JOSHUA 5:6 - Sumi Naga CL (Re-edited) Bible (BSI)

⁶ Kughengu Israelmi no ampe 40 asayeqha lo cheke lono Egypt lono ipeghi kemi shiye kümtsü eno aghükishimi kümtsü püghave ke, ti ye panongu no Ampeu tsa pemove ke ghenguno ke; tileno Ampeu no akichhizü ngo akhingozü no qole akeu yeghi, ningu tsüni kepi pano puasüqo lau tushoqhi püakeu hu, Ampeu no panongu pelo khilemu ithulu pemoe pi ashoqhi shive.

JOSHUA 5:6 Iomraidhean Croise

LESHELE 107:4

Khami ye asayeli lo itsüsü küghünalu kepu mishighüna laghi kiumu phulu moe;

IPEKULU 3:17

eno I no tushoqhi shi anike Egyptmi no ghimeqhi akeu lono I no nongu saipe Canaanmi, Hittimi, Amorimi, Perizimi, Hivimi, eno Jebusimi yeghi, akichhizü ngo akhingozü qowu akeu lo qhinani.”’

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

EZEKEL 20:15

Tinguno alau, akichhizü ngo akhingozü no qowu akeu, ayeghi kümtsü nguno ajuküvü, khikhi I no panoqo tsü keno Ni ye tile panoqo sailomo nani kepi asayeqha lono I no tushoqhi ke,

EZEKEL 20:6

Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

JOYIL 3:18

“Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

AKIKIHI 14:23

I no pano puasü tsünie pi tushoqhi keu yeghi ithulumo nani. I jukünatha kemi khumu ti ithulumo nani.

AKIKIHI 26:63

Hi kümtsü Jordan phivilo Moab qa yeghi lo Jericho lono Moses ngo Eleazar pama no kihikeu ke.

ZAKINIU 1:3

Egypt qhiveke mpe lhoabidiu, aqhi chighiaqhaqhiu atsala atüghüni, Ampeu no Israelmi azah tsülo pikeu kiqi lono Moses no timiqo pütsa.

ZAKINIU 2:14

Ningu no Kadesh-barnea qhive no Zered ghoki kathake kutolo ampe shighi-tache luve, eno Ampeu no tushoqhi ketoi, tipa tiqhelimi aghükishimi kümtsü thikhave.

ZAKINIU 2:7

Ampeu nongu Lhou no nongu kümla thokha kümgha tsüe. Nongu no hi asayeqha katha chekeu Pa no ithi ani. Hi ampe lhobidi Ampeu nongu Lhou no nongu gholo ighive ake nongu ye kiumu püqümoe.”’

ZAKINIU 8:4

Hi ampe lhobidi dolo nongu phimini ixüvemo eno nongu pukhu inguuve moe.

IBRIMI 3:11

I loghu lono I no tushoqhive ketoi, ‘Panongu ye I kulhokiqhi-a lo ilomo nani.’”

JOSHUA 1:6

Akumto shilo eno amlo kuloghi shilo, kughengu I no panoqo puasü tsünike piqhi püakeu, nono sakipheu shino panongu pelo ayeghi tipau hu amheghi shi ighilu penani.

JOSHUA 24:7

Ikemu kughou panongu no Ampeu lau ighamku keno, Pa no Egyptmi ngo nongu dolo aküzü süvetsü eno azüghi no Egyptmi shou ikuvepe eno panongu küzüluve peke; eno nongu nhethi no I no Egypt lo kiu shi keno ithulue. Nongu ye asayeqha lo ado kushuo xüche.

JOSHUA 5:5

Egypt lono ipeghi keqo kümtsü aphighü yiko ghave kemi, ikemu ala lo asayeqha lono punu keqo ye aphighü yiko ghamo keqoke.

JOSHUA 5:7

Tighenguno panongu nuli, khunoqo Ampeu no pano züqhulo ipeghipe keno, Joshua no tipaqo phighü yiko ghatsü ke. Panongu ye aphighü yiko ghamo kemi kughengu pano ye izüche kelono aphighü yiko ghatsü moveke.