John 7:28 - Sumi Naga CL (Re-edited) Bible (BSI)

²⁸ Ikehu Jisü no achineki lo shika akelono asheshu, “Nongu ye ni ithi ani eno I no khilano ighi keno ithi ani. Ikemu ni ye I gho-apulou lono ighi anike kumoe. Khuu no I puwu keno Pa ye kuchou eno nongu ye Pa mthae.

BAIBEL (BSI)

²⁸ Ike pano achinekilo kutsukelo asheshu ghi pi: “Nonguye kuchouno niithi ani eno niye khilano ighikeno ithi ani kesha? Ikemu niye ighopulou shi ighi anike kumoe. Khuno ipuwukeno paye kuchouke eno nonguye pa mthae,

Sümi Tiqhelimi Bible

²⁸ Jisü ye hi kutólo achineki khalau kütsü ake, ike pa no ighamuku pi, “Iyei! Nongu ye ni ithi anie, eno nongu ye I no khilau no ighi keno ithi anie. Ni ye I likhi iw kükagha lono hilehi ighiamoe, ikemu khuu I puwu keno pa ye kuchou ke. Nongu ye pa mthae,

John 7:28 Iomraidhean Croise

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 9:6

Qhasü keu no veqabe, eno pishikiqhi no veqabe, panongu no Ni ithini ke lachile ipi Ampeu no asheshu.

HOSIYA 4:1

Ampeu tsa inilo, O Israel tianuliqo, Ampeu ye aghakhu lo küami shou nguku kepu ani. Aghakhu lo Alhou ithitoi keu, pükhükulu momu iqemokeu kikimiye kühae;

HOSIYA 5:4

Panongu kümla no lakhape panongu pelo pano Lhou lau ideighilu peamoe. Kughengu asalha ghawu no panongu lolo ani, eno panongu ye Ampeu ithi amovae.

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 2:23

Pa no Nazareth ipikeu phughi lo xüsüve, tishikeu lono tungkupmi vecheo pa ye Nazarene ipi kunanie pi püakeu shikupuve.

MATTHEW 26:55

Tileno aqokitikhi vilo Jisü no pi, “Ni ye heqhi buqhi kemi toi nongu ye azütakikihi ngo asüthalu pesü I kügha niye ighi ani keshea? Ghulo atsütsü I no achineki lo iqa no kütsü anamu nongu ye I küghamoe.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

Luke 2:39

Kughou pama no Ampeu Yezah kiqi lono akhuaye kupuve keno, panongu no Galilee lo panow mishiphu Nazareth lo ideighive.

Luke 2:4

Joseph ghi David polo kughuko eno laghami kehu Galilee lo Nazareth mishiphu lono Judea ghakhu lo David mishighüna, Bethlehem ipi chekeu lo chesü iqho,

Luke 2:51

Tileno pa ye pama gholono Nazareth lo iqive no pama qhoqhü ache. Paza no hi kuchopu amlo lo süpuluve.

John 1:46

Nathanael no pa vilo pi, “Nazareth lono kiuala akivi ipeghilu nani keshea?” Philip no pa khochile “Ighi no julo.”

John 10:36

I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

John 12:49

Kughengu ni ye I kükagha lono pi püamoe, ikemu Apu I puwu keu no I no pikepu momu pimo kepu za I tsüpüani.

John 14:10

Ni ye Apu lolo ani eno Apu no I lolo ani kepi no ye pülü chemo keshea? I no nongu vilo pi akeu tsa ye I gho-apulou lono kumoe ikemu Apu I lolo achekeu no Pa kümla shi anike.

John 14:31

ikemu ni ye Apu no azah I tsüke toi shicheni, tishianguno ayeghilomi no ni ye Apu kimiye cheni kepi ithi peniye ke. Ithulo, ningu hileno wuveni.”

John 16:3

Panongu no Apu mu ni mu mtha kehu hipaqo shinani.

John 17:25

O amikucho Papu, ayeghiqha no O mtha namu I no No ithi ani, eno Nono I puwu kepi hipaqo no ithi ani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 3:33

Khunono pa tsape ikhilu keno Alhou ye kuchou kepi mtsüqhei ithivae.

John 5:32

I shepe shiakeu lakhi ani, eno pa no kiu I shepe shiani keno ti ye kuchou kepi I no ithi ani.

John 5:43

Ni ye I Pu je lono ighi ani, ikemu nongu no ni ikhilumoe. Tsala kütami no pa ampi je lono ighi aye, nongu ye pa ikhilu nani.

John 6:42

Panongu no pi, “Timi hipau ye Joseph nu Jisü, pa puaza ye ningu no ithi anike kumo? Pa ye kishino itehi ye ‘Ni ye kungugha lono iqighie’ ipi ani kea?”

John 7:14

Aghulhu ghuloki tüxa wove kethiu Jisü no achineki lo wuno kütsü thuve.

John 8:14

Jisü no khochile, “I no ni ampi shepe shi aghi namu, I shepe ye kuchoue, kughengu ni ye khilano ighi eno khila wucheni keno I no ithi ani. Ikemu ni ye khilano ighi momu khila wucheni keno nongu ye mthae.

John 8:16

Tsala I no küghatha namu, Iw küghakütha ye kuchou, kughengu ti ye I likhino küghatha anike kumoe, ikemu ni eno Apu khuu I puwu keno nikujo noke.

John 8:19

Ikehu panongu no pa vilo pi, “O pu ye khile ani kea?” Jisü no khochile, “Nongu ye ni eno I Pu mu mthae. Nongu no ni ithike aye I Pu ghi ithini cheke.”

John 8:26

Ni ye nongu ghili pikepu kutomo ani eno küghathabe kepu kutomo ani, ikemu khuu no I puwu keno Pa ye kuchou, eno Pa launo kiu chilu keno tipau pesü I no ayeghiqha lau sheshu cheni.”

John 8:42

Jisü no panoqo vilo pi, “Alhou no nongu papu keaye nongu ye I kimiyeni cheke, kughengu ni ye Alhou launo ighi eno ni ye hile ani. Ni ye I kutoshi no ighike kumoe ikemu Pa no I puwuke.

John 9:29

Ningu no ithi akeu no Alhou ye Moses pütsae, ikemu timi hupau ye pa no khilano ighi keno ningu ye mthae.”

Apostolmi 17:23

Kughengu I no iqhoiqi nongu julho kümllaqo jukelo, akiptia lakhi lo ishi yepüa keu ithulue: ‘Ithikümla lhou lau.’ Tighenguno nongu no ithi mono mlla chekeu hu I no nongu lau sheshu ani.

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

Rommi 3:4

Kiu gholau nomu kumoe! Ishi yepüake ketoi, kümtsü no kimkimi shivemu Alhou ye kuchou shi nani, “O shou küghathabe kelo nono tolu, eno o tsapi lono o pesü achipiu shilu peniye ke.”

2 Kor. 1:18

Alhou ye pükhükulupu ke ningu ye nongu vilo ghuthu khavino Iyei eno Moe pi püamoe.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

Titus 1:2

Kuchou kighithi hi no khilemu miki chemo keu Lhou no aghuloki huthu mphi züuno piqhi keu lhokta küxü lajupu panongu tsü nani,

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

1 John 5:10

Khukhumu Alhou Nu shou pülübe keu ye pa lolo hipau shepe ani. Khukhumu Alhou shou pülübemo keu ye Alhou pesü akimkiu shive tsüae, kughengu Alhou no Pa Nu ghenguno ashepe shikeu pa no pülübemo kehue.

SAMUEL ATUGHIU 2:12

Eli nuli pama ye ameküha kemi. Pama ye Ampeu ithi moe.