John 7:35 - Sumi Naga CL (Re-edited) Bible (BSI)

³⁵ Jewmi no panongu dolono pi, “Timi hipau ye khila wuniye anipi ningu ye pa phumla nanie piani kea? Pa ye Greekmi phughiqo lo Jewmi hapiyepighive keqo lau wuno Greekmi kütsüni ye ani keo?

BAIBEL (BSI)

³⁵ Judamiqono panongu dolono ishi piae, “Paye khilau wuveni cheni keno ninguye pa phumlave nani kepi anikya? Paye Grikmi phughi qolo Judami akeqo lau wupuzu Grikmiqo kutsuwuve nikeu shi ani kesha?

Sümi Tiqhelimi Bible

³⁵ Jewmiqo dolo lakhi no lakhi vilo ishi pi, “Timi hipau ye ningu no phu müla keu-a khila wuve niye kümsü ani kea? Pa ye niw timi Greekmiqo gholo apanaghave kemiqo lau wu no xü püzü Greekmiqo kütsü niye shi ani keshea?

John 7:35 Iomraidhean Croise

LESHELE 147:2

Ampeu no Jerusalem shiqhe cheni; Pa no Israelmi hapheve kemi hekütsü cheni;

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

ISAIAH 11:12

Pa no amchipu süqhepe shiyeqo kütüghü nani eno Israel ngo Judah lono haküghütsüve kemi ayeghi kobidi lono hekütsü saghi nani.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 56:8

Ampeu Alhou Khuu no Israelmi hapiyepighive keu hekütsü keno, Pa no pi ani, “Ti hekütsüpe qhive keqo nguno alau, itaghi I no kütami ghi panongu gholo hekütsü nani.”

ZEFANIA 3:10

Cush ghoki kukuu no I mlla chekemi, Iw timi apanaghave kemi no akümllagho süghi nani.

MATTHEW 12:21

eno pa je lono shiyeqo no lajube nani.”

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

John 12:20

Aghulhu lo Alhou mllani ye iqho kemi gholo Greekmi khami ae.

John 7:1

Hipa thiu Jisü ye Galilee qha kümtsü itsü wuve. Pa ye Judea lo wumoe kughengu Jewmi no pa pithiveni ye phu ake.

John 8:22

Ikehu Jewmi no pi, “Pa no, ‘I no khila wucheni keno nongu ye ighimlae’ ipi ani keke pa ye pa ampi pithiveni cheni keo?”

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 11:20

Ikemu panongu gholo Cyprus ngo Cyrene timi khami no Antioch lo ighi no Ampeu Jisü ghili pesü Greekmi vilo ghi sheshu.

Apostolmi 14:1

Iconium lo Paul ngo Barnabas pama no Jewmi sinagog lo ilo no thopi shikelo Jewmi ngo Jewkumomi kutomo no pülüluve.

Apostolmi 17:4

Panoqo gholo khami ye züluve eno Paul ngo Silas pama gholo küqhalu, titoi Alhou sükümsami Greekmi eno totimi sakiphemi kutomo no pama lau ighive.

Apostolmi 18:4

Sabbath atsütsü pa no sinagog lono kütsala no shika, eno Jewmi ngo Greekmi züiza niye pükapütsa che.

Apostolmi 21:21

Jewmi khunoqo Jewkumomi gholo acheni keno, nono tipaqo vilo Moses yezah pheve, pano nuli phighüyiko ghatsü kevi momu Jewmi khuaye pape kevilo pi shika chenipi khami no panongu vilo pi püani.

Apostolmi 22:21

Ikelo Ampeu no I vilo pi, ‘Wulo, kughengu Jewkumomi lau aghacheu I no o puwuni.’”

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

1 Tim. 2:7

Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

2 Tim. 1:11

Atsakiviu hipau hu pikülha penike I pesü akükütsüu, apostolmi eno shikükau shi süküsü shi,

James 1:1

Jisü Khristo qeu James no khunoqo apanagha hakiphive akeno, ashiaye chighikini lau ye ani. Petha tsü ani:

1 Peter 1:1

Jisü Khristow apostol Peter no Alhouw kishekiphemi khunoqo Pontus, Galatia, Cappadocia, Asia eno Bithynia lo haküghütsüpe ani keno panoqo lau ye ani.