John 21:15 - Sumi Naga CL (Re-edited) Bible (BSI)

¹⁵ Panongu no amzü vethave kethiu, Jisü no Simon Peter vilo pi, “John nu Simon, no ye hipaqo kümtsü nguno alau I qhuivü anima?” “Iyei, Ampeu, I no o kimiye keu nono ithi ani,” ipi pa no khochile. Jisü no pa vilo pi, “I mbetiqo lojilo.”

BAIBEL (BSI)

¹⁵ Panonguno chuve kethiu, Jisu no Simon Pitor vilopi, “Johan nu Simon, noye hipaqo kumtsu nguno alau shi iqhu-ivu cheni ma?” “Iye, Ampeu, ino okimiyechekeu nono ithi anie” ipi pano khochile. Jisu no pa vilo pi, “Iwu bheritiqo jukide kudayilo.”

Sümi Tiqhelimi Bible

¹⁵ Kughou panongu no chuqhive keno, Jisü no Simon Peter vilo pi, “John nu Simon, no ye thime hipaqo nguno alau I kimiye chenima?” Simon no pi, “Iyei, Ampeu, I no O kimiye chekeu nono ithi anie.” Jisü no pi, “Iw ambetiqo lojí lo.”

John 21:15 Iomraidhean Croise

BOTHUBO 33:13

Ikemu Jacob no pa vilo pi, “I mpeu no ithi anike atianuli miqemlei aphi, eno atsü-aqu khomono akeqo ghi jukuto masa ani. Tsala tipaqo sasü mkamihi atsala lakhi wuve aye atsü-aqu kümtsü thikhave nanie.

SAMUEL AKINIU 7:20

David ye O vilo itaghi kiu piluni kea? Kughengu Nono O qeu David ithi ani, O Ampeu Alhou!

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

JEREMIYA 23:4

I no panongu tucho mjoni kemi akhemi qhinani, panongu ye msa kithemo nani, shithüghüive, momu lakhimu pühavemo nani, ipi Ampeu no sheshu.

JEREMIYA 3:15

“‘I no I mlokuchuu ambekhemi nongu tsüni, panongu no akighithi eno vethakulu pesü nongu loji nani.

EZEKEL 34:23

I no panoqo shou ambekheu lakhi, I qeu David, qhinani eno panoqo mbekheu shive nani.

EZEKEL 46:24

Tileno pa no I vilo pi, “Hipaqo ye achineki lo hukuthumi no timi ghakishiqo lho chekeu-a ke.”

MATTHEW 10:37

Khukhumu apu momu aza kimiye akeu nguno alau I kimiyemo keu ye I laumi shiküzüpu kumoe, eno khukhumu apuanga kimiye akeu nguno alau I kimiyemo keu ye I laumi shiküzüpu kumoe.

MATTHEW 16:17

Jisü no pa vilo pi, “Jonah nu Simon, no ye akümghapue! Kughengu timi shi aji no o lau hi pephe piyeke kumoe, ikemu I Pu kungugha lo akeu noke.

MATTHEW 18:10

“Mthamini nongu ye hi kititiqo gholo lakhi mu jukünathalu nosake tsükhüi lo, kughengu I no nongu vilo piani, panoqo kheu kungumi ye pülhapuju I Pu kungugha lo akeu zülo acheni.

MATTHEW 26:33

Peter no pa khochile, “Panongu kümtsü no o qhive namu, ni ye khilemu o qhimo nani.”

MATTHEW 26:35

Peter no pi, “Ni ye o gholono thive kepushi namu o milive monani!” Akhopemi kümtsü no tishi pive.

Mark 14:29

Peter no pa vilo pi, “Panongu kümtsü no o qhive namu ni ye o qhive moe.”

Luke 12:32

“Msa kevilo, O nongu amsa loji, kughengu ayekipeqha pesü nongu tsüni keu no nongu Papu lopue.

Luke 22:32

ikemu o küpülü itha pemoni ke I no o ghenguno inikhuvae. Kughou nono ideighini keno, o thiküzümi shikumto lo.”

John 1:42

Tishino pa no Simon sasü Jisü lau ighi. Jisü no pa juno pi, “No ye John nopu Simon. O je ye Cephas (tipa kiqi ye Peter) ipi kuniae.”

John 13:37

Peter no pa vilo pi, “Ampeu, kushiye ni ye itehi no o pape mlani kea? I no o ghenguno I küxü pephe tsüve nani.”

John 16:27

kughengu Apu ampi no nongu kimiye ani, kughengu nongu no I kimiye eno ni ye Alhou launo ighi kepi pülübe luvae.

John 21:12

Jisü no panoqo vilo pi, “Ighi no amzüvekütha chulo.” Akhopemi gholo khunomu pa vilo, “No ye khuu kea?” ipi ighiju moe, kughengu pa ye Ampeu kepi panongu no ithive.

John 21:7

Ikehu Jisü no kimiye chekeu akhopeu no Peter vilo pi, “Hi ye Ampeue!” Kughou Simon Peter no ti ye Ampeu kepi chilu keno pa no pa kuuphi uluve, kughengu pa ye akümla ghenguno xave no ake, eno azü lo ilhe ilove.

John 8:42

Jisü no panoqo vilo pi, “Alhou no nongu papu keaye nongu ye I kimiyeni cheke, kughengu ni ye Alhou launo ighi eno ni ye hile ani. Ni ye I kutoshi no ighike kumoe ikemu Pa no I puwuke.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 20:29

I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

Rommi 14:1

Khuu no aküpülü lo miqemlei ani keno alokivishi ikhiluni thono akükümsü kiyeqü ke ghenguno mto kevilo.

Rommi 15:1

Ningu khunoqo no aküpülü lo mtotoi ani keno, ningu ampi pulou kumono miqemlei akeqo no ikiqive kelo xaqhe masa kepu ani.

1 Kor. 8:11

Ikehu miqemlei keu athiküzüu, khuu ghenguno Khristo no thive keno, hipau ye o kighithi vecheo kütsavae.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

Ephesiami 6:24

Shipüsa mlakeu kikimiye pesü ni Mpeu Jisü Khristo kimiye chekemi kümtsü lau Alhouw küpükini apeniu.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

1 John 4:19

Ningu no kimiye kile chekeu ye Alhou paghino ningu kimiye kehue.

1 John 5:1

Khunono Jisü ye Messiah kepi pülü cheni keno pa ye Alhou nuli, eno khunono Apu kimiye cheni keno Alhou nuli shiluve kemi kütami ghi kimiye cheni.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.