JOSHUA 6:5 - Sumi Naga CL (Re-edited) Bible (BSI)

⁵ Kughou panongu no ambetsü kibo lono kushuo ighani keno, eno nongu no ti afuko ghügha chilu keno, timi kümtsü no aghügha kije lono ighamku lo. Tishino mishighüna liwo ye ilaqive nani eno nongu no pütüta-a lono müzüchoi aphughi lo chesü iloni.”

BAIBEL (BSI)

⁵ Tithiu panongu no ashekhalo atuthu kushuwo lakhi fuchho igha nani eno nonguno ti chiluke mtsa kumtsuno ighono igha ighuni eno ti aphughi liwo huno ilaqive nani tishi aye ghushimi kumtsuno vejoi aphughilo ilove nani.”

JOSHUA 6:5 Iomraidhean Croise

IPEKULU 19:19

Eno afuko ghügha no alau eno alau kije shi ighauve kelo Moses no atsa pi, eno Ampeu no tsütsüküsü lono pa khochile.

ISAIAH 25:12

Pa no pano liwo kuchuqu tulape ayeghi lo amkhu shivetsü nani.

ISAIAH 30:25

Ghikiqhi tsala kijelo kughou no aghümi liwo qogheqo ikiqiveni keno, naghuto kuchuqu eno atoghi kiqhe kümtsü lo aghoki no qowu nani.

JEREMIYA 50:15

Li sümxape aghüle kulo; Babylon ye qhoi liqhivae; li qoghekiqo ye ikiqivae; liw aliwoqo ye hepholevae. Kughengu hi ye AMPEUw amkhükulue: li shou amkhü lulo, li no shike toi li peitha lo.

IBRIMI 11:30

Aküpülü lono Israelmi no ghulo tsüni Jericho homxa kelaye aliwo tupi no ilaqive.

JOSHUA 6:16

Eno ghuthu akütsüniu homxave kemtsa achinemi no afuko ighave kethiu, Joshua no timiqo vilo pi, “Ighalo, kughengu Ampeu no mishighüna hipau nongu tsüvae.

JOSHUA 6:20

Ikehu achinemi no afuko igha eno timiqo no ighamku kelo aliwo no ilaqive. Tishino timiqo no pütüta no ngo akeu lono müzüchoi aphughi lo chesü ilo leluve.

JOSHUA 6:4

Achinemi tsüni no afuko lakhikhi pesü Puloshoqhi bohu züu chewulo. Atsala akütsüniu loye, nongu no ghuthu tsüni homxani, tishino achinetomi no afuko ighani.

JOSHUA 6:6

Ikehu Nun nu Joshua no achinemi kuno pi, “Puloshoqhi bohu peluve lo, eno achinemi tsüni no Ampeuw Puloshoqhi bohu züu ambetsü kibo no mlakeu fuko pesü chewulo.”

XAKUTHAMI 20:37

Itshü akeqo no mtazü posü Gibeah lo ilo no aphughi lo akemi kümtsü heqhive tsü.

SAMUEL ATUGHIU 17:20

Jesse no azah tsüke toi David no inaqhe itheno ithu ambeqo pesü hekujuu gholo qhive no achuqupu pesü wuve. Pa no aghazü lo ighi kelo aqokitikhi ye aghüshiqa lo aghüleku cheghive.

SAMUEL ATUGHIU 17:52

Israelmi ngo Judahmi no ighasü Gath ngo Ekron khagho kutolo Philistiami hawu, ikehu Philistiami izave keqo ye Shaaraim lono Gath ngo Ekron dolono ikiqi khave.

SAMUEL ATUGHIU 4:5

Ampeuw Puloshoqhi Bohu aghazü lo ighive kemtsa Israelmi kümtsü no aghügha kije lono igha, tishi kehu aghügha no ayeghi kuchopu veküphave.