JOSHUA 7:21 - Sumi Naga CL (Re-edited) Bible (BSI)

²¹ aghüshi lono hakholu keqo gholo Shinar lono mlakeu hebephi jukivi lakhi, ghükayi ahu kini, eno ameshoyi ahu tüxa qhemi I no ithulu no püka luve. Tipaqo ye I pusho alou chhuqho püani eno ghükayi no aqhoshi no püanie.”

BAIBEL (BSI)

²¹ Ningu no khathaluve keqo dolo Babilon lo phi aloke lakhi, tsandiyi kilogram kini eno shunamqo kilogram tuxanguno akimshiu ishi ithuluno tipaqo lunishiveno ikhiluveke. Tipaqo ipusho alou chhuqho puani eno tsandiyino aqhoshi qhopuanie.

JOSHUA 7:21 Iomraidhean Croise

BOTHUBO 10:10

Pa kükaqha hukuthu ye Babel, Erech, Accad, eno Shinar yeghi lo Calneh.

BOTHUBO 3:6

Ikehu kughou atotiu no asübo huye achuqupu kivi, anhethi lo jukighilepu, eno alokütsü shilu kepu anie pi ithulu keno, li no tipau xathi ikhipe chuve, eno hami ikhipe li kimi, khuu ghi li gholo ngo akeno tsü, eno pa no chuve.

BOTHUBO 34:27

Jacob nuliqo no ghiqhive keqo shou ighi no mishighüna lhepuwuve tsü, kughengu panongu chepu shikitiqeve kehue.

BOTHUBO 6:2

Alhou nuliqo no timi ngaqo ye jukivishi akeu ithulu. Eno panongu no pano nipu shiniye kishelu.

SAMUEL AKINIU 11:2

Ghulo lakhi avelau David no pa zü-a lono ithughi no kükaki kütsüqa lo ala cheche kelo, pa no akütsüqa lono totimi lakhi azü kuchhu aghikeu ithulu; li ye ighono ajukivie.

KUKAMI AKINIU 7:8

Kughou apüghami no aghazü phivilo ighi keno, panongu no aphiki lakhi lo ilo no chushove, eno ghükayi ngo ameshoyi eno aphimini pewo küsüve. Tishino panongu no ideighi no aphiki kütau lono tinhemgha pewo küsüve.

JOB 31:1

“I no I nhethi sasü ashoqhi shivae; imaye ni ye kushiye ili lhothe shou jupukuni kea?

LESHELE 119:37

Ameküküha thimeqo juni keu lono I nhethi tsüghüve tsülo; eno O tsa kiqi lono I küxü pükhape qhitsülo.

IPEKULU 20:17

“No ye o kisüghüu ki jumine moni; no ye o kisüghüu nipu, momu pa qemi kiptimi totimi, momu pa mishitsü, khurgha, momu kiu kiumu paw shi aghikeu jumine moni.”

AHOLE 1:19

Achipikumo lono ala shinishi chekemi laghi ye hitoi ke; alakimne no pa küxü luvetsü cheni.

AHOLE 23:31

Aji no ajukhu lo mlaghubei eno huchuyi shino mtshaminhei qoilo aghi namu tipau ju kevilo.

AHOLE 28:22

Shonutsümi ye aqüagha no pa shou ikughi nanie pi mthano paikhavi kinimi shini keu kümsü cheni.

AHOLE 4:23

O kükümsü kütsü kiyipe jukuto alo, kughengu tipau lono aküxü züpuki ipeghi cheni.

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

ISAIAH 29:15

Ampeu launo nongu kukughu küsüpe aküzü lo qhive no, “Khuu no ningu ithulu ani kea? Khuu no ningu ithi ani kea?” ipiche kemi haküsapue!

HABAKUK 2:9

“Khuu no kunguu apüsü pesüni ye, eno alhoksa lono itshü luniye pa kibolomi sala akumou laghi lono ala shicheni keno ahaküsapue!

Luke 12:15

Eno pa no timiqo vilo pi, “Alakimne jeli kümtsü lono nongu jukutolu lo, kughengu timi lakhi küxü ye pa küakini pofushi aghi keu huno kumoe.”

Luke 12:2

Itehi nha püakeu vehu kiumu lhaphe moni keu ye kühae, momu küsü püakeu kiumu ithi moveni keu ye kühae.

Ephesiami 5:3

Alhou küpülümi shive akehu, shupu-salha, mithekumo jeli momu alakimne ye nongu dolo küptsa keumu shimoni.

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.

ZAKINIU 7:25

Pano lhou julhoqo pitive tsü masae. Nongu ye ajulho shou ameshoyi ngo ghükayi aghi keqo jumine moni, momu nongu sala lumoni, tino nongu meluve nosae, kughengu ti ye Ampeu nongu Lhou ghenguno aphikümqhüpu ke.

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

James 1:15

Tishino ngosükümla no mishipu luve no axine punu cheni; eno kughou axine no chhikhoi thuwuveni keno akithi süghive cheni.

JOSHUA 7:20

Achan no khochile, “Kuchou no I no Ampeu Israel Lhou zülo axine shivae eno I no hi shivae:

JOSHUA 7:22

Tileno Joshua no aghinimi puwu no panongu no apusho lo powu kelo kuchou no apusho lo ghükayi no aqhoshi no qhopüaghi keu phulu.

2 Peter 2:15

Panongu ye achipiu laghi pheve no ala ghüzü lo itsü wuvae. Panongu ye Beor nu Balaam papesü wuvae, pa ye alhoksa kümla lono ala kighishe lunishi che,