John 9:39 - Sumi Naga CL (Re-edited) Bible (BSI)

³⁹ Jisü no pi, “Küghakütha ghenguno ni ye hipa yeghi lo ighi, tishianguno ithumla no akemi pelo ithulupe eno ithulu akemi pelo anhethi icheve peniye ke.”

BAIBEL (BSI)

³⁹ Jisu no pi, “Kughakuthapu ghenguno niye ayeghi hipaulo ighie, tishianguno anhethi kighichemi pelo ithulupe eno ithulu akemiqo pelo anhethi icheve peni kehue.”

Sümi Tiqhelimi Bible

³⁹ Jisü no pi, “Küghatha nike ghenguno ni ye ayeghi hipau lo ighike, tishianguno anhethi kighichemi pelo ithulu pe eno ithulu akemi pelo anhethi kighichemi shive peniye ke.”

John 9:39 Iomraidhean Croise

ISAIAH 29:10

Kughengu Ampeu no züchei keu ghungu nongu shou pukuvae, nongu tungkupmi nhethi kiyikhave tsüno nongu kütsü nhave tsüae.

ISAIAH 44:18

Timi tipaqo ye panongu no kiu shi ani keno mthae eno vethalu chemoe; kughengu panongu nhethi nhavetsü kehu ithumla eno panongu kükümsü nhavetsü kehu vethamla ke.

ISAIAH 6:9

Pa no pi, “Wulo, eno timi hipaqo vilo pilo: “‘Ini-ni alo, ikemu vethamlae; ju-ju alo, ikemu ithumlae.’

EZEKEL 12:2

“Timi nu, no ye hekibide kibo lo xüanie. Panongu ye anhethi animu ithulu chemo, akini xapu animu chilu chemoe, kughengu panongu ye hekibide kibolomi ke.

MATTHEW 11:5

anhechemi no ithulu ani eno apukhu kighichemi no ala chelu ani, apüghami shikimthelu ani, akini kughupomi no chilu ani, kithimi xüputhu ani, eno atsakiviu pesü sheshu kelo kumlhomi no ikhilu ani.

MATTHEW 15:14

Palokuto lo; panongu ye anhethi kighiche lapiyemi ke. Anhechemi no anhechemi saphe aye, pama kinikujo aqo lo ilove nani.”

MATTHEW 6:23

ikemu o nhethi no alhoksa shiaghi aye, o phimpi kuchopu aküzü likhive nani. Tishiaye o lolo aküvü akeu huno aküzü shive aye, kishita aküzü kije shinia kelae!

Luke 1:79

aküzü eno akithi yekükhü lo akeqo lau aküvü tsü nani, eno aloino keu laghi lo ni pukhu kichetsü ghi wu nani.”

Luke 13:30

Julo, khunono ashekhami keno atüghümi shive nani, eno atüghümi no ashekhami shive nani.”

Luke 2:34

Simeon no panongu kümgha tsüno anu paza Mary vilo pi, “Jualo, anu hipau vecheo Israel lo timi kutomo ikiqive eno kutomo ithughilu, eno timi no mjochile kepu michipu shi penike pa puwu ani,

Luke 4:18

“Ampeu Ghungu no I shou ani, kumlhomi lau asütsa kivi sheshu penike Pa no I nukishe. Pa no I puwu keu ye akughumi lau khakiqhi sheshu; anhechemi lau ithukulu tsü; nedaqodape akemi kuqhophe;

Luke 7:21

Tipa tüqhüdo lo Jisü ye aküsü jeli, püsa, eno aghawu lhoksa no sa-a kemi kutomo shipivi ae, eno anhechemi kutomo lau ithukulu tsüae.

John 12:31

Itehi ye hipa yeghiqha shou küghakütha ghulokiae, itehi ye hipa yeghiqha yepeu haphe kepu ghulokiae.

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

John 3:17

Kughengu Alhou ye ayeghi lomi shou küghathabeni ye Pa Nu puwuke kumoe, ikemu Pa vecheo ayeghi lomi xalu niye ke.

John 3:19

Küghakütha ye hike: ayeghiqha lo aküvü ighivae, ikemu timiqo no aküvü kimiye ke kumono aküzüu kimiyeve, kughengu pano kümla no küsakügha ke.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

John 8:15

Nongu ye ashi lono küghatha cheni; ni ye khuu shoumu küghatha chemoe.

John 9:25

Pa no pi, “Pa ye axinemi kemo keno ni ye mthae. Thime lakhi I no ithi ani, ni ye anhethi iche ache ikemu itehi ni ye ithuluvae.”

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

2 Kor. 2:16

pühave akemi lau ningu ye akithipu xokütsüngü, xaluve akemi lau ningu ye aküxüpu axokütsüngü ke. Khuu no hipaqo shikulupu kupukülai ani kea?

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

2 Thes. 2:10

eno kixikila pishikiqhi jeli pesü pühave niye akemi pishiqhi nani, kughengu panongu no kuchou kimiye no xaluve peni keu milive ke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 John 2:11

Ikemu khunono pa thiküzümi mithi cheni keno pa ye aküzü lo ani, aküzü lo checheni eno khilau wucheni keno ithi chemoe, kughengu aküzü no pa nhethi kighicheve tsü ake.