John 8:37 - Sumi Naga CL (Re-edited) Bible (BSI)

³⁷ Nongu ye Abraham laghami kepi I no ithi ani, ikeghi nongu lolo I tsa ngokepu küha kehu nongu ye I pithini ke phucheni.

BAIBEL (BSI)

³⁷ Nonguye Abraham laghami kepi ino ithi ani, ikeghi nonguye ipithiveniye iphue, kughengu nonguno ino pikeu tsa nongu lolo ilopenishimoe.

Sümi Tiqhelimi Bible

³⁷ Nongu ye Abraham tikughukomiqo kepi I no ithi anie. Tishi keghi nongu ye I pìthíve nikeu laghi phu anie, kughengu I tsa ghenguno nongu lolo a-a küha ke.

John 8:37 Iomraidhean Croise

MATTHEW 13:15

Kughengu timi hipaqo mlo ye kiumu shikalu moae, pano kini ye ini kushughivae, pano nhethi ye miyi luvae, tikumo aye pano nhethi no ithulu, pano kini no chilu, eno pano mlo no ithikuthulu no tsüghü ighi kelo I no panoqo shipivilu nosa kehue.”

MATTHEW 3:9

Eno kümsükuju lono, ‘Abraham no ningu papu,’ ipi nongu ampi vilo kevilo, kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

John 10:31

Jewmi no itaghi atu ikhipe pa veqhi niye shie.

John 11:53

Ikehu tipani no panongu ye Jisü pithiveni ke kuchughu thuve.

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

John 7:1

Hipa thiu Jisü ye Galilee qha kümtsü itsü wuve. Pa ye Judea lo wumoe kughengu Jewmi no pa pithiveni ye phu ake.

John 7:19

Moses no Ayezah nongu tsüke kumo? Ikeghi nongu khumu Ayezah pemlae. Nongu ye kushiye I pithiveni ke phu ani kea?”

John 7:25

Tighenguno Jerusalem lo khami no pi, “Panongu no pithiveni ye phuchekeu timi huye hike kumo keshea?

John 8:33

Panongu no pa khochile, “Ningu ye Abraham laghami eno khuno qüaxemi mu shimphi. Ike kishino no ye ‘Nongu khaqhiphe nani’ ipi ani kea?”

John 8:43

Kushiye I no pi akeu nongu ye vethamla kea? Ti ye nongu no I no pikeu tsa inini shimo kehue.

John 8:56

Nongu pasü Abraham ye I tsala ithuluni chenie pi alovi che, eno pa no ti ithulu no amlokiqi shie.”

John 8:59

Ikelo panongu no pa veniye atu ikhilu, ikemu Jisü no itshüve no achineki lono ipeve.

John 8:6

Panongu no pa vilo hipa tsa pikeu ye pa peju no akipimi pa shou beniye ke. Jisü no pishiqhope pa uloti pesü ayeghi lo yepuku.

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

Rommi 9:7

eno Abraham polo kughukomi shi aghi kehu kümtsü no pa tianuli ke kumoe, ikemu “Isaac vecheo ighi kemiu no o polo kughukomi kepi kihini,” ipike.

1 Kor. 2:14

Ashilo küxümi ye Alhou Ghungu launo ighikeu ikhilu chemoe, kughengu ti ye pa ghenguno mbomzü ke, eno tipaqo ye aghungu lono kimchilu cheni kehu pa ye tipaqo vethalu chemoe.

1 John 2:14

Apunoqo, ni ye nongu lau ye ani, kughengu nongu no abothu lono acheghi keu ithi anike. Lhothemiqo, ni ye nongu lau ye ani, kughengu nongu ye mtotoi ani, Alhou tsa no nongu lolo ani eno nongu no alhoksau theqhilu ke.