JOSHUA 10:13 - Sumi Naga CL (Re-edited) Bible (BSI)

¹³ Ikelo pano shiye no aghümi shou amkhülu moke kutolo khetsünhe no ngove eno aqhi no itha move. Jashar Kaku lo hi yepüani ke kumo keshea? Khetsünhe no atsütsü mta lo ngove eno ilove mono tsala kupuju ngove.

BAIBEL (BSI)

¹³ Tsukinhe no ngo auve eno pano shiyeh no aghumi levemoke kutolo ithamove. Tipatsa Jashar kakulo yepuani. Tsukinhe no atsutsu mtalo ngoauve eno ilovemono tsala kupuju lakhi ngove.

JOSHUA 10:13 Iomraidhean Croise

SAMUEL AKINIU 1:18

eno hi ye Judah timiqo shika kepue pi pa no pi; hi ye Jashar Kaku lo yepüani. Pa no pi:

KUKAMI AKINIU 20:10

Hezekiah no khochile, “Yekükhü pelo küpka chighi azüu wovepe keu ye mlalei. Ikehu küpka chighi athiu idewove pelo.”

ESTHER 8:13

Kiu yephe keno kiyepa lakhi ye aphughi kümtsü lo xaküthaza shi tsüpuwu no aqha zülo pephe piyepe, eno Jewmi ye tipani no pano ghümi shou amkhülu penike kutolupe.

JOB 9:7

Pa no khetsünhe azah tsüve aye tino ipeghi move cheni; eno ayepuqo nhape qhive cheni;

LESHELE 148:3

Khetsünhe ngo aqhi, Pa sheqhelo, nongu ayepu phuphushi akeqo kümtsü Pa sheqhelo!

LESHELE 19:4

Pano sütsa no ayeghi kümtsü vekipighi, ayeghi shekichi kutolo wu cheni. Pa no khetsünhe ghenguno atsütsü lo aphiki shipüani,

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

ISAIAH 38:8

Julo, khetsünhe kusho no Ahaz dokiche kala lo anepa hecheve keu lo itaghi anepa chighi ideighive nani.” Ikehu akusho no akala lo anepa chighi ideighive.

JOYIL 2:10

Panoqo zülo ayeghi no ithae; atsütsü no khokhoshie. Khetsünhe ngo aqhi no zümoive, eno ayepuqo no aküvü tsümove.

JOYIL 2:31

Ampeu tsala kije eno akümzapu ighi mphilo khetsünhe no zümoive nani eno aqhi no aji toive nani.

JOYIL 3:15

Khetsünhe ngo aqhi no zümoi, eno ayepuqo no aküvü tsümovae.

HABAKUK 3:11

O piji eno O ngu no phuphushi yeighi kelo khetsünhe ngo aqhi no panoqo-a lo itha mono ngove.

AKIKIHI 21:14

Tighenguno AMPEUw Aghükishi Kaku lo ishi yepüani, “Suphah lo Waheb, eno Arnon khila,

AKIKIHI 31:2

“Midianmi shou Israelmi mkhü lulo. Tithiuno no ye thive nani.”

MATTHEW 24:29

“Tipa tsala lo aghime kitikhi tave kemtsa khetsünhe no zümoive nani, aqhi no aküvü tsümove nani, ayepuqo no atsütsü lono ikiqive nani, eno atsütsü lo küka jeliqo sükiniqhi nani.

MATTHEW 5:45

tishikeu lono nongu ye khuu kungugha lo ani keno nongu Papu tianuli kepi piyelu nani. Kughengu khetsünhe ghi Paw ke Pa no tsütsüni pesü alhoksami ngo akivimi lau tsücheni, eno tsütsüghu pesü müzüchoi kemi ngo ihoghülai kemi lau puwu tsücheni.

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

Apostolmi 2:20

Ampeu juküvüpu tsala kije ighini ke zülo khetsünhe no zümoive nani, aqhi no aji toi huchuyive nani.

JOSHUA 10:11

Panongu no Israelmi zülono posü iqi Beth-horon ikuqho küdau cheke lono Ampeu no mürasü kuloghi Azekah laghi kutolo ghuqhi no panongu pithive. Israelmi no heqhive tsükeu nguno akichiu no mürasü no veqhive.

JOSHUA 10:14

Ampeu no timi sütsa chilu tsüno Israelmi züqhushi aghüshi tsükeu, azüu mu momu ishi kutolo mu atsala hitoi keu khilemu shimphie.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Piyeküsü 6:10

Panongu no asütsa kuloghi lono igha, “O Akughushu Mpeu, akimthe eno kuchou, ayeghilomi no ni pithive keu lo Nono küghatha eno ni mkhü lutsü moke kutolo ningu ye khitohi khea lopi kea?”

Piyeküsü 6:12

Kughou Ambeti no michida akütsüghou xükho keno, ayeghi küghütha kije ighikeu I no ithulu, khetsünhe no kumshophi tsübui keu toi zümoive, aqhi huno aji toi huchuyive,

Piyeküsü 8:12

Kungumi abidiu no pa fuko küigha kelo khetsünhe kikije küthü lo lakhi ye kütsave, titoi aqhi eno ayepuqo ghi küthü lo lakhikhi ye kütsaleve, tishikeu lono tipaqo küvü ghi kikije küthü lo lakhi ye zümoive, ikehu puchou pimu küthü lo lakhi ye khetsünhe küvü kühave, eno putho lomu lakhi ye aqhi ayepu küvü kühave.

XAKUTHAMI 16:28

Tile Samson no inikhu, “O Ampeu Alhou, kimiyeno I kümsülu tsülo eno thosülo küka ghuthu lakhi I tsülo, O Alhou, tishikeu lono I nhethi lejove tsükeu ghenguno I no Philistiami shou amkhü luveni.”

XAKUTHAMI 5:2

“Ampeu no Israelmi sakipheu shi timiqo no akutoshi no pulolu, Ampeu sheqhelo!