John 19:4 - Sumi Naga CL (Re-edited) Bible (BSI)

⁴ Pilate no itaghi khalau ideipe timiqo vilo pi, “I no pa sasü khalau ipeghini ke julo, tishianguno I no pa lolo akipimi phumla keu nongu pelo ithi penie.”

BAIBEL (BSI)

⁴ Pilat no itaghi khalau ideipe timiqo vilo pi, “Ino hila khalau pa sasu nongu lau ipeghinike julo, tishianguno niye pa pithikepu akiqi kiumu phumlakeu nongu pelo ithipenike.”

Sümi Tiqhelimi Bible

⁴ Pilate no itaghi khalau ipeghino tilehi Jewmi kumqo pe akemiqo vilo pi, “Julo, ni ye timi hipau shou ngukube eno lachile kepu kiumu phulu amoe ipi nongu pelo ithive peniye pa sasü nongu lau saipeghi anie.”

John 19:4 Iomraidhean Croise

MATTHEW 27:19

Tilikhi kumono Pilate no küghakütha lakhü lo iqa akelo pa nipu no atsa lakhi pa lau pi puwu, “Amikuchomi tipau shou kiumu shikevilo, kughengu iji I samou no ni ye pa ghenguno shishe imevae.”

MATTHEW 27:24

Kughou Pilate no pa ye kiumu shimlave keu ithive, eno halau no mqhumza ipeghiuve keno, pa no timiqo zülono azü pesü pa u mütsüve no pi, “Timi hipau ji pelekeu lo I kipimi kühae, hi ye nongu makhoae.”

MATTHEW 27:4

eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

Luke 23:4

Pilate no achinetomi ngo aqokitikhi vilo pi, “Ni ye timi hipau lau akipimi kiumu phulu amoe.”

Luke 23:41

Monimo aye nikujo ye ni kümla jume achipi lono ithulu ani, ikemu timi hipau ye kiumu pimi püamoe.”

Luke 23:47

Aqhe shou zatsüu no ti kümtsü ithulu no Alhou sheqhe, “Mtsüqheino timi hipau ye akipimi küha kena!”

John 18:33

Ikehu Pilate no oking lo ideilove no Jisü kupüzü pi, “No ye Jewmi Kükau keshea?”

John 18:38

Pilate no pa vilo pi, “Kiu no kuchou kea?” Pilate no hi pive no khalau Jewmi lau ideipe panoqo vilo pi, “Ni ye pa shou akipimi phulu amoe.

John 19:6

Kughou achinetomi ngo kijemiqo no pa ithulu keno, panongu no ighamku pi, “Pa yedavelo, pa yedavelo!” Pilate no panoqo vilo pi, “Ni ye pa shou akipimi phumla ke nongu kutoshino pa sawo yedavelo.”

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

1 Peter 1:19

ikemu ambe tukutiye momu akuaye küha keu kimihi shi Khristo ji amekusho huno ke.

1 Peter 2:22

Pa ye axine kiumu shipüamoe, ti ke kumono akimki tsa mu Pa kichi lo shesülu püamoe.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

1 John 3:5

Nongu no ithi anike Jisü ye axine süwuve tsüniye ighi ke, eno Pa küdau ye axine kiumu kühae.