John 19:11 - Sumi Naga CL (Re-edited) Bible (BSI)

¹¹ Jisü no pa khochile, “kunguu no o tsümoke aye no ye I shou aküka kiumu kühani cheke. Tighenguno khuu no I kügha sawo o tsü keno, pa no alau küqüvae.”

BAIBEL (BSI)

¹¹ Jisu no pa khochile, “Alhou no otsumoke aye noye ishou akuka kiumu kuhanicheke. Tighenguno khuuno ikughasawo olau tsu keno pano axine lhoksau shi kuquvae.”

Sümi Tiqhelimi Bible

¹¹ Jisü no khochile, “Tsalá Alhou no aküka O tsümo ke aye no ye I shou aküka kühani cheke. Tighenguno timi khuu no I küghape O tsüvea keno pa ye axiné kijè kipimí shivae.”

John 19:11 Iomraidhean Croise

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

LESHELE 39:9

Ni ye atsa pimlavae; ni ye I kichi xükho movae, kughengu Nono I lau tishive tsü ake.

LESHELE 62:11

Alhou no ghuthu lakhi pivae; I no akiniu ghi chiluvae: ti ye, aküka ye Alhouw ke,

AKUMLO 3:37

Ampeu no azah tsümo keloye khuu no piqhive no tipau shikupu kulupu kea?

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

DANIEL 4:32

eno no ye timiqo dolono hasasü wuve nani, o kungo-a ye aghasa lo tüghashiqo gholo shive nani. No ye amshitsü lakhi toi atsüni mzachupe nani, eno Shishe Akiqheu no timi kükaqha shou ayepe cheni eno tipau pesü khukhumu Pa no pulo keu tsüve cheni ipi ithi moke kutolo kihiküthado tsüni no o hecheve nani.”

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

DANIEL 5:21

Pa ye timi nuliqo gholono hasasü wuve, pa kükümsü ye tüghashi toive, eno pa kungo-a ye aghalo khurhaqo gholo shive. Pa ye amshitsü toi atsüni mzachu, eno Akughushuu Lhou no timi kükaqha lo ayepe acheni eno tipau lo Pa no khuu pulo keno süsü chenie pi pa no ithi moke kutolo, pa phiau ye atsütsü lo tsüzü no pütsüke.

MATTHEW 26:65

Tile achinetou no pa phi süxüve no pi, “Pa ye Lhoupiküptha tsa pivae. Ningu ye thopimi kütami kiu avehupu shini kea? Itehi nongu no paw piküptha tsa chiluvae.

MATTHEW 27:2

Panongu no pa tshüve no sawo Angh Pilate tsüve.

MATTHEW 6:13

Eno ghukuju lo ningu sailotsü kevilo, ikemu alhoksau launo ni xaphe tsülo.”

Mark 14:44

Thekuchuu no azüuno timiqo vilo amchipu tsa pipüa, “I no müma keu no timi huke; pa küghaluve no bothape sawuve lo.”

Luke 22:53

Kughou I no tsalakipe nongu gholo achineki lo akeno nongu ye I küghamoe. Ikemu hi ye nongu tüqhüdo ae eno aküzü küka ake.”

John 18:13

Panongu no atüghüshi pa sasü Anna lau wu, kughengu pa no achinetou Caiaphas pangu kishiu ke.

John 18:3

Ikehu Judas no achinetomi ngo Phariseemi launo ghüshimi amqo lakhi eno kijemi khami sasü amizükulu ngo akuluqhe eno azüta angu pesü tile wu.

John 19:10

Tighenguno Pilate no pa vilo pi, “No ye I pütsamo akeshea? Ni ye o kuqhophe kulupu eno o yedave kulupu küka akeu no ye mtha keshea?”

John 3:27

John no khochile, “Kungugha lono tsümo kelo milakhi ye thime lakhimu ithumla nani.

John 7:30

Ikehu panongu no pa kügha luve niye shi, ikemu khunomu pa shou au bemlae, kughengu pa do ye tomono ake.

John 9:41

Jisü no khochile, “Nongu no anhethi icheke aye nongu ye akipimi kühani cheke, ikemu itehi nongu no ‘Ningu ye ithulu ani,’ ipi anike ghenguno nongu kipimi ye aniae.”

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

Apostolmi 3:13

Abraham, Isaac, eno Jacob Lhou, ni puasü Lhou no Pa qeu Jisü, khuu Pilate no kuqho pheveni pi keghi nongu no pa zülono akipimi tsüno milive keno, pa juküvüpu shive tsüae.

Apostolmi 4:28

Nono azünatha kughu püakeu panongu no shike.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

Rommi 13:1

Timi kümtsü no yepemi qhoqhülo. Kughengu Alhou launo kumo aye khunomu kükagha kühae, eno itehi akeqo ye kümtsü Alhou no süsüe.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

James 4:17

Ikehu khukhumu achipiu shimasa keu ithi apülaghi shimove aye pa ghenguno axine ke.