John 8:11 - Sumi Naga CL (Re-edited) Bible (BSI)

¹¹ Li no khochile “Ampeu, khumu kühavae.” Tile Jisü no pi, “Imaye ni ghi akipimi o tsüamoe; wovelo, eno axine shikithe kevilo.”

BAIBEL (BSI)

¹¹ “Akijeu, khumu kuhavae” ipi lino khochile. Tileno Jisu no pi, “Imaye nighi akipimi otsumoe. Wovelo eno axine shikithe kevilo.”

Sümi Tiqhelimi Bible

¹¹ Li no pi, “Akijeu, khunomu tishimoe.” Ikelo Jisü no ishi ipi, “Tishiaye ni ghí O pipütha amoe. Wulo eno axiné shikithe kevilo.”

John 8:11 Iomraidhean Croise

JOB 34:31

“Khuana no Alhou vilo, ‘I no aghime xapu luvae; ni ye akumou shikithe moae;

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

Luke 13:3

Moe, I no nongu vilo piani; ikemu nongu no xaidemo kelo nongu kümtsü titoi pühave nani.

Luke 13:5

I no nongu vilo piani, kumoe; ikemu nongu no xaidemo kelo nonguu ghi kümtsü titoi pühave nani.”

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

Luke 15:32

O thiküzüu hipau ye thive kemu xüluvae; pa ye pühave no phuluvae, tighenguno aghulhu shi alovi akeu ye achipie.’”

Luke 15:7

Tihutoi I no nongu vilo piani, kungugha lo amikuchomi lhotoku-toku khuno müzülo xaidekulu avehupu shimoa keno, tipaqo ghenguno alovi keu nguno axinemi lakhi xaidelu keu lokiviu paje nani.

Luke 5:32

Ni ye amikuchomi kuniye ighike kumono axinemi pelo xaide peniye ke.”

Luke 9:56

Eno panongu no aphu kütau lo wuve.

John 18:36

Jisü no pi, “I yekipe ye hipa yeghi lo yekipe kumoe. I yekipe no hipa yeghi lo yekipe keaye, I küghape Jewmi u lo sümoni ye I khopemi no aghüshi aghini cheke. Ikemu I yekipe ye hipa yeghi lo yekipe kumoe.”

John 3:17

Kughengu Alhou ye ayeghi lomi shou küghathabeni ye Pa Nu puwuke kumoe, ikemu Pa vecheo ayeghi lomi xalu niye ke.

John 5:14

Athiuno Jisü no achineki lo timi hu ithulu no pa vilo pi, “Julo, no ye vivae! Hinguno hilau ye kiuala alhoksa o shou ighi pemoni ke axine shikithe kevilo.”

John 8:15

Nongu ye ashi lono küghatha cheni; ni ye khuu shoumu küghatha chemoe.

Rommi 2:4

Ikeo no ye Paw ivüilai keu, kutuukulu eno kheakulu kupukuno shi akeu huye xaidekulu lalo o sawu nike ghengunoe pi mthano küthathai ani kea?

1 Kor. 5:12

Kughengu ni ye kushiye ashoumi shou küghathabeni kea? Nongu ye akukuho alou akeqo shou küghathabe kelau kekumo?

ZAKINIU 16:18

“Ampeu nongu Lhou no nongu tsü akeu phughi kümtsü lo küghaküthami ngo hiyampemi alagha kiqi lono süküsü shipe qhilo, eno panongu pelo kuchou xakütha timiqo tsü pelo.

ZAKINIU 17:9

Levimi achinemi ngo tipa ghuloki lo khuu no küghaküthau shi hiyam peitha aghini keno tipaqo vilo pino panongu no xatha tsüni.

2 Peter 3:15

Alhou no alokütsü tsükeu kiqi lono nino kimiye chekeu athiküzüu Paul no nongu lau yepuwu ketoi ni Mpeu no kutuu tsükeu ye nongu xakulupu ghenguno kepi kihilo,