John 18:33 - Sumi Naga CL (Re-edited) Bible (BSI)

³³ Ikehu Pilate no oking lo ideilove no Jisü kupüzü pi, “No ye Jewmi Kükau keshea?”

BAIBEL (BSI)

³³ Pilat no akighikilo ideilove eno Jisu kupuzu pa vilo pi, “Noye Judami shou Akukau kesha?”

Sümi Tiqhelimi Bible

³³ Pilate no kükaki alou ide ilove no Jisü ku püzü pa vilo ishi iniju, “No ye Jewmiqo kükau keshea?”

John 18:33 Iomraidhean Croise

JEREMIYA 23:5

“Jualo, Ampeu no asheshu, I no David ghenguno amikucho Loka lakhi süqheni keu tsala cheni, pa no akükau shino alokütsü lono ayepe nani, eno ayeghi lo kuchou xakütha ngo achipiu mikucho anani.

ZEFANIA 3:15

Ampeu no o launo küghakütha pewuve tsüae; Pa no o ghümiqo haleve tsüae. Israel Kükau, Ampeu no o gholo anike no ye khilemu alhoksa msakithe moae.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MATTHEW 27:11

Jisü no Angh zülo puthugho akelo Angh no pa vilo pi, “No ye Jewmi Kükau keshea?” Jisü no khochile, “Nono pivae.”

MATTHEW 27:27

Tileno Angh ghüshimi no Jisü sasü Anghw oking lo wuve, eno ghüshimi aqokitikhi sawo pa süho luve.

Mark 15:2

Pilate no Jisü vilo ighiju, “No ye Jewmi kükau keshea?” Jisü no khochile, “Nono pivae.”

Luke 23:2

Panongu no pa nguku thuve, “Timi hipau no ni shiye saküghüzü no Caesar lau zame ghi tsüpe moniye lakha ani, eno pa ampi no Messiah, akükau kepi piani.”

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 12:13

Ikehu panongu no amsabo loka pesü pa kushoni ye wuno ighamku pi, “Hosanna! Khuu no Ampeu je lono cheni keno Alhou no pa kümgha tsülo, Israel Kükau kümgha tsülo!”

John 12:15

“Msa kevilo, Zion limiqo; julo, o kükau ye cheae, khurha ti shou iqa no chenie.”

John 18:34

Jisü no khochile, “Hi ye o lolono ipeghi no iniju ani keo, kütami no I ghili pesü o vilo pi kea?”

John 18:37

Tile Pilate no pa vilo pi, “Tishiaye no ye akükau keshea?” Jisü no khochile, “Ni ye akükau kepi nono piani. Hi ghenguno I punue eno hi ghenguno ni ye ayeghi lo ighie— ti ye kuchou lau thopi shiniye ke. Khunono kuchou laumi keno I sütsa ini cheni.”

John 18:38

Pilate no pa vilo pi, “Kiu no kuchou kea?” Pilate no hi pive no khalau Jewmi lau ideipe panoqo vilo pi, “Ni ye pa shou akipimi phulu amoe.

John 19:12

Tileno Pilate no pa kuqhophe niye pükapütsa. Ikemu Jewmi no igha kithe pi, “Nono timi hipau kuqhopheve aye, no ye Caesar küsau kumoe! Khuu no pa ampi pesü akükau ipi cheni keno pa ye Caesar mjochile ani.”

John 19:3

panongu no pa phivilo ighi no pi, “Jewmi Kükau, axü pushulo!” eno pa gilo ghatsü.

John 19:4

Pilate no itaghi khalau ideipe timiqo vilo pi, “I no pa sasü khalau ipeghini ke julo, tishianguno I no pa lolo akipimi phumla keu nongu pelo ithi penie.”

John 19:9

Pa no oking lo itaghi ideilo no Jisü vilo pi, “No ye khilano ighi kea?” Ikemu Jisü no kiumu khochilemo.

1 Tim. 6:13

Thokha kümtsü aküxü tsükeu Lhou zülono, eno Pontius Pilate zülo pikiphe kije shi püakeu Khristo Jisü zülono I no azah o tsü ani,