JOSHUA 2:1 - Sumi Naga CL (Re-edited) Bible (BSI)

¹ Tithiu Nun nu Joshua no pukujumi kini Shittim lono puwu eno pama vilo pi, “Wulo, ayeghi pujulo eno akhoto no Jericho pujulo.” Ikehu pama no wuve eno chesü kütüqhaliu Rahab kilo ighi eno tile ngove.

BAIBEL (BSI)

¹ Tithiu Joshua no pukujumi kini Akasia pushoa lono tuqhouno Kanan yeghi, akhotono Jerikho phughi puju penike puwu. Kughono pamano aphughilo ighikeno tipaji pama ye Rahab kutuqhaliu kilo ngove

JOSHUA 2:1 Iomraidhean Croise

BOTHUBO 42:16

Nongu dolo lakhi puwu no pa pelo nongu thiküzüu saighi pelo, eno kütami ye khathave aghini, tishino tsala nongu lolo kuchou ani kemo keno nongu tsa pejuni. Tikumo aye, Pharaoh küxü vecheo pi ani, nongu ye mtsüqheino pukujumi ke.”

BOTHUBO 42:9

Eno Joseph no panoqo pumo keu samo kümsülue. Pa no panoqo vilo pi, “Nongu ye pukujumi; nongu ye ayeghi hipau kümsa shi akeu puju niye ighi anie.”

MICAH 6:5

O Iw timiqo, Moab kükau Balak no kiu kuchughu, Beor nu Balaam no kiu pa khochile, Shittim lono Gilgal kutolo kiu shikeno kümsülu lo, eno AMPEUw achipiu kümla nongu no ithi nani.”

AKIKIHI 13:1

Ampeu no Moses vilo pi,

AKIKIHI 13:2

“Canaan yeghi khikhi I no Israelmi tsüniye ani keno ti puju kepushi no ye alagha lakhikhi lo alitomi puwulo.”

AKIKIHI 25:1

Israelmi no Shittim lo aghazü shipe akelo, panongu ye Moablimi sasü xüpimiuve.

AKIKIHI 33:49

panongu no Moab qa yeghi Jordan phivilo Beth-jeshimoth lono wo Abel-shittim kutolo aghazü shie.

MATTHEW 1:5

Salmon nu Boaz, Rahab vecheo punu keu, Boaz nu Obed, Ruth vecheo punu keu, Obed nu Jesse,

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

Ephesiami 5:5

Nongu no hi thebeilu nani ke küsalhami, mithekumomi momu alakimnemi (ti ye, ajulho kümllau) ye Khristo eno Alhou yekipe amheghi ithulumo nani.

IBRIMI 11:31

Aküpülü lono asalhau Rahab no pukujumi sasülu kehu hekibidemi gholono pühave moe.

James 2:25

Tihutoi kütüqhaliu Rahab ghi, li no atsapemi aki lo sasü püzü ala kütau no puwuve keu kümla vecheo achipikalu kekumo keshea?

JOSHUA 1:18

Khuu no nono azah tsükeu ghechile eno o tsa pape moni keno, pa ye pithiveni. Qeti akumto shilo eno amlo kuloghi shilo.”

JOSHUA 2:2

Ikelo Jericho lo akükau lau asütsa ishi tove, “Julo, Israelmi itiji hilau ayeghi puju nike ighi ani.”

JOSHUA 21:31

Helkath ngo Rehob eno tiküma lo atsüni kümtsha-a, mishighüna bidi;

JOSHUA 3:1

Thanau inaqhe Joshua ngo Israelmi no ithughi no Shittim lono chesü Jordan lo ighi eno katha ikumphi lo tilehi aghazü shia.

JOSHUA 5:10

Kughou Israelmi no Jericho qalo Gilgal lo aghazü shi akeno, panongu no tipa qhi chighiabidini ji Hechekulu ikhilue.

XAKUTHAMI 1:23

Joseph laghami no Bethel lo pukujumi puwu (aphughi hipau ye inahuu ye Luz ipiche.)

XAKUTHAMI 18:14

Tileno pano pungu Laish lo ayeghi pujuwu keqo no pano thiküzümi vilo pi, “Aki hipau lo Ephod, aki lhouqo, ajulho, eno ghükayi julho qhipüa keu nongu ye ithi anima? Nongu ye kiu shini keno kümsü julo.”

XAKUTHAMI 18:17

Ayeghi pukujumi pano pungu no vejoi aki sholokuu ilo no Ephod, aki lhouqo, ajulho, eno ghükayi julho ikhiluve; tishi akelo achineu ye ghüshimi 600 gholo khagho ikulo lo ae.

XAKUTHAMI 18:2

Ikehu Danmi no pano timi dolono, ti ye Zorah lo ngo Eshtaol lono, amlo kumtomi pungu kishepe ayeghi kivi pujuwu pe. Panongu no pano pungu vilo pi, “Wuno ayeghi pujulo.” Panongu no Ephraim ato yeghi lo ighi eno Micah kilo ngolu.