John 3:33 - Sumi Naga CL (Re-edited) Bible (BSI)

³³ Khunono pa tsape ikhilu keno Alhou ye kuchou kepi mtsüqhei ithivae.

BAIBEL (BSI)

³³ Pano atsape shikeu ikhilukemiye Alhou ye kuchou kepi mutsuqheyi shiluvae.

Sümi Tiqhelimi Bible

³³ Tipau ikhilu kemiqo ye Alhou ye kuchou kepi akupulo shepe shive tsüae.

John 3:33 Iomraidhean Croise

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

John 8:26

Ni ye nongu ghili pikepu kutomo ani eno küghathabe kepu kutomo ani, ikemu khuu no I puwu keno Pa ye kuchou, eno Pa launo kiu chilu keno tipau pesü I no ayeghiqha lau sheshu cheni.”

Rommi 15:28

Ikehu kughou I no hipa ghini shiveni eno qhaphetsü keu pewo Jerusalem lo tsüveni keno, ni ye nongu kila küdau no Spain lo wuveni.

Rommi 4:11

Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

1 Kor. 9:2

I no kütami lau apostolmi kumo namu nongu lau likhimu ni ye apostolmi ke, kughengu nongu no ni ye Ampeuw apostolmi kepi keu michipu ke.

2 Kor. 1:18

Alhou ye pükhükulupu ke ningu ye nongu vilo ghuthu khavino Iyei eno Moe pi püamoe.

2 Kor. 1:22

eno ningu shou Pa michipu sütsü no ningu tsüniye akeu tsütha ghi Pa Ghungu ningu mlo lo sütsüe.

Ephesiami 1:13

Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

IBRIMI 6:17

Ikehu kughou Alhou no Pa shoqhi kiyighimi lau kilive mlakeu lhoaye piyeni ke pulove keno, Pa no ashoqhi pesü ti mtsüqhei shitsüe,

1 John 1:10

Tsala nino ningu ye axine shimphie pi aghi aye, ninguu no Alhou pesü akimkiu shive tsüae, eno Pa tsa ye ni lolo kühae.