John 5:30 - Sumi Naga CL (Re-edited) Bible (BSI)

³⁰ “Ni ye I ka-agha loye kiumu shimlae. I no chilu no küghatha cheni, eno Iw küghakütha ye achipie, kughengu ni ye I gho-apulou kumono I puwu keu gho-apulou shicheni.

BAIBEL (BSI)

³⁰ “Ika-agho loye niye kiumu shimla; Apuh no ivilo pikeulo likhino ino kughathatsu cheni, ikehu ino kughatha keuye achipi, kughengu niye ighoapulou kumono ipuwupuakeu gho apulou shiniyeke.

Sümi Tiqhelimi Bible

³⁰ I likhi I vechewo ni ye kiumu shimlae; Ni ye I no chilu keu likhi küghathabe cheni, eno iw küghakütha ye achipi ke, kughengu ni ye I likhi I pulou kumo püzü I puwu keu pulou shini keu phu chenie.

John 5:30 Iomraidhean Croise

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

ISAIAH 28:6

kuchou xakütha nguagha pesü küghatha chekemi tsü nani, akumto pesü khagho lo aghümi tuchile chekemi tsü nani.

ZEFANIA 3:15

Ampeu no o launo küghakütha pewuve tsüae; Pa no o ghümiqo haleve tsüae. Israel Kükau, Ampeu no o gholo anike no ye khilemu alhoksa msakithe moae.

MATTHEW 26:39

Pa no kitila azüu wuno agi no ayeghi dape inikhu, “I Pu, shikulupu shi aye ajukhu hipau I launo ikhiluve tsülo; tishinamu I gho kumono o pulou shilo.”

John 14:10

Ni ye Apu lolo ani eno Apu no I lolo ani kepi no ye pülü chemo keshea? I no nongu vilo pi akeu tsa ye I gho-apulou lono kumoe ikemu Apu I lolo achekeu no Pa kümla shi anike.

John 17:4

Nono I pelo mla peniye pichebe keu kümtsü shikhave no I no ayeghi lo O juküvüpu shive tsüae.

John 18:11

Jisü no Peter vilo pi, “O azütakikihi pesü asükhi lo süvelo. Ni ye Apu no I pelo shope niye tsükeu jukhu shomoni keshea?”

John 4:34

Jisü no panoqo vilo pi, “I chuqupu ye khuu no I puwu keno Pa pulou shini keu eno Pa kümla shiqhive tsüni keue.

John 5:19

Ikehu Jisü no panoqo vilo pi, “Kuchou no I no nongu vilo piani, Anu ye pa kutoshino kiumu shimlae, ikemu Apu no shiaghi keu pa no ithulu keu likhi shicheni. Apu no kiu shi keno Anu ghi tishi cheni.

John 6:38

Kughengu ni ye I pulou shiniye kungugha lono iqighike kumoe, ikemu I puwu keu pulou shiniye ke.

John 8:28

Ikehu Jisü no pi, “Kughou nongu no Timi Nu ikhiqheni keno, tileno nongu no ni ye Pa kepi ithi nani; eno ni ye kiumu I küka lono shichemo, ikemu Apu no kiu I shika keno ti likhi pichenie pi ithi nani.

John 8:42

Jisü no panoqo vilo pi, “Alhou no nongu papu keaye nongu ye I kimiyeni cheke, kughengu ni ye Alhou launo ighi eno ni ye hile ani. Ni ye I kutoshi no ighike kumoe ikemu Pa no I puwuke.

John 8:50

Ikeghi ni ye I likhi I jekipi phuchemoe; tipau phu chekeu lakhi ani eno pa ye küghaküthau ke.

Rommi 15:3

Kughengu Khristo ye Pa ampi pulou shimoe, ikemu ishi yepüake toi shike, “O thaigha chekemiw küthakügha tsa huno I shou ikughie.”

Rommi 2:2

Khunono hitoi shicheni keno Alhouw küghakütha ye achipi lono pano shou ikughi chenie pi ningu no ithi ani.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.