John 3:2 - Sumi Naga CL (Re-edited) Bible (BSI)

² Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

BAIBEL (BSI)

² Pano putho lono Jisu lau ighieno pa vilo pi: “Rabi, nino ithianike noye Alhou launo ighikemi akukutsuu lakhie. Alhou no timi lakhi gholo aghimokeloye timi khunomu nono amchipu kumla shilu akeqo shiluni chemoe.”

Sümi Tiqhelimi Bible

² Pa no putho lono Jisü lau ighino ishi pi, “Rabbi, no ye Alhou lau no ighi keu kükütsümi lakhi kepi ningu ye ithi anie. Kughengu Alhou no timi lakhi gholo aghimo ke aye nono amichipuqo shi akeu ye khilemu shimlae.”

John 3:2 Iomraidhean Croise

KUKAMI ATUGHIU 17:24

Atopuu no Elijah vilo pi, “No ye Alhou timi kepi itehi ye I no ithivae, eno Ampeu tsa o kichi lo akeu ye kuchoue.”

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

JEREMIYA 38:16

Akükau Zedekiah no tuqhou shi Jeremiah lau ashoqhi shi, “Ampeu xü akeu no ningu ngulho lhoke, ni ye o pithimo momu o küghape o küxü phuche kemi u lo süvetsü monani.”

MATTHEW 22:16

Panongu no pano khopemi khami gholo Herod papemi ishi Jisü lau puwu no pipe, “Shikükau, nino ithi anike no ye kuchou eno kuchou shi Alhou laghi shika cheni, eno kütami no o züluve pe chemoe, kughengu no ye ashou koghe juchemoe.

MATTHEW 23:7

Alhikishi-a lo kütami no pano sasü petha shi eno rabbi ipi peni keu no pano lokütüe.

MATTHEW 23:8

Ikemu nongu ye shikükau lakhi ani kehu nongu pesü rabbi ipi kelau kumono kümtsü athiküzümi ke.

Mark 12:14

Panongu no ighi no pi, “Shikükau, no ye süchomie pi nino ithi ani. Kughengu no ye khuu lau mu agiju chemo momu ala saphu mono aphiphishi kihi cheni, eno kuchou no Alhou laghi pesü shika cheni. Ike zame pesü Caesar tsükeu ye ayezah kiqilo kemo kea? Ningu ye tsü kepu kemo kea?”

John 1:38

Jisü no idewo pama no pa pape cheghi keu ithulu no iniju, “Nokujo ye kiu phucheni kea?” Pama no pa khochile, “Rabbi” (tipa kiqi ye Shikükau), “no ye khile ani kea?”

John 10:38

ikemu I no tipaqo shiaghi aye, nongu no I pülümo namu I kümla pülülo, tishianguno Apu no I lolo ani eno I no Apu lau ani kepi nongu no ithi eno vethalu nani.”

John 12:37

Panoqo zülo pa no amchipu kümla kutomo shikeghi panongu no pa pülümoe,

John 14:10

Ni ye Apu lolo ani eno Apu no I lolo ani kepi no ye pülü chemo keshea? I no nongu vilo pi akeu tsa ye I gho-apulou lono kumoe ikemu Apu I lolo achekeu no Pa kümla shi anike.

John 15:24

Khunomu shichemo keu kümla I no panongu gholo shimo keaye panongu ye axine shikeu küküqü kühani cheke, ikemu itehi ye panongu no ithuluve akehu, ni eno I Pu nikujo mithi ani.

John 2:11

Jisü no amchipu kümla shikeqo gholo hi Galilee cheaxü Cana lo shikeu no atüghüu, eno hileno pa juküvü pephe piye; eno pa khopemi no pa pülüve.

John 20:16

Jisü no li vilo pi, “Mary.” Li no igho ighi no Aramaic tsauno pi, “Rabboni!” (tipa kiqi ye Shikükau).

John 3:26

Panongu no John lau wuno pi, “Rabbi, Jordan kukuu milakhi o gholo akeu, khuu vehu nono thopi shi keno—julo, pa ye baptiz shitsü ani eno kümtsü no pa lau wuve ani.”

John 4:31

Ikelo akhopemi no ishi pa qhüiniju ae, “Chulo, Rabbi.”

John 5:36

Ikemu I no ashepe akeu ye John shepe nguno akijeu ke. Kughengu Apu no I pelo mlakupu peniye I tsükeu, akümla khikhi I no shiani keno, tipaqo no Apu no I puwu kepi thopi shiani.

John 6:2

Eno aqokitikhi kije no Pa papeche, kughengu pa no küsükinimi shou amchipu jeli shi akeu panongu no ithulu ke.

John 7:31

Tishimu timi kutomo no pa pülü luve no pi, “Kughou Khristo ighini keno pa ye timi hipau no amchipu kümla shi akeu nguno alau shinani kema?”

John 9:16

Phariseemi khami no pi, “Timi hipau ye Alhou launo ighimoe kughengu pa ye Sabbath yezah hebide ke.” Ikemu kütami no pi, “Axinemi lakhi ye kishino amchipu hipaqo shiluni kea?” Eno panoqo dolo kijetha ipeghive.

Apostolmi 10:38

Alhou no Aghungu Kimthe eno aküka pesü Nazarethmi Jisü nukishe. Alhou no pa gholo ake ghenguno pa no aqha kümtsü lo wuno akivi kümla shi eno tüghami no qhasüpe akeqo kümtsü shipivi tsüe.

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

FILIPIAMI 1:14

Eno I no akughu shikeu lono athiküzümi kutomo no Ampeu lau pükhübe luve kehu itehi ye msa mono Atsa pikülha nike alau mto kithe ani.

XAKUTHAMI 6:27

Ikehu Gideon no pa qemi chighi sasü wuno Ampeu no pa vilo kiu shilo pi keno tipaqo kümtsü shive. Ikemu pa ye pano kibolomi eno mishiphu lo xüküami msa kelauno puchou no kumono putho lono tishive.