John 9:16 - Sumi Naga CL (Re-edited) Bible (BSI)

¹⁶ Phariseemi khami no pi, “Timi hipau ye Alhou launo ighimoe kughengu pa ye Sabbath yezah hebide ke.” Ikemu kütami no pi, “Axinemi lakhi ye kishino amchipu hipaqo shiluni kea?” Eno panoqo dolo kijetha ipeghive.

BAIBEL (BSI)

¹⁶ Farisimi khamino pi, “Timi khuno hipau shikeno paye Alhou launo ighikemi kumoe kughengu paye Sabat yezah hebideke.” Tishimu khamiye ishipi, “Timi axinemi lakhiye kishi puzu amchipu hipaqo shiluni kya?” Tilehi panoqo gholo kuqhakumla ipeghive.

Sümi Tiqhelimi Bible

¹⁶ Phariseemiqo khami no pi, “Timi hipau ye Alhou lau no ighi kemi kumoe, kughengu pa ye Sabbath tsalà ikhilu amoe.” Ikemu kütamiqo no iniju, “Kíshi no axinemi lakhi ye amichipu kümlà hitoi keqo shilu nani kea?” Ikehu panongu dolo kijethave.

John 9:16 Iomraidhean Croise

MATTHEW 12:10

Tile au kithimi lakhi aghi. Timiqo no Jisü nguku no akipimi tsünike pa vilo iniju, “Ayezah kiqilo Sabbath loye shipivilu nani kema?”

MATTHEW 12:2

Ikemu kughou Phariseemi no ti ithulu keno, panoqo no Jisü vilo pi, “Julepi, Sabbath khuaye lo kiu ani keno o khopemi no ti hebide ani.”

Luke 13:14

Ikemu Jisü no Sabbath lono shipivie pikeu huno sinagog yepeu gha shikighidepe timiqo vilo pa no pi, “Akümla shikepu aghi keu ye atsala tsügho dolono mla cheni. Sabbath tsala lou no kumono tipaqo tsala lou no ighi no shipivi lulo.”

John 10:19

Atsa hipaqo ghenguno Jewmi dolo itaghi kijetha ipeghive.

John 14:11

Ni ye Apu lolo ani eno Apu no I lolo ani kepi I pülülo, tikumo aye akümla hipaqo ghengu likhi nomu pülülo.

John 15:24

Khunomu shichemo keu kümla I no panongu gholo shimo keaye panongu ye axine shikeu küküqü kühani cheke, ikemu itehi ye panongu no ithuluve akehu, ni eno I Pu nikujo mithi ani.

John 2:11

Jisü no amchipu kümla shikeqo gholo hi Galilee cheaxü Cana lo shikeu no atüghüu, eno hileno pa juküvü pephe piye; eno pa khopemi no pa pülüve.

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 5:10

Ikehu Jewmi no timi viluve keu vilo pi, “Ishi ye Sabbath ke o züaphi pesü chekeu ye ayezah lo kühae.”

John 5:36

Ikemu I no ashepe akeu ye John shepe nguno akijeu ke. Kughengu Apu no I pelo mlakupu peniye I tsükeu, akümla khikhi I no shiani keno, tipaqo no Apu no I puwu kepi thopi shiani.

John 6:52

Tile Jewmi dolono kighe thuve, “Timi hipau ye kishi püzü ningu pelo chu penike pa shi tsüni kea?”

John 7:12

Timiqo gholo pa ghili chhuchhushi kügha ae. Khami no, “Pa ye timi kivimie,” ipi aye kütami no, “Moe, pa ye timi saküghüzü ani,” ipiae.

John 7:23

Moses Yezah hebide moniye Sabbath lono anu phighü yiko gha cheni aye, kushiye Sabbath lono I no timi shipivike ghenguno nongu ye I shou amloide ani kea?

John 7:43

Ikehu pa ghenguno timiqo dolo amqo kijetha ipeghive.

John 9:24

Ghuthu akiniu panongu no anhethi iche achekeu kuno pa vilo pi, “Alhou jepipi tsülo. Nino ithi anike timi hipau ye axinemie.”

Apostolmi 14:4

Ikemu mishighüna lo timiqo ye kijethave; khami no Jewmi gholo eno khami no apostolmi gholo süve.