JOSHUA 14:12 - Sumi Naga CL (Re-edited) Bible (BSI)

¹² Tishiaye itehi, tipa tsalani Ampeu no piqhikeu yeghi hu I tsülo, kughengu Anakimi no kishi aliwo kumto no mishighüna bothasü keu lo ache keno, tipa tsalani no ghi chilue. Ikemu Ampeu no I gholo ngono I no hupaqo haphe luve nanie pike.”

BAIBEL (BSI)

¹² Tishi aye itehi ni eno niwu timiqono AMPEU lau asutsa sughike tsalalo AMPEU no piqhiveke toi atoyeghiqo itsuvelo. Nino ovilo pikeuye timi subosughimi Anakim ipikeqo aliwo kuloghino bothape akeu phughilo ani AMPEU no pikeu toi AMPEU no igholo ngono ino panongu haleluve nani.”

JOSHUA 14:12 Iomraidhean Croise

KUKAMI AKINIU 19:4

Ampeu o Lhou ye Rabshakeh, khuu Assyria kükau no xüakeu Lhou thaigha peniye puwu keno, pa no pikeu tsaqo kümtsü chiluve aghi nani, eno Ampeu o Lhou ye tipa tsaqo chilu no alomipi nani keniae; tighenguno ghükulumi ghenguno inikhu tsülo.”

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

LESHELE 60:12

Alhou gholono nino tolu nani; ni ghümi qodani keu ye Pa ke.

AKIKIHI 13:28

Tishimu tilau küghüna akemi ye choshiyi, eno aphughiqo ye kijeje eno putukhape ani. Tipau gholo Anak kughukomi tilau akeu nino ithulue.

AKIKIHI 13:33

Tinguno alau nino Anak laghami shishe sübosüghimi ghi ithulu, ikelo ningu ye panongu zülo tülhaqu qhemi toive, panongu ghi titoi ningu ithuluni cheke.”

AKIKIHI 21:34

Ikemu Ampeu no Moses vilo pi, “Pa msa kevilo kughengu I no pa ngo paw timi eno pa yeghi kümtsü o tsüvae eno nono Heshbon lo achekeu Amorimi kükau Sihon lau shike toi pa lau ghi shinani.”

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

ZAKINIU 1:28

Ningu ye khila wucheni kea? Ni thiküzümi no ishi pikeu lono ni shikümsavae, “Tilau timiqo ye ningu nguno akuchuqu eno akumtou. Pano mishighünaqo ye kije eno aliwo no atsütsü kuto shiqhe püani. Tinguno alau nino Anakim nuli ithulue.”’

ZAKINIU 9:1

“Inilo, O Israel: nongu ye ishi tsala lono Jordan katha iku nongu nguno akijeu akumtou shiyeqo, eno shishe kije eno aliwo no iku atsütsü toni keshi akeu phughiqo haphe niye ani.

ZAKINIU 9:3

Tighenguno ishi tsala lo hi ithilo, khuu amiküqü toi nongu züu cheni keno, Pa ye Ampeu nongu Lhou ke. Pa no nongu zülono panongu kütsave no qhasüve nani. Pa no nongu vilo piqhive ketoi, nongu no panoqo hapheve no paikhavi püghave nani.

FILIPIAMI 4:13

Khristo no I shikumto keu vecheo ni ye thokha shilu nani.

IBRIMI 11:33

aküpülü vecheo panongu no kükaqha lelu, kuchou xakütha peitha, pikiqhitsa ithulu, abongshuu baxa lakhalu,

JOSHUA 15:14

Caleb no Anak nu küthü hapheve panongu ye Sheshai, Ahiman eno Talmai.

XAKUTHAMI 1:20

Moses no azah tsüke toi Hebron pesü Caleb tsüve eno pa no Anak nu pano küthü tile küghüna chekemi hapheve.

SAMUEL ATUGHIU 14:6

Jonathan no apumi pa ghünanu kupuu vilo pi, “Ighilo, nikujo aphighüyiko ghamo kemi lau ikuni. Ampeu no nikujo ghenguno akümla shitsü peni, kughengu Ampeu no xaluni keu ye kutomo vecheo shi aghina aghulo vecheo shi aghi namu lakha chile mlae.”