John 4:42 - Sumi Naga CL (Re-edited) Bible (BSI)

⁴² Panongu no atotiu vilo pi, “Nono pike ghengu likhino ningu ye pülü anike kumovae, kughengu ningu ampi no pa no pikeu chiluvae, eno kuchou no Pa ye ayeghilomi Xakuluu kepi nino ithivae.”

BAIBEL (BSI)

⁴² tipaqono atotiu vilo pi, “Nono pikeu ghengu likhino puluke kumo puzu ningu ampino pano pikeu chiluvae, eno kuchouno paye ayeghilomi xakuluu kepi ninguno ithivae.”

Sümi Tiqhelimi Bible

⁴² Panongu no totimi vilo pi, “Ningu ye nono kiu pi keno tipau ghengu likhi no pa pülü keu shimovae; itehi ye ningu ampi no pa tsa chiluvae, eno ningu no timi hipau ye kuchou no ayeghilomi’w Xakuluu kepi ithivae.”

John 4:42 Iomraidhean Croise

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 52:10

Ampeu no shiyeqo zülono Pa u kimthe xachhovae, eno ayeghi shekha kümtsü lono Alhouw xakulupu ithulu nani.

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

Luke 2:32

Jewkumomi lau pephe piye kepu küvü lakhi, eno Ow timi Israelmi ghenguno ajuküvü ke.”

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 11:17

Kughou Jisü no ighi keno, Lazarus ye akümoki lo atsala bidi ngovae pi chilu.

John 17:8

Kughengu Nono atsa I tsükeqo pesü I no panoqo tsüvae, eno panongu ye tipaqo ikhiluve no kuchou no ni ye O launo ighi kepi ithivae; eno Nono I puwu kepi panongu no pülü luvae.

John 4:29

“Milakhi khuu no I no shipüakeu qhoi pivetsü keno ighi no julo. Hi no Messiah keo lae?”

John 4:41

Pa tsa vecheo kutomo no pülülue.

Apostolmi 13:23

Alhou no piqhi püake toi David lagha lono Israelmi ghenguno Xakuluu Jisü saghi ke.

Apostolmi 4:12

Xakulupu ye khuu lau nomu ithumla nani, kughengu ningu xaluni ke atsütsü qholo aje hinguno kütau timiqo lau tsü püamoe.”

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

2 Kor. 5:19

ti ye, Alhou no timi xine kihitsü mono Khristo küdau no ayeghiqha pesü Pa lau külashi ae, eno ningu shou alupekikili kümlapu piche tsüke.

1 Tim. 4:10

Kughengu hi kutolo ningu ye ichheime mla acheni, ti ye ningu no aküxüpu Lhou, khuu timi kümtsüw eno akhoto no pülüluve kemiw Xakuluu keno, Pa shou niw lajupu bepe qhive akehu ke.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.