JONAH 1:6 - Sumi Naga CL (Re-edited) Bible (BSI)

⁶ Ikehu zükilu kepten no ighi no pa vilo pi, “No ye kushiye zü ani kea? Ithulo, o lhou kulo! Ishiake alhou no ningu kümsülu no ningu püha tsümo luvike.”

BAIBEL (BSI)

⁶ Tileno keptein no pa ithuluno pa kuda ghi pi, “Noye kiu shiepi zuani kya? Ithulo eno olhou pelo kuphu penike khulo. Ishiake paye nighenguno amlo sa puzu nikuxu puhatsumo luvike.”

JONAH 1:6 Iomraidhean Croise

SAMUEL AKINIU 12:22

Pa no pi, “Kughou anu no xü akeno, I no kümvü eno qa ae, kughengu I no pi, ‘Ampeu no küpükini I piye no anu püxü tsünike khuu no ithi ani kea?’

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

LESHELE 107:6

Tithiu panoqo ghime lono panongu no Ampeu lau qae, eno panoqo ghime kitikhi lono Pa no panongu xaphe luve.

LESHELE 78:34

Kughou Pa no khami pithive keno, panongu no Pa phuighi; Panongu no xaide no amlo tsüqhiyi Alhou phuighie.

ISAIAH 3:15

Kiu kiqi lono nongu ye Iw timi chunuqhi, kumlhomi gi nedape chisheqhi ani kea?” ipi aqokitikhi MPEU no sheshu ani.

EZEKEL 18:2

“Israel yeghi lo aholetsa hi, ‘Apunoqo no atsaithi kiqhi chu, eno anuliqo no ahu müqüe’ ipi pi-ide chekeu ye kiu kiqi kea?

JOYIL 2:11

Ampeu no Paw ghüshimi zülono asheshu, kughengu Paw ghüshimi ghazü ye shishe kijeke; Khuu no Pa tsa pecheni keno Pa ye aküka kumtou ke. Kughengu Ampeu tsala ye kije eno shishe aküighüpu; khuu no ti puqhelu nani kea?

AMUS 5:15

Alhoksa mithi eno akivi kimiyelo, khagho lo achipiu xakütha puthuphelo; tishi aye Ampeu, aqokitikhi Lhou no Joseph lagha lo ghükulumi kimiyeqhiyi lunani.

JONAH 3:8

ikemu timi eno tüghashi ghi yeqhiyephi pepuni, eno Alhou lau akumtoshi ighamkuni. Kümtsü no paw küsakügha laghi eno kütsakungo keu lono xaideghi lo.

JONAH 3:9

Khuu no ithi ani kea? Alhou ye xaide luvi eno Pa yiküsa mlokighide süchile luvi, tishi keu lono ningu ye pühamo luvike.”

Apostolmi 21:13

Paul no khochile, “Nongu ye kushiye mloqa no I mlo shikighime tsü ani kea? Kughengu ni ye Ampeu Jisü je ghenguno akughu shinike likhi kumono Jerusalem lono thiveni keu ghi kutope anie.”

Rommi 13:11

Hinguno alau nongu no ado-ghuloki ithi anino itehi nongu ye züida thughive kepu do ighivae. Kughengu xakulupu ye püzüu ningu no atüghü lo pülülu kelo nguno itehiu no kupunukhoi ighivae.

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”