John 20:17 - Sumi Naga CL (Re-edited) Bible (BSI)

¹⁷ Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

BAIBEL (BSI)

¹⁷ Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

Sümi Tiqhelimi Bible

¹⁷ Jisü no pi, “I pheshelho kevilo, kughengu ni ye Apù lau iku mphi ke. Tishini ke züqhu I thiküzümiqo lau wulo eno panongu vilo ishi pilo, ‘Ni ye I pù eno nongu Papù, I Lhou eno nongu Lhou lau ikuve niye cheae.’ ”

John 20:17 Iomraidhean Croise

KUKAMI AKINIU 4:29

Pa no Gehazi vilo pi, “O phimini pepuve lo eno I küsü ikhipe wulo. Khuana sholu namu pütsa kevilo, khuana no o pütsa namu khochile kevilo. Eno I küsü pesü anu gi lo bepe qhilo.”

KUKAMI AKINIU 7:9

Panongu dolo ishi pikile, “Ningu ye achipi shiamoe. Atsala hipau ye asütsa kivi tsalae. Ningu no inaqhoi tsüküvü kuto kheve aye, aghime no ni shou ikughi niae. Tighenguno itehi shilo, ningu wuno akükau kibolomi vilo piveni.”

LESHELE 22:22

I no O je pesü I thiküzümi vilo pini; aqoaho lono I no O sheqheni:

LESHELE 43:4

Tileno Alhou kümlla khache lo, shishe I lovilu chekeu Lhou lau wuno akighilebo pesü O sheqheni, O Alhou, I Lhou.

LESHELE 48:14

tihu ye Alhou ke, alholo eno pülhapuju ni Lhou ke. Pa no alholo ni la kichetsü nani.

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

LESHELE 89:26

Pa no I lau ighamku pi nani, ‘No ye I pu ke, I Lhou eno I xakulu tuqu ke.’

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 32:38

Panongu no Iw timi shive nani, eno I no panongu Lhou shinani.

EZEKEL 36:28

Nongu ye I no nongu puasüqo tsükeu yeghi lo küghünalu nani, eno nongu no Iw timi shi, eno I no nongu Lhou shinani.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

MATTHEW 12:50

Kughengu khukhumu I pu kungugha lo akeu pulou shikeu huno I thiküzümi ngo I chelimi eno I zake.”

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

MATTHEW 28:7

Tishino mtazü wuno pa khopemi vilo pa ye akithi lono xüthuvae pilo, eno pa ye nongu züuno Galilee lo wu cheae; nongu no tilau no pa ithulu nani. I no nongu vilo pikeu ithilo.”

Mark 12:26

Kithimi xüputhu keu vehulo, Moses kaku lo asüminipho tsamqo lo kishi Alhou no, ‘Ni ye Abraham Lhou, Isaac Lhou, eno Jacob Lhou,’ ipi keno nongu ye phimla aphi keshea?

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Luke 10:4

Pisabo na, aphikumsho na, apukhuqho namu pemoni, eno ala lo khumu sasü petha shimoni.

John 13:1

Hechekulu Ghulhu zülo Jisü no hipa yeghi qhive no Apu lau wuveni keu tüqhüdo tove keu ithive kelo, pa no ayeghi lo paw shive keqo kimiye chekehu ashekha kutolo panoqo kimiye.

John 13:3

Apu no thokha Jisü u lo süve tsükeu, eno pa ye Alhou launo ighi no Alhou lau wuveni chenie pikeu pa no ithi akehu,

John 14:2

I Pu kilo akungo-a kutomo ani. Tishimo aye Ni ye nongu vilo I no wuno nongu ghenguno a-a kuto tsünie piniche keshea?

John 14:28

I no nongu vilo, ‘Ni ye wuveni cheni ikemu nongu lau ighi nani,’ ipikeu nongu no chiluvae. Nongu no I kimiye aye, nongu ye alovi nani, kughengu ni ye Apu lau wucheae eno Apu no I nguno akijeu ke.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 16:28

Ni ye Apu launo ighi eno ayeghi lo ighivae; eno itehi ni ye ayeghi qhive no Apu lau wucheae.”

John 17:11

Ni ye ayeghi lo ngomae, eno O lau cheae, ikemu panongu ye ayeghi lo aphie. Apu Akimtheu, O je lono Nono I tsükeqo khe tsülo, tishianguno nikujo no lakhi ketoi panongu ghi lakhi shi penie.

John 17:25

O amikucho Papu, ayeghiqha no O mtha namu I no No ithi ani, eno Nono I puwu kepi hipaqo no ithi ani.

John 17:5

Apuo, ayeghiqha lhophe mphilo I no O gholo akelo ajuküvü achekeu pesü itehi O nhethe lono I juküvüpu shitsülo.

John 20:27

Tishino pa no Thomas vilo pi, “O uloti hile süju eno I u julo; eno o u chhopuwo I jibo bujulo. Lipi kevilo ikemu pülülu lo.”

John 7:33

Tile Jisü no pi, “Ni ye nongu gholo ado kitila aghi no tithiu no I puwu keu lau wuve nani.

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

2 Kor. 6:18

I no nongu Papu shinani, eno nongu no I pu-anga shinani, ipi Akughushu Mpeu no pi ani.”

Galatiami 3:26

kughengu aküpülü vecheo Khristo Jisü gholono nongu kümtsü Alhou nuli ake.

IBRIMI 11:16

Ikemu panongu ye aghakhu akiviu, ti kungugha lo akeu, kümsü kütüche. Tighenguno Alhou no Pa ye pano Lhoue pinike kujove moe, kughengu panoqo ghenguno Pa no aphughi lakhi kuto püanike.

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 John 3:2

Kimiye chekemiqo, itehi ningu ye Alhou nuliqo ke, eno ningu ye kiu shive nani keno ti ye pephe mphi; ikemu nino ithi akeu no kughou Khristo no ipeghini keno ningu ye Pa toive nani, kughengu ningu no tileno athoshi Pa ithulu nani.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.