eno Iw tushokiqhi ikhichile lumoae.”

XAKUTHAMI 20:23

Israelmi no atüghüu tsalani tomlave kelo, Ampeu lau wuno Pa zülono avelau kutolo mloqa. Panongu no Ampeu vilo iniju, “Ningu ye wuno ni thiküzümi Benjamin lagha sasü aghü shikepu kemo kea?” Ampeu no pi, “Iqho no panongu sasü aghü shilo.”

XAKUTHAMI 20:26

Ikehu Israelmi ghüshimi kümtsü no Bethel lo iqho mloqa. Panongu no Ampeu zülo iqa no tipani kijiliu shiveke kutolo kümvü, eno akipti kümllagho ngo külakishi kümllagho pesü Ampeu lau tsü.

XAKUTHAMI 21:2

Israelmi no Bethel lo wuno Alhou zülo avela kutolo ngove; panongu no ighamku anhezü piji qa,

SAMUEL ATUGHIU 4:12

Benjamin lagha lo timi lakhi no itapinyi keu phimini pusü ayeghimkhu no akütsü lo epuku no aghüshiqa lono posü Shiloh lo ighi.