JOSHUA 23:7 - Sumi Naga CL (Re-edited) Bible (BSI)

⁷ tishianguno nongu gholo shiye xüküqha akeqo sasü kitekungo monani, eno pano lhou je kumo nani, momu pano lhou vecheo tushoqhi monani, momu pano lhou huthumo nani, momu pishiqho mllamo nani.

BAIBEL (BSI)

⁷ tishino nongu gholo timi qhivekeqo gholo kutshu kevilo momu tushoqhi kelo panongu jeku kevilo momu tipau lhouqo mlla kevilo momu panongu zulo pishiqho kevilo.

JOSHUA 23:7 Iomraidhean Croise

KUKAMI AKINIU 17:12

Panongu no, “Nongu ye hi shimoni” ipi Ampeu no pikeu mllauve.

KUKAMI AKINIU 5:18

Avehu hipau ghenguno Ampeu no o qeu kipimi qhitsü peni: kughou I mpeu no Rimmon chineki lo mllani ye iloni keno, pa no I bighi lo mungu no ni ghi ayeghi lo itsaqi masave kelo, hipau vehu lo Ampeu pelo o qeu kipimi qhitsü pelo.”

YEKIKITHI AKINIU 7:19

“Ikemu nono tsüghüve no I zakütsü o tsü keqo hebide, eno kütau lhouqo huthu no mllauve aye,

LESHELE 16:4

Khunono alhou kütau pape cheni keno amlo ghime küghüsü nani; ni ye panow ajih kümllagho leqhi tsümo momu pano je pesü I kichi lo pimo nani.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

IPEKULU 23:33

Panongu ye no ghakhu lo küghüna moni, tikumo aye panongu no nongu pelo I shou axine shipe nani; kughengu nongu no pano lhouqo mlla aye, tino nongu ghenguno alichhe shive nani.”

AHOLE 4:14

Kixikilami laghi lo ilo kevilo, eno alhoksami laghi püla kevilo.

JEREMIYA 12:16

Ti ye shikupu nani, panongu no amlo tsüqhiyi Iw timiqo laghi shikalu, eno Iw timiqo pelo Baal lau tushoqhi peke toi, I je lono tushoqhi, ‘Ampeu xü anike,’ ipi aye, panongu ye Iw timiqo gholono shiqhe pukutsü nani.

JEREMIYA 5:7

“Ni ye kishino panongu kipimi qhitsüni kea? No tianuliqo no I kümsümavae eno alhou kumo keqo jeku ashoqhi shivae. I no pano ghakiqipu shi loji kelo panongu no shupu-salha eno küsalhami kilo kumqope ngoe.

HOSIYA 2:17

Kughengu I no Baalqo je li kichi lono ikhive tsü nani eno tipaqo je kümsüchilelu pemove nani.

ZEFANIA 1:5

aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

AKIKIHI 32:38

Nebo, Baal-meon (aje tipaqo kilive tsü) eno Sibmah shiqhe. Panongu no shikitheve keu phughiqo je kukideve tsü.

AKIKIHI 33:55

Ikemu nongu no ayeghi tipau lo küghüna akemi hapupo khamove aye, tile akemi huno nongu nhethi lo amuchhu akeshi eno no jibo lo asahu akeshi pünaqhi nani, eno nongu no akeu ghakhu lo panongu no nongu pünaqhi che nani.

1 Kor. 15:33

Nongu pishiqhivepe kevilo: “Aküsami lhoksa no ghushoghili kivi shipüsave cheni.”

Ephesiami 5:11

Aküzü kümla athi pithimo keu lo chhosü kevilo, tishinike züqhulo tipaqo pesü aküvü lo pephelo.

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

ZAKINIU 6:14

Nongu ye ashiaye nongu sümxape akemi lhouqo mlla moni,

JOSHUA 23:12

Tsala nongu no idewove no hi ghüluve kemi shiye nongu dolo küghüna akeqo sasü kütshükungo luve, pano sasü külakupu shikileve, eno tishikeu lono nongu ngo panongu kitekungo xüuve aye,

JOSHUA 23:8

Ikemu ishi kutolo shi aketoi, nongu ye nongu Lhou Ampeu süijepe ngolo.