JOSHUA 1:6 - Sumi Naga CL (Re-edited) Bible (BSI)

⁶ Akumto shilo eno amlo kuloghi shilo, kughengu I no panoqo puasü tsünike piqhi püakeu, nono sakipheu shino panongu pelo ayeghi tipau hu amheghi shi ighilu penani.

BAIBEL (BSI)

⁶ Mtotoilo eno amlo kuloghilo, kughengu ino panoqo puasu tsunike piqhi puakeu hu nono sakipheu shiveno panongu mheghi shitsu niye akeu ke.

JOSHUA 1:6 Iomraidhean Croise

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

SAMUEL AKINIU 10:12

Amlo mtolo, ningu ye niw timi, ni Lhouw mishighünaqo ghenguno amlo mtoni, Ampeu no kiu akivi keno shipeni.”

KUKAMI ATUGHIU 2:2

“Ni ye ayeghi lo kümtsü no sholu chekeu do kupunuvae. Akumto shilo eno timi süchomi shilo,

YEKIKITHI ATUGHIU 22:13

Tsala Ampeu no Moses vecheo Israelmi tsükeu khuaye eno pimheyeqo nono tsaqütsalei pelu aye, no ye ikoishelu nani. Akumto shino amlo kuloghi shilo. Msa kevi; alomtshüve kevilo.

YEKIKITHI ATUGHIU 28:10

Itehi tsaqütsalei shilo, kughengu o pelo akimthe chineki mla penike Ampeu no o kisheluvae; ikehu akumto shino mla thulo.”

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

YEKIKITHI AKINIU 15:7

Ikemu nongu ye akumto shilo! Nongu u qeive kevilo, kughengu nongu kümla ghenguno asaxü tsü nani.”

YEKIKITHI AKINIU 20:11

tipa jume shi panongu no Nono ni tsükeu mheghi yeghi lono ni hapheve niye ani.

YEKIKITHI AKINIU 20:7

O Alhou, Nono Israelmi zülono hile xüküami hapheve tsüno ayeghi hipau pesü O poshuu Abraham polo kughukomi alholo ghenguno tsüke kumo keshea?

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

DANIEL 10:19

Pa no pi, “O shishe kimiyekicheu timi, msa kevilo, aloino keu o lolo alo; akumto shilo eno amlo loghilo.” Eno pa no I pütsa akelo ni ye akumto shikithe luve no pi, “I mpeu no pijulo, kughengu nono I shikumtovae.”

HAGAYI 2:4

Tishimu mtolo, O Zerubbabel, Ampeu no asheshue. Mtotoi lo, O Jehozadak nu achinetou Joshua. Mtotoi lo, nongu ayeghi lo akemi, Ampeu no asheshue. Mlalo, kughengu Ni ye nongu gholo ani, aqokitikhi Mpeu no asheshu,

ZEKHARIA 8:9

Aqokitikhi Mpeu no piani: “Aqokitikhi Mpeu ki boqha ghoke tsala lo tungkupmi kichi lono atsa hipaqo pikeu chilu ighi kemi nongu kümtsü no achineki shiqhelu kepushi nongu u mtotoi luvelo.

AKIKIHI 26:53

“Alagha hipaqo dolo pütüta kikihi kiqi lono ayeghi pesü amheghi shi kije tsülo.

AKIKIHI 33:53

Tishino nongu no aghakhu qhasü lulo kughengu I no tipau pesü nongu tsü anike.

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

Ephesiami 6:10

Ashekhashi, Ampeu küka kumto lono mtotoi shilo.

ZAKINIU 1:21

Ampeu ni Lhou no nongu zülo ayeghi ikhiphetsü ani. Ampeu nongu puasü Lhou no nongu vilo pike toi wuno now shilulo. Msa kevi momu alomtshü kevilo.’

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 11:8

“Tighenguno I no ishi tsala lo azakütsü nongu tsükeu kümtsü pelu lo, tishianguno nongu ye akumto shino nongu no ilo niye akeu yeghi pükhalu nani,

ZAKINIU 31:23

Eno Ampeu no Nun nu Joshua süküsü shino pa vilo pi, “Akumto shilo eno amlo mtolo, kughengu nono Israelmi sasü I no tushoqhi keu yeghi lo ilo nani, eno I no o gholo anani.”

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

JOSHUA 1:18

Khuu no nono azah tsükeu ghechile eno o tsa pape moni keno, pa ye pithiveni. Qeti akumto shilo eno amlo kuloghi shilo.”

JOSHUA 1:7

Qeti akumto shilo eno shishe amlo kuloghi shilo, eno I qeu Moses no azah tsükeu kümtsü kutokupui shi pekupu lo. Tipau lono ajeu momu piyiu tsüghüwu kevilo, tishikeu lono nono khila khila wumu, no ye akivishi tokulu shinani.

JOSHUA 1:9

Akumto shilo eno amlo kuloghi shilopi azah o tsüve ake kumo keshea? Msa kevi momu amlo tülalo kevilo kughengu ni Ampeu o Lhou ye nono khilekhile chemu, o gholo che nani.”

JOSHUA 10:25

Tishino Joshua no panongu vilo pi, “Msa momu amlo tülalo kevilo ikemu amlo loghilo kughengu Ampeu no nongu ghümi kümtsü shou titoi shi nani.”

JOSHUA 13:6

Lebanon naghuto ghakhu lo akeqo lono Misrephoth-maim kutolo küxümi kümtsü eno Sidonmi kümtsü ishi. I no Israelmi nhethe lono hi kümtsü hapheveni. Ikehu I no azah o tsüke toi ayeghi kijepe Israelmi mheghi shive tsülo.

JOSHUA 18:3

Ikehu Joshua no Israelmi vilo pi, “Nongu ye no puasü Lhou Ampeu no nongu tsükeu yeghi ighi luni keu ado khitohi süpushu ani kea?

JOSHUA 21:43

Ikehu Ampeu no pano puasü zülo piqhi püake toi, ayeghi kümtsü pe Israelmi tsüve. Eno panongu no tipaqo pükhalu no tilau küghüna auve.

JOSHUA 5:6

Kughengu Israelmi no ampe 40 asayeqha lo cheke lono Egypt lono ipeghi kemi shiye kümtsü eno aghükishimi kümtsü püghave ke, ti ye panongu no Ampeu tsa pemove ke ghenguno ke; tileno Ampeu no akichhizü ngo akhingozü no qole akeu yeghi, ningu tsüni kepi pano puasüqo lau tushoqhi püakeu hu, Ampeu no panongu pelo khilemu ithulu pemoe pi ashoqhi shive.

SAMUEL ATUGHIU 4:9

Akumto shilo, eno kiptimi toi shilo, O Philistiamiqo, tikumo aye panongu no püzüu nongu qüaxe shiche ketoi nongu ye Hebrewmi qüaxemi shive nosae; kiptimi toi mjochile lo.”