John 6:47 - Sumi Naga CL (Re-edited) Bible (BSI)

⁴⁷ Kuchou no I no nongu vilo piani, khukhumu pülü keu no lhokta küxü ani.

BAIBEL (BSI)

⁴⁷ Kuchouno ino nongu vilo pini: timi khuno pulu ani keno lhokta kuxupu ani.

Sümi Tiqhelimi Bible

⁴⁷ Kuchou no I no nongu vilo piani, timi khuu no pülüni keno pa ye lhokta küxü anie.

John 6:47 Iomraidhean Croise

John 11:26

eno khunono I gholo xüani eno I shou pülübe ani keno, pa ye khilemu thimo nani. No ye hi pülü anima?”

John 14:19

Ado kitila thiu ayeghilomi ye ni ithumlave nani, ikemu nongu ye ni ithulu nani. I no xü ani kehu nongu ghi xü nani.

John 3:16

“Kughengu Alhou no ayeghi lomi kimiye kütüke ghenguno Paw thili Nu pesü tsüve, tighenguno khunono Pa pülü keno pühave monani, ikemu lhokta küxü ithulu nani.

John 3:18

Khukhumu Pa pülü keu ye küghathabe movae; ikemu Pa pülümo kemi ye küghatha bevae, kughengu Pa no Alhou Nu lakhi likhi akeu pülübe moke.

John 3:36

Khunono Anu pülüni keno lhokta küxü ani; khunono Anu gholu moni keno aküxü ithumla nani, ikemu pa shou Alhou loghu anani.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

John 6:40

Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

John 6:50

Ikemu asho hi kungugha lono iqighi keu ye chu peniye kethono thive peniye kumoe.

John 6:51

Ni ye kungugha lono iqighi keu aküxüküa shoke. Khuu no hipa sho chuni keno pa ye alholo xü nani. I no ayeghiqha küxüpu ghenguno tsü akeu sho ye I shi ke.”

John 6:54

Khunono I shi chuni eno I ji shoni keno lhokta küxü ani eno ashekha tsalani I no pa xüputhu nani.

John 6:58

No puasüqo no chupusü thive keu toi mono hi no kungugha lono iqighi keu shoke. Khunono hipa sho chuni keno alholo xünani.”