John 8:55 - Sumi Naga CL (Re-edited) Bible (BSI)

⁵⁵ Nongu ye pa mthae ikemu ni ye pa ithi ani. Tsala I no ni ye pa mthae pi aye ni ye nongu toi kimkimi, ikemu ni ye Pa ithi ani eno Pa tsa pape cheni.

BAIBEL (BSI)

⁵⁵ Nonguye khilemu pa mtha aphie ikemu niye pa ithi anie. Tsala ino niye pa mthae ipiaye niye nongu hutoi kimkimi lakhiae.

Sümi Tiqhelimi Bible

⁵⁵ Nongu no pa mtha aghimu, ni ye pa ithi anie. Tsalá I no pa mtha ipi aghí aye, ni ye nongu toi akimikimi lakhi shini ake, ikemu ni ye pa ithi ani eno pa tsa lucheni ke.

John 8:55 Iomraidhean Croise

JEREMIYA 4:22

“Kughengu Iw timiqo ye küghüzümi; panongu ye Ni ithi amoe; panongu ye akükümsü küha keu tianuliqoe; panongu ye vethakulu kühae. Panongu ye alhoksa kümla lo alotsüe! Ikemu kishino akivi mlani keno panongu ye ithimoe.”

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

HOSIYA 5:4

Panongu kümla no lakhape panongu pelo pano Lhou lau ideighilu peamoe. Kughengu asalha ghawu no panongu lolo ani, eno panongu ye Ampeu ithi amovae.

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

John 1:18

Khunomu Alhou ithulu mphi; ikemu Anu khuu Pa likhi, eno Apu phivilo acheni keno, Pa no Alhou julho pephe piyeve tsüae.

John 10:15

Apu no ni ithi eno I no Apu ithi aketoi ke; I no ambeqo ghenguno I küxü pephe tsüve cheni.

John 15:10

I no I Pu zakütsü papelu no Paw kikimiye lo kimepe ache ketoi, nongu no I zakütsü papelu aye Iw kikimiye lo anani.

John 15:21

Ikemu nongu no I laumi kehu panongu no nongu shou hi kümtsü shinani, kughengu panongu ye khuu I puwu keno Pa mthake.

John 16:3

Panongu no Apu mu ni mu mtha kehu hipaqo shinani.

John 17:25

O amikucho Papu, ayeghiqha no O mtha namu I no No ithi ani, eno Nono I puwu kepi hipaqo no ithi ani.

John 6:46

Tipau kiqi ye khuu no Alhou launo ighi keno, pa likhino Apu ithuluve ake thono kümtsü noke kumoe.

John 8:19

Ikehu panongu no pa vilo pi, “O pu ye khile ani kea?” Jisü no khochile, “Nongu ye ni eno I Pu mu mthae. Nongu no ni ithike aye I Pu ghi ithini cheke.”

John 8:29

Khuu I puwu keno Pa no I gholo ani, Pa ye I likhi qhive mphie kughengu I no alhokuthu pa lokiqipu shi acheni.”

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

John 8:51

Kuchou no I no nongu vilo piani, khuu no I tsa peluni keno pa ye khilemu thimo nani.”

John 8:52

Jewmi no pa vilo pi, “No ye tüghami o lolo anie pi itehi ye nino ithivae! Abraham ye thivae, eno tungkupmiqo ghi thivae, ikeghi nono, ‘khuu no I tsa peluni keno khilemu akithi michemo nani’ ipi ani.

Apostolmi 17:23

Kughengu I no iqhoiqi nongu julho kümllaqo jukelo, akiptia lakhi lo ishi yepüa keu ithulue: ‘Ithikümla lhou lau.’ Tighenguno nongu no ithi mono mlla chekeu hu I no nongu lau sheshu ani.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

1 John 1:6

Tsala nino aküzü lo cheche pülaghi ningu ye Pa gholo kuposhu chenie pi aye, ningu ye miki ani eno kuchou pesü xüchemoe.

1 John 2:22

Tishiaye, khuu no Jisü ye Messiah ipikeu milive cheni keno, timi tipau no akimkiu thono khuu no kea? Khuu no Apu eno Anu milive cheni keno, pau no kichileu Khristo ke.

1 John 2:4

Khuu no “Ni ye Pa ithitoi ani” ipi ani kemu Pa zakütsü pemoni keno pa ye kimkimi, eno pa lolo kuchou kühae,

1 John 5:10

Khukhumu Alhou Nu shou pülübe keu ye pa lolo hipau shepe ani. Khukhumu Alhou shou pülübemo keu ye Alhou pesü akimkiu shive tsüae, kughengu Alhou no Pa Nu ghenguno ashepe shikeu pa no pülübemo kehue.

Piyeküsü 3:9

Julo, Satanw sinagogmi khunono kumomu Jewmi kepi pishiqhi cheni keno, I no panoqo pelo o zülo ighi no o pukhu philo itsaqi penike jualo, tileno panongu no Ni ye o kimiye cheni pi ithi nani.