John 7:17 - Sumi Naga CL (Re-edited) Bible (BSI)

¹⁷ Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

BAIBEL (BSI)

¹⁷ Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

Sümi Tiqhelimi Bible

¹⁷ Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

John 7:17 Iomraidhean Croise

LESHELE 119:10

I mlo kuchopu pesü I no O phucheni; I pelo O zakütsüqo launo itsüsü wuvepe kevilo!

LESHELE 25:12

Khuu no Ampeu sümsa cheni kea? Pa no wukepu laghi ye Ampeu no kishetsü nani.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

AHOLE 28:5

Alhoksami ye kuchou xakütha vethalu chemoe, ikemu khunono Ampeu phucheni keno qhoi ithitoi ani.

AHOLE 3:32

kughengu Ampeu ye kühaküghami ju aphimqhü cheni, ikemu akümzümi pesü Pa mlokuchumi shicheni.

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

DANIEL 12:10

Kutomo no pano ampi shikimtheve no metsüghoi luve eno thakimthe luve nani, ikemu kixikilami ye kixikila shi anani. Eno kixikilami khunomu vethalumo nani, ikemu khunono alokütsümi keno panongu no vethalu nani.

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MATTHEW 6:22

“Anhethi no aphimpi lo akulu ke. Ikehu o nhethi no tsüghükhüi aye, o phimpi kuchopu aküvü likhi nani,

Luke 8:15

Ikemu khikhi ayeghi kivi lo ilolu keno, tipaqo ye Atsa chilu püzü panow kuchou eno akivi mlo lo tsatsai qhiluve chekemi, ikehu pano ye kheakulu shikeu lono axathi pithilu cheni.

John 3:21

Ikemu khukhumu kuchou shi chekemi no aküvü lo ighi cheni, tishianguno pa kümla ye Alhou pulou lono mla püanie pi mtsümishei ithulu cheni.

John 8:43

Kushiye I no pi akeu nongu ye vethamla kea? Ti ye nongu no I no pikeu tsa inini shimo kehue.

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

John 8:47

Khunono Alhou laumi keno pa no Alhou tsa chilu cheni. Nongu no chimla keu kiqi ye nongu ye Alhou laumi kumoe.”

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.