JONAH 3:10 - Sumi Naga CL (Re-edited) Bible (BSI)

¹⁰ Kughou panongu no küsakügha laghi lono xaide ighi akeu Alhou no ithulu keno, Pa no panoqo lau amhekiqi süghini piakeu süchileve, eno Pa ye tipau shimove.

BAIBEL (BSI)

¹⁰ Panonguno kiu shikeno Alhou no ithulua; panoqono ghushoghili lhoksa shichekeu qhivekeu pano ithuluve. Tighenguno pano kumsupu akeu kiliveno panongu ghimeqhini pipuakeu shimove.

JONAH 3:10 Iomraidhean Croise

YEKIKITHI ATUGHIU 21:15

Pa no Jerusalem kütsave penike kungumi hapuwuve, ikemu tishi mphi lono Ampeu no ithuluve no küsakusho süchileve. Pa no kütsakungo akeu kungumi vilo pi, “Tino lumkhavae, itehi ye o u süchilevelo.” Kungumi huye Jebusimi Ornan niqa lo puthugho ae.

IPEKULU 32:14

Ikehu Ampeu no Paw timi lau amhekiqi süghini pi akeu süchileve.

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

JEREMIYA 18:7

Kugho kughomu shiye momu kükaqha lakhi I no nhüve, xaleqhive eno kütsaveni ke ghenguno kütüghü kelo,

JEREMIYA 18:8

I no ghutuve keu shiye no alhoksa kümla lono xaideve aye, I no amhekiqi kümla shini pi kughuve keu lono I kükümsü kilive nani.

JEREMIYA 36:3

Ishiake Judah lagha ye I no pano shou kütsakungo nike kughu akeu chilu no kümtsü no pano lhoksa lono tsüghü ighi luvi, tishianguno I no pano kipimi xine qhitsü nani.”

JEREMIYA 42:10

Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.

JOYIL 2:13

eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

AMUS 7:3

Ampeu no hi süchileve tsü: “Hi ye shipe moae,” ipi Ampeu no pive.

AMUS 7:6

Ampeu no hi süchileve tsü: “hi ghi shipe moae,” ipi Ampeu Alhou no pive.

JONAH 4:11

Imaye Ni ye mishighüna kuloghi Nineveh, khile timi lakh lakhi qhethonhe muku shou ani eno pichepighi ghi tijeje ani keno, tipaqo ghenguno amlosa moni keshea? Panongu ye pano u ajeu ngo piyiu ghi mtha kemie.”

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

Luke 11:32

Küghakütha tsala lo Nineveh phughimi no ithu no hipa tiqhelimi akipimi tsü nani, kughengu panongu ye Jonah shekushu lono xaidelue, ikemu julo, Jonah nguno akijeu kiuala hile ani.

Luke 15:20

Pa no ithu papu lau idewo. Ikemu pa no putou chephi lono papu no ithuluve no pa mlo saqhiyive, eno pa no anu lau posü wuno pa khadape müma.