John 7:37 - Sumi Naga CL (Re-edited) Bible (BSI)

³⁷ Aghulhu tsala ashekhau, kümtsü nguno akhotou tsala lo Jisü no puthugho no ighamku pi, “Khukhumu tüghüthi aghi aye, I lau ighi no yelulo.

BAIBEL (BSI)

³⁷ Aghulhu shiakeulo atsala ashekhauno kumtsu nguno akhotou tsalake. Tipani Jisu no puthugho puzu ighamuku asheshu ghi pi: “Khukhumu tughuthi aghiaye, ilau ighieno yelulo.

Sümi Tiqhelimi Bible

³⁷ Tiqhitini pinedo ashekhau eno ajekipi tsalà lo, Jisü no puthugho no ighamuku pi, “Khukhumu tüghüthi kemi ye I lau ighino yelu pelo.

John 7:37 Iomraidhean Croise

NEHEMIA 8:18

Tsalakipetsü atüghüu tsala lono ashekha kutolo pa no Alhou Yezah kaku lono phisü. Panongu no apusho ghulhu atsala tsüni kutolo ikhilu eno akütacheni ye azah tsü püake toi, mishi no kumqolu.

LESHELE 143:6

I no O lau I u sükho ke; qhaike yeghi toi I ngulho no tüghüthi O phu cheni.

LESHELE 42:2

I ngulho no tüghüthi Alhou, aküxüpu Lhou phucheni. Kughono ni ye Alhou zülo wuluni kea?

LESHELE 63:1

O Alhou, No ye I Lhou ke; I no puloniqhiyi O phucheni; I ngulho no tüghüthi O laju ani; qhai eno aghime yeghi khile azü küha keno tile akeshi I phi-ashi no thiqhi O laju ani.

AHOLE 1:20

Alokütsü no alaghila lono ighamku ani, alhikishi-a lo li no asütsa süqhe ani;

AHOLE 8:1

Alokütsü no ku anike kumo? Vethakulupu kighithi no asütsa süqhe igha anike kumo?

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

AHOLE 8:3

mishiphu gizüu khagho phivilo puthughope li no ighamku ani:

AHOLE 9:3

Li no aphughi lo atoghiqo lono timiqo ku penike li qelimi puwu,

ALE KIMCHI 5:1

I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

ISAIAH 12:3

Nongu no alokivi shi xakulupu züpuki lono azü shophelu,

ISAIAH 40:2

Mükhano Jerusalem pütsalo, li ghime ye kishekhave no li kipimi peve tsüae, Ampeu no li xine jume küghüsü kini shino tsüve keu huno lukümkha shivae pi li vilo sheshulo.

ISAIAH 40:6

Asütsa lakhino pi, “Sheshulo!” I no pi, “Kiu tsa sheshuni kea?” Timi kümtsü atsüni ke, panow jukivi ye agha lo xamunu toike.

ISAIAH 44:3

Kughengu I no tüghüthi akeu yeghi lo azü leqhitsü nani, eno qhaike yeghi shou azüpuki qopipe tsü nani; o tianuliqo shou I no I ghungu lepuku nani eno o lagha shou Iw kükümgha puku tsü nani.

ISAIAH 55:1

“Khunono tüghüthi ani keno ighilo, azü hilau ani; khuu no pisa küha keno, ighilo, qhüchulo! Ighilo, ame sümono atsaizü ngo akichhizü qhülo.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

ISAIAH 58:1

“Ighamku lo, Süchile kevilo; afuko toi o ghügha süqhelo; Iw timiqo lau panongu xine shuphe tsülo, Jacob lagha lau panongu xine shuphe tsülo.

JEREMIYA 16:19

O Ampeu, I kumto eno I liwo, I veküsa tsala lo I kicheqho, ayeghi shekhau no shiyeqo no O lau ighi no pi nani: “Ni puasüqo ye akimki, ala küha keu ameküküha thimeqo kumo aye kiumu ighilu moe.

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

EZEKEL 47:9

Aghoki no khila qowuni keno, itikiche lhoxüqo no tile xüuve nani, eno tile akha ye ighono kutomo auve nani. Kughengu azü hipau no qowu akeu ye azüghi zü pelo tsüghükhüive peniye ke; tishikeu lono aghoki no qowuke-a lo thokha kümtsü xülu peniye ke.

ACHINE 23:36

Atsala tsüni dolo achuqupu kümllagho pesü Ampeu tsüni. Atsala akütacheu lono akimthe hoho shino Ampeu lau achuqupu kümllagho tsüni. Ti ye akimchi hoho kehu nongu ye kiu kümla mu shimoni.

ACHINE 23:39

“Aqhi akütsüniu atsala chighiapunguu lo nongu no ghile lupusü ighi luve kelono tiqhetini hipau atsala tsüni pinini. Atsala atüghüu ngo akütacheu ye akimchi kulhokiqhi shini.

MICAH 6:9

Ampeu sütsa no mishighüna lau ighamku—O je sümsani keu no kuchou lokütsüe: “Khuu no aküsü kutope qhikeno Pa huqhelo

ZEKHARIA 9:15

Aqokitikhi Mpeu no panoqo süsho nani, panongu no kütsale eno akighi lono atu kihi chekemi theqhive nani, panongu no atsaiji sho nani eno shomzü akeshi igha nani, akiptia chekuqo pütsüni ye akhu chhitoi akeshi nani.

AKIKIHI 29:35

Atsala akütacheu lo nongu ye akimchi hoho shini eno kiu kümla mu shimoni,

MATTHEW 11:28

Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

MATTHEW 3:3

Kughengu khaghi Isaiah tungkupu vecheo ishi pikeu ye pa ghenguno ke, “Yenguyi ke-a lo milakhi no ighamku ani: ‘Ampeu ghenguno ala kutolo; pa laghi müzüchoi shitsülo.’”

MATTHEW 5:6

“Achipiu mikucho ghenguno khunono müzü tüghü cheni keno akümghapue, kughengu panongu ye aghaqi qhiyilu nani.

John 1:23

Pa no pi, “Isaiah tungkupu no pipüa ketoi, ‘Ampeu laghi müzüchoi shitsülo’ ipi asayeqha lono ighamku keu sütsa huno nike.”

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 4:10

Jisü no li khochile, “Alhou no agho tsükeu nono ithi aghi, eno o vilo, ‘Azü I piyelo’ ipi akeu ithi aghike aye, no ye pa vilo aküxüpu zü khuniche eno pa no o tsüniche.”

John 4:11

Totimi huno pa vilo pi, “Akijeu, no ye azü shophe kepu kiumu küha eno azükikhe ye thonhei anike khilano aküxüpu zü süghini kea?

John 4:14

ikemu khunono I no tsükeu zü shoni keno, pa ye khilemu tüghüthi kithemo nani. I no azü pa tsükeu huno pa lolo lhokta küxü züpuki shi qoipeghi nani.”

John 5:40

ikeghi nongu ye aküxüpu ithuluni ke I lau ighi chemoe.

John 6:35

Jisü no panoqo vilo pi, “Ni ye aküxüpu shoke, khunono I lau ighini keno müzüthi monani, eno khunono I pülüni keno khilemu tüghüthi monani.

John 6:37

I Pu no I tsükeu kümtsü I lau ighi nani, eno I lau ighi keqo ni ye khilemu hapheve monani.

John 6:55

Kughengu I shi eno I ji no kuchou chuqu-kusho ke.

John 7:28

Ikehu Jisü no achineki lo shika akelono asheshu, “Nongu ye ni ithi ani eno I no khilano ighi keno ithi ani. Ikemu ni ye I gho-apulou lono ighi anike kumoe. Khuu no I puwu keno Pa ye kuchou eno nongu ye Pa mthae.

1 Kor. 10:21

Nongu ye Ampeu jukhu lo sho püzü tüghami jukhu lo ghi shomlae. Nongu ye Ampeu ghulhu lüpa lo chuno tüghami ghulhu lüpa lo ghi chumlae.

1 Kor. 10:4

eno kümtsü no aghungu lo zü yeke. Kughengu panongu no pano pape chekeu ghungu Tuqu lono azü yeke, eno Atuqu tipau ye Khristo ke.

1 Kor. 11:25

Tipaphi lono aghulhu thiu Pa no ajukhu ikhilu no pi, “Ajukhu hipau ye I ji pesü puloshoqhi kithe shikeue. Nongu no hi shoke kümtsü lo I kümsüchilelu ghi hi shilo.”

1 Kor. 12:13

Kughengu Aghungu lakhi lono ningu kümtsü aphimpi lakhi lo baptiz shisüe—Jewmi momu Greekmi na, aqüaxemi momu ghoshixümi namu—eno kümtsü pelo tipau Ghungu yelu peke.

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

Piyeküsü 21:6

Pa no I vilo pi, “Hi no tavae! Ni ye Alpha eno Omega, abothu eno ashekhau. Tüghüthi kemi lau aküxüpu züpuki lono I no ame lumono tsüni.

Piyeküsü 22:1

Tithiu kungumi huno aküxüpu zü ghoki, phuphushi Alhou eno Ambeti kükalakhü lono qoipeghi keu I piye,

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.