JOSHUA 23:13 - Sumi Naga CL (Re-edited) Bible (BSI)

¹³ mtsüqheino hi ithilo, Ampeu nongu Lhou ye khilemu shiye hipaqo nongu zülono hapheve tsümo nani. Ikemu panongu ye alichhe momu aqo lakhi toi, amqa lo aqhe no heke toi momu anhethi lo asahu toi Ampeu nongu Lhou no tsükeu yeghi kivi lono kühave moke kutolo nongu ghenguno aküighüpu shive nani.

BAIBEL (BSI)

¹³ AMPEU nongu Lhou ye shiyeh tipaqo nongu zulo hapheve tsumo nani pi tsaqui ithivelo. Tike kumono panonguye alichhe lakhi toi eno aqoh lakhi toi eno omqalo aqheno heketoi momu onhethilo asahutoi nongu ghenguno akuighupu shive nani. Eno tishisu nongu lakhimu hipau yeghi kivi AMPEU oLhou no tsukeu lo ngomove kepu kuto shive nani.

JOSHUA 23:13 Iomraidhean Croise

KUKAMI ATUGHIU 11:4

Pa no muchomi shiuve kelo pa nipuqo no pa sasü kütau lhouqo lau wuve, eno pa pu David no amlo kuchopu Ampeu pa Lhou tsüche ketoi, pa ye tishi move.

KUKAMI AKINIU 17:18

Tighenguno Ampeu no Israelmi shou ighono amlo ideve no Pa zülono panongu ikhive. Judah shiaye kumo aye lakhimu qhimove.

KUKAMI AKINIU 17:20

Ampeu no Israel lagha kümtsü milive, panongu ghimeqhi eno Pa zülono hapheve moke kutolo panongu küghape aghümi u lo süve tsüe.

KUKAMI AKINIU 25:21

Babylon kükau no Hamath yeghi lo Riblah lono panongu pithive. Hitoi shi Judah ye pa yeghi lono hakiphi sawuve.

KUKAMI AKINIU 25:26

Tileno timi kije kitilami kümtsü, eno ghüshimi keptenqo ishi Egypt lo wuve kughengu panongu ye Chaldeami msave.

LESHELE 69:22

Panoqo zülo aghulhu lüpa no alichhe shive pelo; eno panongu no aloino akelo, tino alichhe shive pelo.

IPEKULU 10:7

Tithiu Pharaoh qemi no pa vilo pi, “Ado khitohi timi hipau pelo ningu kitime apeni kea? Timiqo puwuvelo, tishianguno pano pelo Ampeu pano Lhou huthulu pelo. Egypt ye kütsavae pi no ye vethamla aphi keshea?”

IPEKULU 23:33

Panongu ye no ghakhu lo küghüna moni, tikumo aye panongu no nongu pelo I shou axine shipe nani; kughengu nongu no pano lhouqo mlla aye, tino nongu ghenguno alichhe shive nani.”

IPEKULU 34:12

Jukuto lo, tikumo aye nongu no khilehi wuniye shi ani keno tipau yeghi lo küxümi sasü puloshoqhi shilu nosake, tishive aye tipau no nongu dolo kitime kepu lichhe shive nani.

IPEKULU 34:16

nongu no pano ngaqo pesü nongu nuli nipu shi lutsü, eno anga tipaqo no pano lhouqo sasü kütüqha no nongu nuli pesü itaghi tipaphi shiuvepe nosae.

EZEKEL 28:24

“Eno Israel kibolomi ghengu ye pano kisüghümi khunoqo no küthaküghapu shi pano peitha cheni keno panongu ye ayemhi no qhukepu momu asahu no ghüza kepu kühave nani. Tileno panongu no Ni ye Ampeu Alhou kepi ithi nani.

AKIKIHI 33:55

Ikemu nongu no ayeghi tipau lo küghüna akemi hapupo khamove aye, tile akemi huno nongu nhethi lo amuchhu akeshi eno no jibo lo asahu akeshi pünaqhi nani, eno nongu no akeu ghakhu lo panongu no nongu pünaqhi che nani.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

ZAKINIU 29:28

Ampeu no Pa mlo kighide kije lono aghakhu hipau lono panongu nhüpe itehi ayeghi kütau panongu no akeu lo vesüve.’

ZAKINIU 30:18

I no ishi tsala lono nongu kütüghü anike nongu ye mtsüqheino kütsave nani. Nongu ye Jordan katha iku ngoniye akeu yeghi lo ado kushuo xümla nani.

ZAKINIU 4:26

I no ishi tsala lono kungugha ngo ayeghi pelo nongu shou thopi shi penike kusü anike, nongu no Jordan katha iku pükhalu niye akeu yeghi lo nongu ye pai püghave nani. Nongu ye tile kushuo xümo nani, ikemu kütsakungo khave nani.

ZAKINIU 7:16

Ampeu nongu Lhou no nongu u lo sütsü keu shiaye kümtsü kütsave lo. Nongu nhethi no kimiyeqhiyi pano jumoni, momu pano lhouqo mlla moni, kughengu tino nongu meluve nani.

2 Tim. 2:26

eno panoqo no kümsüchilelu püzü tüghami no pano mepe qhino pa gho-apulou shipe chekeu lichhe lono poluve nani.

XAKUTHAMI 2:21

Joshua no haphemo no qhive keqo shiye lakhimu, Ni ye haphe moae,