JONAH 2:9 - Sumi Naga CL (Re-edited) Bible (BSI)

⁹ Ikemu I no shikimthikütsü sütsa pesü O lau aghakishi shini; I no kiu tushoqhive akeno ti tsüni. Xakulupu ye AMPEUw ke!”

BAIBEL (BSI)

⁹ Ikemu niye osheqhe shipilini; niye aghakishi pesu omlla nike eno ino piqhivekeu shini. Xaphekuluye AMPEU launo ighike!”

JONAH 2:9 Iomraidhean Croise

BOTHUBO 35:3

Tishino ningu ithu no Bethel lo iqhoni nolo, tishianguno Alhou khuu no I veküsa tsala lo I khochile tsü eno khile khilemu I gholo acheni keno, I no Pa lau akümlla-khache shiqheni.”

SAMUEL AKINIU 15:7

Ampe bidi thiu Absalom no akükau vilo pi, “Kimiyeno I pelo Hebron lo wuno I shoqhi khikhi I no Ampeu lau shipüani keno shikupulu pelo.

JOB 22:27

Nono Pa lau akighini shikelo Pa no chilutsü nani eno o shoqhi shikeu shikupulu nani.

LESHELE 107:22

Eno panoqo pelo shikimthikütsü ghakishi mlla pelo, eno alokivi le vecheo Pa kümlaqo pitsü pelo.

LESHELE 27:1

Ampeu no I küvü eno I xakuluu; ni ye khuu msaighüni kea? Ampeu no I küxü lo sükusho-a ke; ni ye khuu msani kea?

LESHELE 3:8

Xakulu ye Ampeuw ke; Ow kükümgha ye Ow timiqo shou apelo!

LESHELE 50:14

Shikimthikütsü ghakishi pesü Alhou mlla lo, eno Akughushuu lau o shoqhi shikeu shikupu lo,

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

LESHELE 68:20

Ni Lhou ye xakulu Lhou ke, akithi lono xalu chekeu ye Ampeu, Alhou lau ani.

LESHELE 95:2

Shikimthi keu pesü ningu Pa zülo wuni; Pa lau shekiqhe le phepe alokivishi ighani nolo!

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

HOSIYA 14:2

Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

John 4:22

Nongu no kiu mlla cheni keno nongu ye mthae, ikemu ningu ye nino mlla chekeu ithi ani, kughengu xakulupu ye Jewmi launo ke.

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

ZAKINIU 23:18

Nongu ye kütüqha keu lono iloghi keu pisa pesü ashoqhi kümllagho shi Ampeu nongu Lhou kilo iloghi moni, kughengu hi ye Ampeu nongu Lhou zülo aphikümqhüpu ke.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

Piyeküsü 7:10

eno asütsa vekipighi igha, “Xakulupu ye Khuu kükalakhü lo iqa ani keno, Pa eno Ambeti u lo anie!”

SAMUEL ATUGHIU 12:21

Eno abokümsa thime kiumu ala küha eno xamlani keu pape kevilo, kughengu tipaqo ye abokümsa ke.