John 6:62 - Sumi Naga CL (Re-edited) Bible (BSI)

⁶² Imaye Timi Nu no Pa no püzüu acheke-a lo iku chekeu nongu no ithulu aye kishi nani kea?

BAIBEL (BSI)

⁶² Tishiaye, Timi Nu no puzuu pano khile achekeno tile ikuchekeu nonguno ithuluaye nonguye kishi nani kya?

Sümi Tiqhelimi Bible

⁶² Tishiaye tsalá Timi Nu no püzüu pa no achekeu-a lo ikuve keu nongu no ithulu aye kíshive nani kea!

John 6:62 Iomraidhean Croise

MATTHEW 8:20

Jisü no pa vilo pi, “Aghalo tsüqo ye atuki ani, eno aghauqo ye apüsü ani, ikemu Timi Nu ye khilehi mu pa kütsü belu kepu-a kühae.”

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Luke 24:51

Panongu kümghatsü ghi pa ye panoqo launo kütüta shisü kungugha lo saikuve.

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

John 3:13

Kungugha lono milakhi iqighi keu, Timi Nu thono khunomu kungugha lo ikuju mphie.

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

John 6:42

Panongu no pi, “Timi hipau ye Joseph nu Jisü, pa puaza ye ningu no ithi anike kumo? Pa ye kishino itehi ye ‘Ni ye kungugha lono iqighie’ ipi ani kea?”

John 6:53

Ikehu Jisü no panoqo khochile, “Kuchou no I no nongu vilo piani: nongu no Timi Nu shi eno aji chusho moke thaqhülo nongu lolo aküxüpu kühae.

Apostolmi 1:9

Pa no hipaqo pive kethiu, panongu zülono pa ye kunguu saikuve eno khüngküsü no panoqo nhethe lono pa sawuve.

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.