John 9:22 - Sumi Naga CL (Re-edited) Bible (BSI)

²² (Pa puaza ye Jewmi msake ghenguno hipatsa pike, kughengu Jewmi no khukhumu Jisü ye Khristo kepi piphe keu ye sinagog lono hapheveni keu shi xathave ke.)

BAIBEL (BSI)

²² Pa puazano hipatsa pikeuye kutau kumono panonguye Judami musaveke, kughengu Judamino xatha pe puakeuno timi khuno Jisu ye Khristo kepi pipheni keno Sinagog lono timi tipau haphevenikeu shiae.

Sümi Tiqhelimi Bible

²² Anhethi kighicheu pù-aza ye Jewmi sakiphemiqo kümsà lau no hi pike, kughengu Jewmi sakiphemiqo ye azüu no khukhumu Jisü ye Messiah kepi ikhilu kemi ye synagog lono hapheve nikeu shi xakütha shipepüa ke.

John 9:22 Iomraidhean Croise

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

ISAIAH 57:11

Nongu ye khuu ju püzü msave keno, I lau miki, I kümsümave, eno amlo lo qhimove kea? I no ado kushuo inaqhoi kutuu pesü ngove keghi, nongu ye I msa mono anike kumo?

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

John 1:19

Kughou Jewmi no Jerusalem lo achinemi ngo Levimi puwu no John vilo, “No ye khuu kea?” ipi ighiju keno, John no hitoi ashepe shi,

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

John 19:38

Hipa thiu Arimatheami Joseph no Jisü kumo pewuve nike Pilate qhüiniju, pa ye Jewmi msa kehu küsüuno Jisü khopemi shiche, eno Pilate no pewu penike azah tsüve kehu pa no ighi no pewuve.

John 20:19

Tipa tsalani avelau Jewmi msa kehu akhopemi ye ahukikha khaveno ngo akelono Jisü no ighi no panongu gholo puthughove eno pi, “Nongu gholo aloino keu alo.”

John 7:13

Ikemu Jewmi msa kelauno khumu pekiphe shi pa ghili küptsamoe.

John 9:18

Jewmi no timi tipau puaza kusaghi moke kutolo pa ye anhethi iche ache no tsükholu kepi pülü tsümo

John 9:21

Ikemu itehi pa ye kishino ithulu, momu khuu no pa nhethi xükhotsü keno ningu ye mthae. Pa ye kichimi shive ake pa vilo ighiju lo, pa ampi no pi nani.”

John 9:34

Panongu no pa khochile, “No ye axine lo punusü püani püzü nono ningu shikani kea?” Tishino panongu no pa hapheve.

John 9:35

Panongu no pa hapheve keu Jisü no chilu, eno pa phulu kelo Jisü no pi, “No ye Timi Nu shou pülübe anima?”

Apostolmi 4:18

Ikehu panongu no pama kuno Jisü je lono khilemu timi pütsa eno kütsü kevi lopi azah tsüve.

Apostolmi 5:13

Kütami ye panongu gholo kuloji moe, ikemu timiqo no shishe panongu pipivi ae.

Apostolmi 5:40

Panongu no apostolmi kusü no küghape heqhi püzü khilemu Jisü je lono timi pütsa kevilo pi mtotoi azah tsüve no puwuve.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”