John 3:29 - Sumi Naga CL (Re-edited) Bible (BSI)

²⁹ Khuu no külaliu sa ani keno, pa no külapuu ke; külapuu küsau khuu puthugho no atsa ini cheni keno, pa no külapuu sütsa chilu no shishe alovi cheni. Tihutoi itehi I lokivi hipau ye kupu luvae.

BAIBEL (BSI)

²⁹ Kulapuuno kulaliu sa-anikeu ke; ikemu kulapuu kusau huye puthugho puzu ini acheni eno kughou kulapuu sutsa chilu nikeno paye alokivi shi cheni. Tihutoi ilokivi hipau shikupuvetsuae.

Sümi Tiqhelimi Bible

²⁹ Külaliu ye külapu’w ke. Shompami khuu no külapuu khe eno ini cheni keno pa ye kughou külapuu sütsa chiluni keno alokiqi no chhitoive cheni. Alokivi tipau ye iw ke eno tiye kupukülaivae.

John 3:29 Iomraidhean Croise

ALE KIMCHI 3:11

O Zion lo ilimiqo, ipeghilo eno Akükau Solomon julo, pa küküla tsala, pa lokivipu tsala lo, paza no qhopipe keu kütsükuqho pusü cheni.

ALE KIMCHI 5:1

I chepu, Iw külaliu, ni ye I ghutu lo ighivae, jumghaikeu mukhu ngo müsüghüta pekütsüvae, akhi kütsü gholono akhingozü chuvae, atsaizü ngo akichhizü yevae. Aküsamiqo, chusho lo eno kikimiye shomzü alo!

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

ISAIAH 66:11

tishiaye nongu tuchohiju nani eno li kicheqho lono nongu lopiqitsü nani; li no shishe kupukuno shi akeu lono nongu ye alokivishi sholu nani.”

JEREMIYA 2:2

“Wulo eno Jerusalem no chikulupu shi asheshu lo, Ampeu no ishi piani, “O lhothe lo mlokütsü, kishi külaliu lau toi nono I kimiye, asayeqha, chimo keu yeghi lo, kishi nono I pape keno I no kümsülu ani

EZEKEL 16:8

“Kughou I no itaghi o kathawu no o ju ithulu keno, julo, no ye küzüvü kepu do tove aghi, eno I no I kuuphi pesü o phikümsa nhatsüe; I no o lau tushoqhi no o sasü puloshoqhi shie, Ampeu no asheshu, eno no ye Iw shiveke.

HOSIYA 2:19

Eno I no pülhapuju ghenguno no inisüve nani. I no achipiu mikucho eno kuchou xakütha, iqemokeu kikimiye eno küpükini lono no inisü nani.

MATTHEW 22:2

“Kungugha yekipe ye kükami lakhi no pa nu ghenguno külakupu ghulhu kutotsü ketoi ke.

MATTHEW 25:1

“Kungugha yekipe ye ilimi chighi no akulu pesü külapuu kusho niye wukeu toi nani.

MATTHEW 9:15

Jisü no panoqo vilo pi, “Aküküla lo kusü kemi ye külapuu no panongu gholo ngo apülaghi amloksa shini keshea? Ikemu panongu gholono külapuu sawuve kepu tsala ighi nani, tileno panoqo no kümvü nani.

Luke 15:6

aki lo ighi no pa küsami ngo akisüghümi kukütsü püzü panoqo vilo pi cheni, ‘I gholo alovi küqha lo, kughengu ni ye I mbe pühave keu hu phuluvae.’

John 15:11

I no nongu vilo hipaqo piakeu ye I lokivi nongu lolo apeniye, eno nongu lokivi chhitoilu peniye ke.

John 16:24

Itehi kutolo nongu ye I je lono kiumu khumphie. Khulo, eno nongu no ithulu nani, tishianguno nongu lokivi ye chhitoilu nani.

John 17:13

Ikemu itehi ni ye O lau chea, eno ayeghi lo akelo I no hipaqo pikeu ye panongu pelo I lokivi panongu lolo kupulu peniye ke.

John 3:30

Pa no chuqumghai ikuve masa eno I no chuni iqive masae.”

2 Kor. 11:2

Ni ye aküpülü lono nongu ghenguno anheshu ani, kughengu athathelimi lakhi pesü akimi lau küsükha tsü keshi ni ye nongu sawo Khristo tsüniye shike.

FILIPIAMI 2:2

nongu kükümsü aphiphi, kikimiye aphiphi, kuloni küghüvüi amlo lakhi shikeu lono I lokivi kupu tsülo.

1 John 1:4

Ikehu ningu lolo alokivi akeu kupukülailu peniye nino hipaqo yelu ani.

2 John 1:12

Nongu lau kutomo yelu kepu aghi namu kakupa ngo kiyezü peitha moveni. Tipa züqhulo ni ye nongu lau ighi no agi kinheqhe ghi küptsa kileni ke laju ani, tishianguno ningu lokivi kupulu peniye ke.

Piyeküsü 21:9

Tile kungumi tsüni khunoqo püsa bohu tsüni dolo ashekhau püsa tsüni chhitoi süpe chekeno, panoqo gholo lakhino I vilo pi, “Ighilo, I no Ambeti nipu Külaliu o piyeni.”