John 9:31 - Sumi Naga CL (Re-edited) Bible (BSI)

³¹ Ningu no ithi anike Alhou ye axinemi tsa initsü chemoe, ikemu khunono Alhou mlla eno Pa pulou shi cheni keno Alhou no pa tsa initsü cheni.

BAIBEL (BSI)

³¹ Ningu kumtsuno ithi anike, Alhou ye axinemi tsa initsu chemoe, ikemu khunono pa qhoqhu cheni eno pa pulou shicheni keno Alhou no tipano tsa initsu chenie.

Sümi Tiqhelimi Bible

³¹ Ningu no ithi akeu no Alhou ye axinemiqo kighini chilutsü chemoe. Pa ye khuno no Alhou sümsa no pa gholu cheni keno tipaqo kighini chilutsü chenie.

John 9:31 Iomraidhean Croise

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

JOB 35:12

Panongu no ighamku anamu alhoksami qheküza ghenguno Pa no khochile moe.

JOB 35:13

Kuchou no Alhou ye abokümsa ghügha initsü chemoe, Akughushuu ye ti kihi chemoe.

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

LESHELE 106:23

Tighenguno Pa no panoqo kütsaveni ipi— Paw kishekiphe qeu Moses no Pa zülo puthugho moke aye, Pa loghu no panoqo kütsave niye akeu süchile mlani cheke.

LESHELE 143:10

O pulou shinike I shika piyelo, kughengu No ye I Lhou ke! O Ghungu kivi no müdüniyi keu aqa yeghi lo I sache pelo!

LESHELE 145:19

Pa sümsa chekemi no kümsü pulo keu shikupu tsücheni; Pa no pano sütsa chilu no xalu cheni.

LESHELE 18:41

Panongu no kuphu penike ighae, ikemu khunomu xalu moe; Ampeu lau igha kemu Pa no khochile moe.

LESHELE 40:8

O I Lhou, O gho-apulou shinikeu no I züküvüe; O yezah ye I mlo lo anie.”

LESHELE 99:6

Moses ngo Aaron ye Pa chinemi ke, Samuel ghi Pa je ku inikhu chekemi dolo lakhi ke. Panongu no Ampeu je ku, eno Pa no panoqo khochile.

AHOLE 15:29

Ampeu ye kixikilami launo putosüu ani ikemu Pa no akivimi kighini chilutsü cheni.

AHOLE 21:13

Khunono kumlhomi sütsa initsü moni keno kutou pa no ku kelo pa sütsau ghi khochile tsümo nani.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

ISAIAH 58:9

Tileno nongu no ighamku nani eno Ampeu no khochiletsü nani, nongu no ku nani eno Ampeu no pinani, “Ni hile ani.” Tsala nongu no kuokhasü nongu dolono ikhi süwuve aye, eno kütami nguku keu ngo kixikila tsa pikeu ikhive aye,

JEREMIYA 11:11

Tighenguno, Ampeu no ishi piani, Julo, I no amhekiqi panongu shou süghini cheni eno panongu ye pomla nani. Panongu no I lau ighamku namu Ni ye panongu sütsa inimo nani.

JEREMIYA 14:12

Panongu no kümvü anamu Ni ye pano sütsa inimo nani, panongu no akipti kümllagho eno athi kümllagho tsünamu I no tipaqo ikhilumo nani. Ikemu I no püqümiye ngo azütakikihi eno püsa pesü panongu kütsale nani.”

JEREMIYA 15:1

Ampeu no I vilo pi, “Moses ngo Samuel pama no I zülo puthugho püaghi namu, I mlo ye timi hipaqo lau tsüghü ighimo nani. I zülono panongu hapheve no puwuve lo!

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

MICAH 3:4

Tileno panongu no Ampeu lau qasü ighi nani, ikemu Pa no khochilemo nani; tipa ghuloki lo Pa no panongu launo Pa gi küsüve nani, kughengu panongu no küsakügha kümla shive ke.

ZEKHARIA 7:13

“I no ku akeghi panongu ye chilu move, ikehu panongu no ku kemu I no chilu tsümove,” ipi aqokitikhi Mpeu no pi,

John 11:22

Ikemu itehimu I no ithi anike nono Alhou vilo kiu kiumu khuaye Pa no o tsü nani.”

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

John 4:34

Jisü no panoqo vilo pi, “I chuqupu ye khuu no I puwu keno Pa pulou shini keu eno Pa kümla shiqhive tsüni keue.

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

John 9:30

Timi huno khochile, “Ya, ti ye akichiqhie! Pa ye khilano ighi keno nongu ye mthae, ikeghi pa no I nhethi xükhove tsüe.

John 9:32

Ayeghiqha lhoke khunomu apunu lono anhethi iche kemi nhethi tsükho luvepe keu chimla aphie.

ZAKINIU 1:45

Nongu no ideighi no Ampeu lau mloqa, ikemu Ampeu no ini tsümoe.

IBRIMI 10:7

Tileno I no pi, ‘O Alhou, liküküzü kaku lo I ghenguno yepüake toi ni ye O pulou shinike ighivae.’”