JOSHUA 18:1 - Sumi Naga CL (Re-edited) Bible (BSI)

¹ Israelmi no ayeghi qhasü luve kethiu kümtsü no Shiloh lo kumqo eno kuposhukulu phiki mlave.

BAIBEL (BSI)

¹ Panonguno ayeghi leluveke thiu, Israil shiyeh kumtsu Shilo lo kuho eno AMPEU no ngoche keu phiki shive.

JOSHUA 18:1 Iomraidhean Croise

SAMUEL AKINIU 7:6

Egypt lono Israelmi saipeghi kelono ishi tsala kutolo Ni ye aki lo ngo mphi, ikemu Ni ye aphiki lono I kungo-a shino iqho-iqi acheni.

KUKAMI ATUGHIU 14:2

Jeroboam no pa nipu vilo pi, “No ye Jeroboam nipu kepi ithi pemo kepushi o küsüuno no Shiloh lo tungkupu Ahijah khuu no I vilo ni ye timi hipaqo shou akükau shi nanie pi keno, pa lau wulo.

KUKAMI ATUGHIU 14:4

Li no titoi shino Shiloh lo Ahijah kilo ighi. Ahijah ye kitemi shive kehu pa nhethi ye züuve.

KUKAMI ATUGHIU 2:27

Ikehu Solomon no Ampeu chine kümla lono Abiathar hapheve, tishikeu lono Shiloh lo Ampeu no Eli limi vehu pi püakeu shikupuve.

NEHEMIA 9:24

Ikehu panongu no ilo no ayeghi tipau leluve, eno Nono panongu zülono Canaan yeghi eno tipaqha lo kükami ngo ashiaye kümtsü pesü panongu u lo süvetsü eno panongu pelo pano ghoshi Canaanmi peitha peke.

LESHELE 78:60

Pa no Shiloh lo Pa kungo-a qhive, Pa ye tile Paw timiqo gholo acheke,

LESHELE 78:66

Eno Pa no pa ghümiqo haleve; Pa no panoqo pesü lhokta kukujopu lo süve.

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

JEREMIYA 26:9

No ye kushiye Ampeu je lono tungkuptsa, ‘Aki hipau ye Shiloh toive nani eno mishighüna ye kütsaleve no küghüna move nani,’ ipi ani kea?” Ikehu Ampeu kilo timi kümtsü no Jeremiah süho luve.

JEREMIYA 41:5

Shechem, Shiloh, eno Samaria lono timi lhotache akichimhi miyeve, aphimini ixü, eno aphimpi kihelepe athi kümllagho ngo axokütsüngü pesü achineki lo Ampeu lau ighi.

AKIKIHI 32:22

eno aghakhu kümtsü Ampeu nhethe lono qhasü luve aye; tileno nongu ye idewolu nani eno tithiu ye Ampeu lau eno Israelmi lau kiumu bemakho kühave no Ampeu zülono hipa yeghi pesü nongu mheghi shiluve nani.

Apostolmi 7:45

Tithiu ni puasüqo no Joshua qholono tipau pesü Alhou no panongu zülono hapheve keu shiyeqo yeghi lo iloghi, eno David ghuloki kutolo tishi ache.

JOSHUA 18:2

Israelmi dolo ashiaye tsüni ye pano saje ayeghi tsümono ae.

JOSHUA 18:8

Tishino timiqo no ayeghi xüwu penike Joshua no hitoi kichepiye keu kiqi lono wuve, “Ayeghi kümtsü xüwulo eno ayeghi julho yepe I lau ideighi lo. Eno hile Shiloh lono I no Ampeu zülono nongu ghenguno asaqhi tsüni.”

JOSHUA 19:51

Achineu Eleazar, Nun nu Joshua eno Israel shiaye chighikini lo sakiphemi no ayeghi hipaqo Ampeu zülo Shiloh lo kuposhukulu phiki lono asaqhi eno kijetsüe. Titoi panongu no ayeghi kikije ashekha shive.

JOSHUA 21:2

Panongu no Canaan yeghi Shiloh lono pi, “Ampeu no Moses vecheo, ningu pelo ngopeni keu mishighünaqo eno niw lhoxüqo ghenguno atsüni kümtsha-a ni tsülopi azah tsüvae.”

JOSHUA 22:12

Kughou Israelmi no ti chilu keno, Israel shiaye kümtsü Shiloh lo kumqo eno kipelau shiayeqo sasü aghü shinike kutove.

JOSHUA 22:19

Itehi nongu yeghi no mithemo no aghi aye Ampeu yeghi lo ikughive lo, tile Pa phiki ani, eno ningu gholo nongu ghi ayeghi ighi luvelo. Ikemu Ampeu hebide kevilo momu Ampeu kiptia nguno kütau no kiptia shiqhe keu vecheo, ningu pesü hekibidemi toivepe kevilo.

JOSHUA 22:9

Tishino Reuben, Gad eno Manasseh shiaye tüxa no aki lo idewove. Panongu ye Israelmi kütami sasü Canaan lo Shiloh lono kütüta shive no chesü pano yeghi lo wuve, ti ye Ampeu no Moses vecheo qhasü luve lopi azah tsükeu-a Gilead yeghi lo wuve.

XAKUTHAMI 18:31

Panongu no Micah no mlakeu julho pesü tilau ghope qhive eno Alhou ki no Shiloh lo ake thaqhülo, tishi ache.

XAKUTHAMI 21:12

Ikelo panongu no Jabesh-gilead lo xüküami dolo ili lhothe pano 400 no athathe shi aghikeu phulu, ikehu panongu no Canaan yeghi lo Shiloh ghazü lo sasü ighive.

XAKUTHAMI 21:19

Ikehu panongu no pi, “Julo, Ampeu lau mpetsü pine ghulhu Shiloh lo kuhoni cheae.” Shiloh ye Bethel ahuu eno Lebonah apeu, eno Bethel ngo Shechem küma dolo alaghi ajeu ache.

SAMUEL ATUGHIU 1:24

Kughou li no pa khove keno li no pa sasü wuno li gholo ampe küthü mishitsü lakhi, ashothi akho lakhi eno atsaizü ashiyiko hughi lakhi pesü Shiloh lo Ampeu kilo süghi. Anu ye itimi shiae.

SAMUEL ATUGHIU 1:3

Elkanah ye ampe atsütsü akümlla eno aghakishi pesü Shiloh lo aqokitikhi Mpeu mllani ye iqhoche. Tile Eli nu kini, Hophni ngo Phinehas pama no Ampeu chinemi shi ache.