JOSHUA 3:15 - Sumi Naga CL (Re-edited) Bible (BSI)

¹⁵ eno achinemi Puloshoqhi Bohu peche keqo no Jordan tove no panongu pukhu azü lo nesü kemtsa (ti ye ghile tusho shia eno aghoki ye amkü kutolo qoa),

JOSHUA 3:15 Iomraidhean Croise

KUKAMI AKINIU 2:6

Tithiu Elijah no Elisha vilo pi, “Hile ngo aghilo, kughengu Ampeu no Jordan lo I puwu ani.” Ikemu pa no khochile, “Ampeu xüani eno no ampi xüani, ni ye khilemu o phemoe.” Tighenguno pama kümtsa wuve.

YEKIKITHI ATUGHIU 12:15

Ampe lo aqhi atüghüu ghuloki lo kughou Jordan zü no amkü kutolo qochili akeno, timi hipaqo no katha iku tilau kipelau no kulolau kuto akhila lo küghüna akemi kümtsü hapupo khave.

YEKIKITHI ATUGHIU 12:16

Itaghi Benjamin ngo Judah laghami khami no David lau sükusho-a lo ighi.

ISAIAH 26:6

Itehi ye kumlhomi ngo küha kemi pukhu no ti nedasü chewu ani.”

JEREMIYA 12:5

“Nono apukhu lono timi sasü pokimhe no akulho shive aye, kishino khurshi sasü pokuxu luni kea? Nono aqa yeghi lo thotsü lhove aye, Jordan ghasa loye kishini kea?

JEREMIYA 49:19

Julo, abongshuu lakhi no Jordan ghasa lono atsüni kümtsha-a lo ipeghi ketoi I no Edommi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

NAHUM 1:4

Pa no azüghi lomipi no qhaive tsü; Pa no aghoki kümtsü qhaive tsü; Bashan eno Carmel ye ighüyivae; Lebanon xamunu ye ighüyivae.

JOSHUA 3:13

Eno kughou Puloshoqhi Bohu kipemi no azü lo apukhu nesüni keno, ayeghiqha Mpeu no Jordan zülo ngoluve nani, eno Jordan zü huno qowu move nani, eno qoiqi chekeu züno kuchope kunguu ikuve nani.”

JOSHUA 4:18

Kughou Puloshoqhi Bohu kipemi achinemi no Jordan mta lono ipeghi no panongu pukhu no amkü tove keno, aghoki no thosülo toi qowuve, eno ghulo kütau toi amkü kuchopu qochilive.