John 2:11 - Sumi Naga CL (Re-edited) Bible (BSI)

¹¹ Jisü no amchipu kümla shikeqo gholo hi Galilee cheaxü Cana lo shikeu no atüghüu, eno hileno pa juküvü pephe piye; eno pa khopemi no pa pülüve.

BAIBEL (BSI)

¹¹ Jisu no amchipu kumla shikeu gholo hino atughushi Galil yeghi lo Kana phu lono shike, eno pa kimthe jukuvu pephepiyeno pa khopemino pa puluve.

Sümi Tiqhelimi Bible

¹¹ Jisü no hile Galilee qhalo mishiphu Cana lo kiu shi keno tiye pa juküvü pephe-piye keu michipuqo gholo atüghiu ke; ikelo pa khopemiqo no pa shou pülüluve.

John 2:11 Iomraidhean Croise

KUKAMI ATUGHIU 17:24

Atopuu no Elijah vilo pi, “No ye Alhou timi kepi itehi ye I no ithivae, eno Ampeu tsa o kichi lo akeu ye kuchoue.”

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

LESHELE 96:3

Shiye kümtsü lau Pa juküvü eno timiqo kümtsü vilo Paw akümzapu kümlaqo sheshulo!

IPEKULU 14:31

Ampeu no Pa küka kughushu lono Egyptmi mjochile keu Israelmi no ithulue, ikehu timiqo no Ampeu sümsa, eno panongu no Ampeu ngo Pa qeu Moses lau pülübeve.

IPEKULU 4:9

Tsala panongu no amchipu küma pülümo momu o tsa ini tsümo aye, no ye Nile lono azü kitila shophepe qhaike yeghi lo leqhi lo, nono Nile lono shophe keu zü ye qhaike yeghi lo aji ilhouve nani.”

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

MALAKI 2:2

Nongu no ini move aye, nongu no I je gihuni keu amlo lo qhimove aye, aqokitikhi Mpeu no pi, I no ghukusho nongu lau puwu nani eno I no nonguw kükümghaqo ghushove nani. Nongu no amlo lo hipau süpu moveke ghenguno mtsüqheino I no panoqo ghushovae.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 1:43

Tishiwo thoghiu Jisü ye Galilee lo wuni keu shive. Pa no Philip sasü kuthulu no pa vilo pi, “I papelo.”

John 1:50

Jisü no pa khochile, “I no o vilo ‘Nono mububo qholo akelono, ni ye no ithuluvae’ ipike ghenguno no ye pülü ani keshea? Nono hipaqo nguno akijeu ithulu nani.”

John 10:41

Timi kutomo no pa lau ighi. Panongu no pi, “John ye amchipu kümla kiumu shimoe, ikemu pa no timi hipau ghili pikeu kümtsü kuchoue.”

John 11:15

eno nongu ghenguno I no tilau aghimo keu pavivae, tishianguno nongu no pülülu nani. Itehi ningu pa lau wunie.”

John 11:47

Ikehu Achinetomi ngo Phariseemi hoho no kumqo no pi, “Ningu ye kiu shikepu kea? Kughengu timi hipau no amchipu kümla kutomo shi auvae.

John 12:18

Aqokitikhi no pa sasü kushoni ye wukeu ye Jisü no amchipu kümla hipau shikeu panongu no chiluke ghenguno ke.

John 12:37

Panoqo zülo pa no amchipu kümla kutomo shikeghi panongu no pa pülümoe,

John 12:41

Isaiah no hipaqo pikeu ye pa no Jisü jekipipu ithulu eno pa ghili pike.

John 14:13

Nongu no I je lono kiu kiumu khukeu I no shitsü nani, tishikeu lono Anu vecheo Apu jekipipu shinani.

John 16:27

kughengu Apu ampi no nongu kimiye ani, kughengu nongu no I kimiye eno ni ye Alhou launo ighi kepi pülübe luvae.

John 16:30

Itehi ye ningu no ithive ake no ye thokha ithi ani eno khunomu o vilo ighiju akepu vehu kühavae; hi ghenguno no ye Alhou launo ighi kepi ningu no pülü luvae.”

John 2:1

Atsala aküthüni Galilee cheaxü Cana lo külakupu lakhi shia, eno Jisü paza ghi tile ae,

John 2:23

Hechekulu Ghulhu lo Jisü no Jerusalem lo akelo, kutomo no pa no amchipu kümla kiu shi akeno ithulupe pa lau pülübe.

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 4:3

Jisü ye Judea qhive no Galilee lo idewove.

John 4:46

Jisü no Galilee cheaxü Cana, khile azü pesü atsaizü kughulhotsü keno tile ighi. Ikelo Capernaum lo hiyampemi lakhi nu sü ae.

John 4:54

Jisü no Judea lono Galilee lo ighi kethiu amchipu kümla hi no akiniue.

John 5:23

tishianguno Apu gihu ketoi kümtsü no Anu gihu peniye ke. Khunono Anu gihu moni keno, pa puwu keu Apu hu gihu movae.

John 6:14

Kughou pa no amchipu shikeu timiqo no ithulu keno, panongu no pi, “Kuchou no khuu ayeghiqha lo ighi niye ani keno Tungkupu hu hi chenie!”

John 6:2

Eno aqokitikhi kije no Pa papeche, kughengu pa no küsükinimi shou amchipu jeli shi akeu panongu no ithulu ke.

John 6:26

Jisü no khochile, “Kuchou no I no nongu vilo piani, nongu no I phu chekeu ye amchipuqo ithulu kehu kumono aghakiqishi asho chulu kehue.

John 6:30

Panongu no pi, “Tishiaye ningu no ithulu no o pülüni ke no ye kiu michipu shicheni kea? No ye kiu kümla shicheni kea?

John 7:31

Tishimu timi kutomo no pa pülü luve no pi, “Kughou Khristo ighini keno pa ye timi hipau no amchipu kümla shi akeu nguno alau shinani kema?”

John 9:16

Phariseemi khami no pi, “Timi hipau ye Alhou launo ighimoe kughengu pa ye Sabbath yezah hebide ke.” Ikemu kütami no pi, “Axinemi lakhi ye kishino amchipu hipaqo shiluni kea?” Eno panoqo dolo kijetha ipeghive.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

ZAKINIU 5:24

Eno pi, ‘Julo, Ampeu ni Lhou no Pa juküvü eno aküka ningu piyevae, nino ami lono Pa sütsa chiluvae. Ishi tsala lo Alhou no timi pütsa keu ithuluvae, ikeghi timi ye xüaphie.

1 John 5:13

Nongu khunono Alhou Nu jelo pülübelu keu lono lhokta küxü anani pi ithinishi cheni keno, ni ye nongu lau hipaqo ye ani.