John 21:17 - Sumi Naga CL (Re-edited) Bible (BSI)

¹⁷ Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

BAIBEL (BSI)

¹⁷ Jisu no ghuthu akuthuu pa vilo pi. “Johan nu Simon, noye ikimiye cheni ma?” Pitor ye amlo shimove kughengu Jisu no pa vilo ghuthu akuthuu “Noye ikimiye cheni ma?” ipi iniju kehu. Pano Jisu vilo pi. “Ampeu, nono thwokha ithi ani, eno ino okimiyechekeu nono ithi anie!” Jisu no pa vilo pi, “Iwu bheriqo jukide kudayilo.

Sümi Tiqhelimi Bible

¹⁷ Ghuthu aküthüu Jisü no pa vilo pi, “John nu Simon, no ye I kimiye chenima?” Jisü no ghuthu aküthüu ghi, “No ye I kimiye chenima?” ipi iniju keu lo Peter ye alosüve. Pa no pi, “Ampeu, nono thowkha kümtsü ithi anie; I no O kimiye akeu nono ithi anie.” Jisü no pi, “Iw ambeqo lojí lo.

John 21:17 Iomraidhean Croise

SAMUEL AKINIU 7:20

David ye O vilo itaghi kiu piluni kea? Kughengu Nono O qeu David ithi ani, O Ampeu Alhou!

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”

YEKIKITHI ATUGHIU 17:18

Nono O qeu David gihuve keu lo hinguno alau O vilo kiu pikulupu ani kea? Kughengu Nono O qeu ithi anie.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

AKUMLO 3:33

kughengu Pa ye amlo lono ithithai no ghimeve momu timi tianuliqo shikughujuve chemoe.

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

Mark 14:72

Paikhavi awudu no akiniu ighave. Jisü no kishi pa vilo pi keno pa no kümsüchilelu, “Awudu no ghuthu akiniu ighamphi lono no ye ghuthu küthü ni milive nani.” Pa no amloghuju shi qauve.

John 12:8

Kughengu kumlhomi ye alhokuthu nongu gholo anani, ikemu ni ye alhokuthu nongu gholo ani chemoe.”

John 13:38

Jisü no khochile, “No ye kuchou no I ghenguno o küxü tsülu nani keshea? Kuchou no I no o vilo piani, awudu igha mphi lono no ye ghuthu küthü I milive nani.”

John 14:15

“Nongu no I kimiye aye, I zakütsüqo pape nani.

John 15:10

I no I Pu zakütsü papelu no Paw kikimiye lo kimepe ache ketoi, nongu no I zakütsü papelu aye Iw kikimiye lo anani.

John 16:30

Itehi ye ningu no ithive ake no ye thokha ithi ani eno khunomu o vilo ighiju akepu vehu kühavae; hi ghenguno no ye Alhou launo ighi kepi ningu no pülü luvae.”

John 18:27

Peter no itaghi milive, eno tipamtsa awudu no ighave.

John 18:4

Jisü ye pa shou kiu shinani keno thokha ithi akehu pa no azüu ipeghi no panoqo vilo pi, “Nongu ye khuu phucheni kea?”

John 21:18

Kuchou no I no o vilo piani, kughou nono apumi shiche keno, o kutoshino aphimini pepusü khile khilemu nono pulo keu lo wuche, ikemu kughou nono kichimi shiveni keno, nono o u xachho no kütami no aphi o puu nani, eno nono khile pulomo keno tilau o sawu nani.”

John 4:16

Jisü no pi, “Wolo, o kimi kusasü ighilo.”

Apostolmi 1:24

Panongu no inikhu no pi, “O Ampeu, nono timi kümtsü mlo ithi anike ningu piye tsülo, hi pama dolo Nono khikhiu kishepe

Apostolmi 11:10

Hitoi ghuthu küthü shive no kümtsü atsütsü lo sünhe chile saikuve.

Apostolmi 15:8

Timi mlo ithi akeu Lhou no ningu lau mlake toi, Aghungu kimthe panongu tsükeu vecheo panongu lau thopi shi,

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

JOSHUA 22:22

“Akughushu Lhou Ampeu! Akughushu Lhou Ampeu! Pa no ithi ani eno Israelmi ampi no ithilo. Tsala hino hekibide momu Ampeu shou aküpülü hephove aghi aye, ningu kipimi qhitsü kevi,

1 Peter 1:6

Hi kümtsü lo nongu ye alovi kepu kije ani, kughengu itehi ado hami ghenguno puju-peju keu jeli sholu kelo nongu ye imeve aghiluvi,

2 Peter 3:1

Kimiye chekeqo, hi no ghuthu akiniu shi ni ye nongu lau yepuwu ani. Hi küma kini kujolo ni ye nongu ghutu ghi nongu kükümsü mtsümishei keu hakutho tsü ani,

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.