JONAH 1:4 - Sumi Naga CL (Re-edited) Bible (BSI)

⁴ Ikemu Ampeu no azüghi lo amülhü kije puwu eno pasapagha no ihulo azüghi lo ighive, ikehu zükilu ye ipo niye shive.

BAIBEL (BSI)

⁴ Ikemu AMPEU no amlhu kuloghi lakhi azughilo mulhu puwu, ike azughilo pasapagha ihulokeu shive eno zukilu ipopinyive keputoi akumsapu shive.

JONAH 1:4 Iomraidhean Croise

LESHELE 135:6

Atsütsü lo eno ayeghi lo, azüghi lo eno akuthoku lo Ampeu no kiu pulo keno Pa no shi cheni.

LESHELE 135:7

Pa no khüngküsü pelo ayeghi shekhau no ikughipe cheni, Pa no tsütsüpha mlake, eno amülhübo lhaphe cheni.

LESHELE 148:8

ami eno apüghü, mürasü eno khüngküsü, pasapagha mülhü hipaqo ye Pa tsa shikupu akeu ke!

IPEKULU 10:13

Ikehu Moses no pa küsü Egypt yeghi shou peqhe, eno tipani putho pucho kupuju Ampeu no kipela mülhü ayeghi tipau shou süghie. Kughou inaqhe shi keno, kipela mülhü no tülhaquqo süghive.

IPEKULU 10:19

Ampeu no amülhü pesü ighono akümka kulola mülhü shivetsü, tino tülhaquqo fusasü Akuhu Züghi lo süve tsü. Egypt ghakhu kümtsü lo tülhaqu lakhimu kühave.

IPEKULU 14:21

Tileno Moses no azüghi shou pa u chhophe, eno Ampeu no puthotsü kipela mülhü kümka pesü azüghi fuchile puwove tsü, eno azüghi pesü qhaike yeghi shive tsüno azü kijethave tsüe.

IPEKULU 15:10

Nono O mülhü puwu; azüghi no panoqo küzüluve; aküsayi toi panoqo ye akughushu züghi lo itsüilove.

JEREMIYA 51:16

Pa no atsa pi aye, atsütsü lo azü no mqhu ipeghi cheni, Pa no ayeghi shekha no atsüzü ipeghipe cheni. Pa no tsütsüghu ghenguno tsütsüpha mla cheni; Pa no hekütsü püakeu ki lono amülhü süghi cheni.

AMUS 4:13

Kughengu julo, naghuto ngo amülhü lhophe keu, Pa kükümsü timi lau lheqhi keu, inaqhe pesü aküzü kughulhove, eno ayeghi kuchuqu lono chewu chekeu, Pa je ye Ampeu, aqokitikhi Lhou ke!

AKIKIHI 11:31

Tithiu Ampeu launo amülhü ighi, eno tino azüghi lono atsüngü süghi no aghazü hokümxa lo a-a qhakuchho puchopuju lache qhemishi nhakhape ikiqighive, eno ayeghi lono auxakuchho lakhi qhau qheiku ngove.